يبقي كده مش ناقص حاجه واعتمد علي نفسك

**ahmedz** · 26-12-2010 12:34 AM

بسم الله الرحمن الرحيم

السلام عليكم يارجاله

انا الايام دي بدور علي عربيه وكده واخدت بالي ان اكتر حاجه الواحد بيحتاجه الما بيشتري عربيه انه يتأكد

ان العربيه دي فبريكه دواخل وسليمه ومش مغيرلها نص والحاجات دي ومش راشه جوه طبعا يعني من ضمن الحاجات

المهمه يعني والواحد بيسحب معاه سمكري وكده بس برضه شاعات بتبقي في سمكريه ضميرها وحش

وكمان ساعات الواحد بيقابل عربيات في طريقه مش بيبقي معاه حد وكده

ففكرت ليه منعملش موضوع يلم اي حاجه خاصه بالموضوع ده انا معرفش اذا كان اتعمل قبل كده

يعني مثلا ازاي اعرف ان العربيه دي فبريكه دواخل ازاي اعرف ان العربيه دي مرشتش جوه او بره ازاي اعرف انها مش

مغيره نص هي طبعا حاجه بتحتاج خبره كبيره وكده بس برضه لما الواحد يبقي عارف الاساسيات احسن من لا شيء

فبطلب كل واحد من الاعضاء الجميلة اللي هنا انهم يشاركونا بخبرتهم

وجزاهم الله كل خير وعلي ما اعتقد ان الموضوع ده حيفيد ناس كتير يمكن اولهم انا

**volk** · 26-12-2010 03:45 PM

مش شرط انها رشه دواخل يبقي مغيره نص ولا مغيره اي حاجه

ممكن يكون كان فيها بارومه مثلا و صاحبها قفلها و رش بعديها انتركوت و بعدين نضافه لضمان عدم حدوث بارومه مجددا و خصوصا لو كان اسكندراني

انا مثلا عربيتي رشه دواخل نضافه

فبلاش نحط كلمه رشه دواخل و سقف يبقي مقلوبه او مغيره نص مش كل الكلام ده صح

في حاجات سهل بيها نعرف العربيه مغيره حاجات ازاي

مثلا الرفارف اللي قدام هنلاقي حاجه عامله زي الصوابع دي لو مغيره هتبقي باينه جدا ان الصوابع ملعوب فيها و مش هتبقي زي الفابريكه رغم كده ميئثرش علي العربيه

مثلا قوايم الباب فيها برضوا علامات تعرف بيها فابريكه ولا لأ من خلال ملاحظه استقامه القوايم و ما الي غيره الان مفيش اجدع سمكري هيعرف يظبط القوايم زي بتاعت المصنع

ارجع برضوا اقول مش كل عربيه راشه دواخل يبقي مقلوبه او غيره

بس ده في حالات العربيات القديمه ما قبل ال 90 مثلا

شكرا