Buick skylark

**heshamal** · 26-12-2010 12:53 AM

عاوز اسقط ماتور فى بويك سكاى لارك علشان الى راكب 2500 و 90 هورس باور و طبعا بقاله 30 سنة تعبان و اكيد الضريبه نفخ
انا الميكانيكى بسقط فيها ماتور تويوتا 1500 او ماتور النيسان بس انا مش مقتنع على كل العربيه ديه
لو حد عنده اقتراح او تجربه يقولى و كتر خيركم

شكرا

**MBhead** · 26-12-2010 01:18 AM

اول حاجة المرور مش بيرخص موتور غير نوع العربية بعد القانون الجديد
البويك اللي مع حضرتك موديل كام لو التمانينات يبقي دفع رباعي مش امامي انا مش عايز افتي بس اظن انو صعب يسقطلها موتور تويوتا

**heshamal** · 26-12-2010 12:36 PM

انا شاكر لردك بس انا البويك الى معايا 80 و مالهاش اى مواتير خالص علشان كده بيغيروا الموتور و مافيش مشكله و فى كتييييييييير اوى عاملين كده تقريبا 90% من العربيات
انا مشكلتى انا مش عاوز امشى وراء المكانيكى و انا مش فاهم حاجه انا عاوز احط احسن حاجه و مايزدش عن 2000 بس اعلى هورس بور ممكن

**polandy** · 26-12-2010 07:10 PM

صديقي العزيز بدلا من تغير الموتور
اعمله عمرة احسنلك
بدل متروح تجيب واحد مستعمل متعرفش هو فيه ايه وتفاجا
وعلشان الدوشه بتاعة المرور وورق الموتور والترخيص
الموتور القديم حديد وينفع فيه الخرط وهتليقيله قطع غيار ولو تهت عندك المصنع الحربي يعملك اي حاجه من اول وجديد عنده ورش خراطه

**No Comment** · 26-12-2010 08:51 PM

فى فترة من فترات عمرى كنت بفكر اجيب بويك
المهم من المواتير اللى عرفت انها بتتسقط للبويك فعلاً وناجحة هى مواتير الجولف الـ 1800 cc والـ 2000 cc شفتهم فعلا متركبين على عربيات وفى مقالات قرأتها فى النت وفى المنتدى هنا كمان عن الموضوع ده ... دور وأكيد هتلاقى مشاركات مفيدة .

**thunder155** · 30-12-2010 02:16 PM

كانت مع زميلى فى الشغل و كان مسقطلها موتور لانوس 1500 و فتيس اوتوماتيك و كان طاير بيها فى السما و كانت عجباه جداً

**Silenty** · 02-01-2011 11:41 AM

باشا انا كنت حاجيب بويك سكاى لارك زمااااااان وكانت عجبانى اوى ولسة عجبانى حتى الان (ربنا يباركلك فيها )وسئلت عنها كتير وسمعت ان فى ناس بتسقطلها موتور التويوتا كرسيدا 2000 سى سى جر خلفى الموتور دة هورس باور عالى واعتقد دة انسب اختيار
ولو محتار اوى اسئل ميكانيكى متخصص فى الامريكانى وشوف رأية اية ؟!!

**ahmedtunning** · 02-01-2011 12:17 PM

المشاركة الأصلية كتبت بواسطة silenty

باشا انا كنت حاجيب بويك سكاى لارك زمااااااان وكانت عجبانى اوى ولسة عجبانى حتى الان (ربنا يباركلك فيها )وسئلت عنها كتير وسمعت ان فى ناس بتسقطلها موتور التويوتا كرسيدا 2000 سى سى جر خلفى الموتور دة هورس باور عالى واعتقد دة انسب اختيار
ولو محتار اوى اسئل ميكانيكى متخصص فى الامريكانى وشوف رأية اية ؟!!

من وجهة نظري ده احسن حل والموتور ده قوي جدا و يقدر يشيل العربية من غير ما يتعب

**heshamal** · 02-01-2011 01:21 PM

يا جماعة انا شاكر اوى ليكم على المشاركة .. على فكره البويك جر امامى و الماتور بالعرض و ماتور الكروسيدا جر خلفى فما اظنش انه ينفع يا ريت
انا بخصص ميكانيكى الامريكى الى انا اعرفه غاوى يسقط ماتور التيوتا كرولا 1500 او ما تور النيسان بس انا شايف ان جسم العربيه تقيل اوى على المواتير ديه هو الى بيركبهم ما بيحسش بالفرق الان الماتير ديه بتدى اظن 105 حصان يعنى قريب ما الماتور بتاعها بالرغم من ان الماتور بتاعها 2470
فانا شايف ان ماتور 2000 حديث يكون فى حدود 150 حصان اظن انه مناسب بس انا ما اعرف ميكانيكى امريكى تانى يكون بيسقط مواتير فلو حد يعرف حد ياريت يقولى
شكرا