الموضوع: اللــى عـاوز يـركب فـتــحـة ســـــقـف

موضوع الضمان انا لسه بسال فيه ومفيش رد

وقلبى بيقولى انه مش حينفع

لان المهندس اللى بيركبها فى المحل قالى احنا بنوصلها فى ضفيرة الكهرباء

واكيد الضمان حيخلع ايده من الموضوع

فالموضوع لو كان كدا يبقا خطر على الناس اللى فى الضمان

مش عشان ممكن يحصل حاجة لقدر الله , لكن لو كان فى عيب فى العربية ايان كان فى الكهرباء مش شرط من فتحة السقف , ممكن يتلككوا ويقولك بسببها , او ما يصدق انك عملت حاجة مخالفة لقواعدهم ويريح دماغوا ويقولك انت بره ضمان الكهرباء

فمجرد ما اطلع من الضمان باذن الله حعمل الموضوع ده , عشان بس اتمتع بكامل حقوقى معاهم ,


وبخصوص موضوع التركيب عموما ولو حد حابب وحابب يغامر

الموضوع بقا سهل جدا ومفهوش مشاكل , والناس بيشتغلوا بحرافية عالية وبخامات عالية والمانى

ولا ميه بتنزل ولا تراب ولا اى حاجة , هو بس اللى بتسمعه بعد سرعة ال100 صوت ونة الهواء اللى بتخبط فى الشفة اللى فوق
, ومش مسموعه الا لو ركزت معاها جدا , لكن مفيش هواء بيدخلك جوة وانت قافلها

وبيعطى ضمان سنة على الحاجة اللى بيركبوها سواء تركيب او خامات

استاذ كيمو فى عندهم فعلا فتحة سقف مانيول , واصغر شوية من الفتحة الكهرباء بحاجات بسيطة , بحوالى 2500
بس مش عجبتنى

انا اللى عجبنى بصراحة الكهرباء

ولو فى اى جديد حتابع معاكم

ولو حد عنده اى خبرات وركب قبل كدا يقولنا انطباعه عشان الناس تستفاد