كـنت عـاوز اضبــط .... الحديــقـه

**Ayman_52** · 08-05-2009 10:44 AM

السلام عليكم

انا كنت عاوز اضبط الجنينه عندنا....هى طبعا تبع العماره كلها ...بس ماحدش سأل فيها والشجر بقى ضعيف ومش بيطلع ورد زى زمان ..وكمان بقى الجذع فيه لون بنى كده ...وانا الصراحه مش عاوزه يموت ....لانها من زمان معانا

المهم بقى

انا عاوز اضبط الجنينه .... فايه المفروض اعمله؟؟؟

هل اروح اجيب بتاع مشتل ...بحيث يهوى التربه ويجددها ...ويعمل نجيله ...ولا اروح اشترى انا الحاجات دى واخلى البواب يعملها؟؟

وكنت عاوز شويه فيتامينات للشجر ...عشان ترجع تزهر تانى ....

فالموضوع هيتكلف فى رنج كام؟؟

ولو حد عنده اى معلومه تفيدنى ...ياريت واكون شاكر جدا

تحيــــــــــاتـــى

**خالد** · 08-05-2009 10:57 AM

حضرتك ساكن فين؟
لو فى حى مصر الجديدة ممكن أبعتلك ناس من اللى بيشتغلوا فى التشجير للحدائق والجناين بتاعة الحى ( تبع هيئة نظافة وتجميل القاهرة) طبعاً مجاناً
ولو فى مكان تانى أستعين بعمال من نفس الهيئة هتلاقيهم بيشتغلوا فى الجناين اللى فى الشارع بس أسأل الأول على المهندس أو المهندسة اللى ماسكهم أو رئيس العمال ، وقول له على اللى عايز تعمله وأنك عايز واحد كويس وبيفهم وهاتديله الشاى بتاعه ، وحضرتك أبقى أديله اللى فيه النصيب
وأنا تحت أمر حضرتك فى أى أستفسار

**Ayman_52** · 08-05-2009 11:25 AM

المشاركة الأصلية كتبت بواسطة خالد

حضرتك ساكن فين؟
لو فى حى مصر الجديدة ممكن أبعتلك ناس من اللى بيشتغلوا فى التشجير للحدائق والجناين بتاعة الحى ( تبع هيئة نظافة وتجميل القاهرة) طبعاً مجاناً
ولو فى مكان تانى أستعين بعمال من نفس الهيئة هتلاقيهم بيشتغلوا فى الجناين اللى فى الشارع بس أسأل الأول على المهندس أو المهندسة اللى ماسكهم أو رئيس العمال ، وقول له على اللى عايز تعمله وأنك عايز واحد كويس وبيفهم وهاتديله الشاى بتاعه ، وحضرتك أبقى أديله اللى فيه النصيب
وأنا تحت أمر حضرتك فى أى أستفسار

الف الف شكر بجد لحضرتك

هو انا ساكن فى مدينه نصر...بس الصراحه مش باخد بالى من بتوع الشجر دوول...

طب هو ينفع اللى بيشتغل فى مصر الجديده...يجيى يشتغل هنا...ولا كل حى ليه الاداره بتاعته؟؟

وفين مكان -هيئه نظافه وتجميل القاهره-؟؟؟؟وينفع اروحلهم واتفق معاهم هناك؟؟؟

وانا كنت عاوز اعمل نجيله واحط فيتامينات للشجر عشان تعبان شويه....المفروض الكلام دا انا اللى اجيبه ...صح؟؟

معلش اسئلتى كتيره...بس الصراحه اول مره هتعامل فى الموضوع دا

وبجد شاكر على رد حضرتك ....

تحيـــاتــى لحضــرتــك....

**mohmd76** · 08-05-2009 03:03 PM

ممكن وانت ماشى فى الطريق حاول تشوف الناس التى شغاله فى الحدائق التى فى الشوارع او الميادين وتتفق معهم يحضروا بعد عملهم وهو خبرتهم عاليه جدا لانهم فى الاساس مزارعين

**sha2e** · 08-05-2009 04:01 PM

انا ممكن انصحك بحكم خبرتى المتواضعة فى الحكاية دى

اول حاجه انك تجيب حد عشان يقلب الارض كويس عشان يهويها وعشان تبان ؤدامه راجل فاهم اسمها عزق الارض

ثانيا الفيتامينات مش هيبقى ليها اى لازمة دلؤتى عشان كان المفروض انك تحطها من شهرين تقريبا دلؤتى احنا دخلنا فى الربيع والشجر كله تقريبا جدد خلاص
انت ممكن دلؤتى تحط كيماوى عادى لكن الفيتامينات بتتحط قبل موسم التجديد عشان تدى الشجر بعض العناصر زى الكالسيوم والبوتاسيوم وبعض العناصر المهمه

بخصوص تنظيم الجنينه
انصحك تزرع حواليها ريحان ودى صورته

ده هيديك شكل حلو وفى نفس الوقت رحته بتبقى جميله جدا
بس حاول انك تدور على " البلدى " حتى لو غالى شويه عشان فيه نوع تانى نفس الشكل بس ريحته مش بتبقى قويه اوى زى البلدى

وبمجرد ان شجيرة واحده تكبر عندك ممكن تاخد فرع منها وتزرعه ويطلعلك شجيرة جديده

بخصوص النجيله بلااش دى وباااااااااااااااء ومش عارف اتخلص منها عندى ابدا وتمتص كل الغذا الل فى الارض

هنصحك بقى نصيحه بمليون جنيه
بدل النجيلة ازرع نعناع بلدى
انا نزلت صورتهولك دلؤتى ودى صورته

معلش الصور مش تمام اوى عشان بقالى أكتر من شهر مطنش الجنينه خالص

النعناع ده جااااااااااااااااامد جدا اولا شكله أحلى من النجيلة
ثانيا ريحة روعه وخصوصا لما تنزل تسقيه هتشم احلى ريحه ممكن تشمها
ثالثا لما تقطع منه عودين وتحطلهم على الشاى هتشرب احلى كوباية شاى شربتها فى حياتك وهتحس بأنتعاش عجيب
السبب ان الزيت الل فى النعناع من الزيوت الطياره يعنى مش بيفضل كتير فى الورقه بعد ما تنقطف وطبعا كل النعناع الل احنا بنشريه بيكون فات على قفطفه مش أقل من 6 سعات تكون أغلب الزيوت الل فيه طارت

انا ليا اصدقاء بيجولى مخصوص عشان يشربو شاى عندى

يارب اكون اقدرت افيدك برأى

**Abdo_Eldesokey** · 08-05-2009 04:58 PM

إحنا عندنا زارعين شجر قدام البيت

وكل فترة فيه ناس شغالين تبع المجلس المحلى بيعدوا يقصوه ويظبطوه وطبعا ً بتديله الي فيه النصيب

**kloda** · 08-05-2009 10:18 PM

عليك و علي بتوع هيئة نظافة و تجميل القاهرة بس بعد ماتكون مجمع معلومان كويس عشان يعرفو انك فاهم و مش بيضحك عليك
شوف انت مخطط لاية و جمع اكبر قدر من المعلومات عنة و توكل علي الله

**خالد** · 08-05-2009 11:31 PM

المشاركة الأصلية كتبت بواسطة Ayman_52

الف الف شكر بجد لحضرتك

هو انا ساكن فى مدينه نصر...بس الصراحه مش باخد بالى من بتوع الشجر دوول...

طب هو ينفع اللى بيشتغل فى مصر الجديده...يجيى يشتغل هنا...ولا كل حى ليه الاداره بتاعته؟؟

وفين مكان -هيئه نظافه وتجميل القاهره-؟؟؟؟وينفع اروحلهم واتفق معاهم هناك؟؟؟

وانا كنت عاوز اعمل نجيله واحط فيتامينات للشجر عشان تعبان شويه....المفروض الكلام دا انا اللى اجيبه ...صح؟؟

معلش اسئلتى كتيره...بس الصراحه اول مره هتعامل فى الموضوع دا

وبجد شاكر على رد حضرتك ....

تحيـــاتــى لحضــرتــك....

لاشكر على واجب ياسيدى الفاضل
المنتدى ده معمول علشان الناس كلهم يساعدوا بعض وبمنتهى الأمانة
وياما طلبت معلومات وسألت أسئلة و ماحدش بخل عليا بمعلومة من الأخوة الأفاضل
بخصوص أستفسارات حضرتك
أحب أوضح أولاً أن هيئة نظافة وتجميل القاهرة مقرها الرئيسى فى العباسية ورا برج مصر للسياحة ، ومهمتهم نظافة وتجميل الأحياء من حيث الأشجار والحدائق والكهرباء فى الشوارع والنظافة
طبعاً الحدائق والأشجار التى أمام العمارات والمنازل (فى الشارع يعنى) تعتبر من مهامهم
والهيئة لها فروع فى كل حى من الأحياء( الفرع بتاع مدينة نصر مش عارف عنوانه )
لو محتاج أى حاجة فى الشارع حضرتك بتروح فرع الهيئة وبتقدم طلب بما تريد ( تقليم شجر - نظافة - أعمدة كهرباء غير مضاءة ......) وكل هذا مجانى بس طبعاً الروتين القاتل والكسل

لو حضرتك عايز عمال من حى مصر الجديدة ينفع طبعاً بس بشكل غير رسمى يعنى نبعت لحضرتك العمال ( واحد أو أثنين على الأكثر) وحضرتك تديهم اللى فيه النصيب
طبعاً الكيماويات حضرتك اللى بتشتريها على حسابك بس همة العمال بيكونوا خبرة وهايقولولك على الأماكن اللى تشترى منها ( يستحسن أول مرة حضرتك تروح تشترى بنفسك وتعرف رينج الأسعار وبعد كدة ممكن تديهم همه يشترولك)

لو حضرتك عاوز واحد كويس وأمين وثقة ممكن تتصل بيه أسمه عم محمد وهوه رئيس عمال بحى مصر الجديدة ماسك ش أبو بكر الصديق أمام متحف سوزان مبارك
موبايله 0121521480 قولله من طرف الدكتور خالد

**Moh.Abdelbaset** · 08-05-2009 11:51 PM

اتفضل حضرتك الموقع ده ممكن يفيدك
http://www.zira3a.net/

**Dr Zezo** · 09-05-2009 12:25 AM

المشاركة الأصلية كتبت بواسطة sha2e

انا ممكن انصحك بحكم خبرتى المتواضعة فى الحكاية دى

اول حاجه انك تجيب حد عشان يقلب الارض كويس عشان يهويها وعشان تبان ؤدامه راجل فاهم اسمها عزق الارض

ثانيا الفيتامينات مش هيبقى ليها اى لازمة دلؤتى عشان كان المفروض انك تحطها من شهرين تقريبا دلؤتى احنا دخلنا فى الربيع والشجر كله تقريبا جدد خلاص
انت ممكن دلؤتى تحط كيماوى عادى لكن الفيتامينات بتتحط قبل موسم التجديد عشان تدى الشجر بعض العناصر زى الكالسيوم والبوتاسيوم وبعض العناصر المهمه

بخصوص تنظيم الجنينه
انصحك تزرع حواليها ريحان ودى صورته

ده هيديك شكل حلو وفى نفس الوقت رحته بتبقى جميله جدا
بس حاول انك تدور على " البلدى " حتى لو غالى شويه عشان فيه نوع تانى نفس الشكل بس ريحته مش بتبقى قويه اوى زى البلدى

وبمجرد ان شجيرة واحده تكبر عندك ممكن تاخد فرع منها وتزرعه ويطلعلك شجيرة جديده

بخصوص النجيله بلااش دى وباااااااااااااااء ومش عارف اتخلص منها عندى ابدا وتمتص كل الغذا الل فى الارض

هنصحك بقى نصيحه بمليون جنيه
بدل النجيلة ازرع نعناع بلدى
انا نزلت صورتهولك دلؤتى ودى صورته

معلش الصور مش تمام اوى عشان بقالى أكتر من شهر مطنش الجنينه خالص

النعناع ده جااااااااااااااااامد جدا اولا شكله أحلى من النجيلة
ثانيا ريحة روعه وخصوصا لما تنزل تسقيه هتشم احلى ريحه ممكن تشمها
ثالثا لما تقطع منه عودين وتحطلهم على الشاى هتشرب احلى كوباية شاى شربتها فى حياتك وهتحس بأنتعاش عجيب
السبب ان الزيت الل فى النعناع من الزيوت الطياره يعنى مش بيفضل كتير فى الورقه بعد ما تنقطف وطبعا كل النعناع الل احنا بنشريه بيكون فات على قفطفه مش أقل من 6 سعات تكون أغلب الزيوت الل فيه طارت

انا ليا اصدقاء بيجولى مخصوص عشان يشربو شاى عندى

يارب اكون اقدرت افيدك برأى

شكرا علي معلومة النعناع

الموضوع: كـنت عـاوز اضبــط .... الحديــقـه

LinkBack

أدوات الموضوع

عرض

كـنت عـاوز اضبــط .... الحديــقـه - انشر الموضوع فى :

-

-

-

-

-

-

المواضيع المتشابهه

ξ❤ξ ياجمـاعة أنا عـاوز هويـات (يارس) علشان عنيا ξ❤ξ

اللــى عـاوز يـركب فـتــحـة ســـــقـف

الكلمات الدلالية لهذا الموضوع

المفضلات

المفضلات

ضوابط المشاركة