تصلح عيب تدخل فى عيب هو ده حال اى قديم انصحونى بسرعه

**shams650** · 26-12-2010 01:15 PM

اولا السلام عليكم ورحمه الله وبركاته دى اول مرة اكتب ليكوا بس لانى اى سوال فعلا بلاقيه موجود والرد عليه فعلا بس ملقتش اللى انا عاوزه المرة دى

اولا انا معايا 128 موديل 91 من حوالى 4 سنين موضوع الكهرباء اكتر شى مغلبنى جدااااااااااااااا يعنى كل مخلى كل حاجه شغاله يدوب تانى يوم والاقى حاجه بيهيص مثلا فيوز مروحه او لمبه تتحرق مش مهم مش مهتم بالحاجات الصغيرة دى الاهم بقى

بقال شهر تقريبا كل ما اسيب العربيه يوم من غير ماتدور ماترضاش تدور الا بطريقتين انى ارمى لها او اخد البطاريه واشحنها عند الكهربائى ويقولى هى فيها ربع بس تمشيك ولما حصل نفس العيب قالى بقولك ايه انت كل اسبوع تشحنها بس العيب المرة دى مش بطاريه ده من المرش لانه كان قاطع طيب ايه ياعم قالى برميل وشربون قولته غير وفعلا دارت وبعد يومين نفس الشى قولتله ايه ياعم قالى الربع اللى فى البطاريه انصحك وفر الشحن واشترى جديد قولت ماشى بس ياجماعه الراجل دى تقريبا بقينا اصحاب لانه جارى وثانيا هو بينصح هو معندوش بطاريات

المهم اشتريت بطاريه والحمد لله بقالى اسبوع تمام بس للاسف امبارح بقى ركنت نص ساعه ولقيتها بتعتل فى الدوران ولازم ادوس بنزين مع انى لسه مبطل روحت للبتاع البطاريه قولت العيب منه قالى انا هاحمل على المارش وجرب حمل مادرش قالى مش هاحمل عليه ودور دارت وكان معاه الجهاز اللى بقيس الشحن وقالى الشحن تمام على فكرة مشكله مارش
طيب السؤال ازاى وانا صارف عليه اد كده برميل وشربون رايكوا هو بيكلم صح ولا ده عيب ايه انا خايف ليكون دينامو انا اسف للاطاله وعلى فكرة وانا ماشى امبارح بعد مادورتها زق بدوس كلكس النور بيضعف

**semsem_uno** · 26-12-2010 02:18 PM

و عليكم السلام
اولا المفروض مكان الموضوع يبقي هنا: فيات قبل 1990 - :: نــايــل مــوتــورز:: - :: NileMotors.net :: لأن ال128 يعود تصميمها الي عام 1969 و 1977 للمعدلة علشان لو الموضوع اتنقل تبقي عارف مكانه
و ده مش حال اي قديم و لو تحب تشوف عربيات سبعينات احسن من 2010 في التقفيل و الخامات و كل اللي انتا عايزو مفيش مشاكل و انا عربيتي 1993 و ما شاء الله ربنا يحفظهالي يا رب احسن من موديلات عالية كتير
و افهم من كده ان ديه مشكلة حضرتك مش العربية لأن من الأول البطارية كان المفروض تتغير طالما جابت ربع فا من كتر مانتا بقيت تضغط عالمارش علشان تدور بالعافية تعبته
و متسمعش كلمة "تمشيك" ديه من اي حد سواء ميكانيكي او كهربائي الحاجة بدام بايظة خلاص خلصت ولو اتلصمت هتلاقي العربية بتستندل معاك
ده الحمد لله انها كانت ماشية و ضاربة ربع اصلا
و ياريت نوع البطارية اللي غيرتها و عليها ضمان ولا لأ و كام امبير ؟ و لما قاس ليك الشحن كان كام 13 ولا كام ؟
و بدام بتقول الكهربائي ظبتلك المارش تاني يبقي بص علي البوجيهات لأن لو متغيرتش بقالها فترة و السلوك بتاعتها قديمة تخليها تغيب في الدوارة بردو
و انتا منين من القاهرة ؟

**lion_alex** · 26-12-2010 03:07 PM

ليس كل القديم كده

**shams650** · 26-12-2010 03:35 PM

ياباشا تسلم لى على اهتمامك وانا من سكان القاهرة فعلا بس موضوع انى تقلت على المارش ده استحالة لانى فاهم كويس انى لازم اسيب فترة شويه بين كل مرة ادور والبوجيهات انا مغيرها من حوالى 3 شهور او اقل والعربية معايا زى الفل بس مفيش حاجه بتتعمل وتستمر وده علشان كل صنيعى شايف ان غيره مابيفهمش وبوظ العربيه وكويس انك جت لى فى الوقت المناسب واللى وراه بيقول كده برده والبطاريه اللى غيرتها كلوريد وطبعا عليها ضمان وهى انتاج الشهر الحالى و55 امبير وكان اضطرالى لانى امشى بيها لان البطاريات كان سعر الفرق فى البطاريه القديمة حوالة 150ج ومرة واحده بقى 250 ج فقولت اشوف اسبوع كده لو فضلت زى ماهى هاشترى

**semsem_uno** · 26-12-2010 03:44 PM

المشاركة الأصلية كتبت بواسطة shams650

ياباشا تسلم لى على اهتمامك وانا من سكان القاهرة فعلا بس موضوع انى تقلت على المارش ده استحالة لانى فاهم كويس انى لازم اسيب فترة شويه بين كل مرة ادور والبوجيهات انا مغيرها من حوالى 3 شهور او اقل والعربية معايا زى الفل بس مفيش حاجه بتتعمل وتستمر وده علشان كل صنيعى شايف ان غيره مابيفهمش وبوظ العربيه وكويس انك جت لى فى الوقت المناسب واللى وراه بيقول كده برده والبطاريه اللى غيرتها كلوريد وطبعا عليها ضمان وهى انتاج الشهر الحالى و55 امبير وكان اضطرالى لانى امشى بيها لان البطاريات كان سعر الفرق فى البطاريه القديمة حوالة 150ج ومرة واحده بقى 250 ج فقولت اشوف اسبوع كده لو فضلت زى ماهى هاشترى

تمام كده
تعرف الحي السابع ؟؟ اشهر واحد هناك اسمو رضا الكهربائي (تلتين الكهربائية كانو عندو و كل واحد طمع و عمل خندق ليه لوحدو و سابو)
المهم ده عندو بطاريت و عندو كل حاجة و ورشتو كبيرة و ناس فاهمة و هو اللي بيشتغل في الحاجة بأيده عيبه بس الزحمة الكيبرة اللي عندو و متستغربش لو لقيت بي امات و مرسيدس عندو (ما شاء الله شغال في كله)
لو نزلت الحي السابع و قلت بس رضا الكهربائي 1000 من هيدلك
ده ان شاء الله هيجيبلك من الأخر و مش بيقول جيتلي في القت المناسب ولا الكلام ده
يقوللك علي الشغل اللي عندك و بس و بيعرفك العربية فيها ايه
هو لحد دلوقتي اشهر واحد في القاهرة و معرفة الوالد من 34 سنة

**macdiv** · 26-12-2010 04:21 PM

المشاركة الأصلية كتبت بواسطة semsem_uno

تمام كده
تعرف الحي السابع ؟؟ اشهر واحد هناك اسمو رضا الكهربائي (تلتين الكهربائية كانو عندو و كل واحد طمع و عمل خندق ليه لوحدو و سابو)
المهم ده عندو بطاريت و عندو كل حاجة و ورشتو كبيرة و ناس فاهمة و هو اللي بيشتغل في الحاجة بأيده عيبه بس الزحمة الكيبرة اللي عندو و متستغربش لو لقيت بي امات و مرسيدس عندو (ما شاء الله شغال في كله)
لو نزلت الحي السابع و قلت بس رضا الكهربائي 1000 من هيدلك
ده ان شاء الله هيجيبلك من الأخر و مش بيقول جيتلي في القت المناسب ولا الكلام ده
يقوللك علي الشغل اللي عندك و بس و بيعرفك العربية فيها ايه
هو لحد دلوقتي اشهر واحد في القاهرة و معرفة الوالد من 34 سنة

كل شويه اخش موضوع ابقى عايز ارد و اقول رايي الاقي الشباب الفيتاويه القديمه عاملين الواجب و زياده ،،انا شكلي هبطل اخش تاني

**semsem_uno** · 26-12-2010 05:58 PM

المشاركة الأصلية كتبت بواسطة macdiv

كل شويه اخش موضوع ابقى عايز ارد و اقول رايي الاقي الشباب الفيتاويه القديمه عاملين الواجب و زياده ،،انا شكلي هبطل اخش تاني

لا يا باشا ازاي بس احنا منقدرش نستغنى عنك يا جميل
شكرا لذوقك :)

**shams650** · 27-12-2010 09:50 AM

المشاركة الأصلية كتبت بواسطة macdiv

كل شويه اخش موضوع ابقى عايز ارد و اقول رايي الاقي الشباب الفيتاويه القديمه عاملين الواجب و زياده ،،انا شكلي هبطل اخش تاني

ياباشا الناس هنا زى مانت قولت قايمين بالواجب فعلا وكتر خيرهم ودى خبرات بننقلها لبعض طبعا علشان نستفيد وانت كفايه مرورك بس على الموضوع ونحب نعرف رايك برده اروح للراجل تانى اللى عاملى المارش علشان لو رحت لحد تانى وقالى مارش يبقى هو الكفيل بيه ولا ايه رايك

**macdiv** · 27-12-2010 10:06 AM

المشاركة الأصلية كتبت بواسطة shams650

ياباشا الناس هنا زى مانت قولت قايمين بالواجب فعلا وكتر خيرهم ودى خبرات بننقلها لبعض طبعا علشان نستفيد وانت كفايه مرورك بس على الموضوع ونحب نعرف رايك برده اروح للراجل تانى اللى عاملى المارش علشان لو رحت لحد تانى وقالى مارش يبقى هو الكفيل بيه ولا ايه رايك

انا لو منك اروح للراجل بتاع سمسم و اخليه يكشف بس و لو فيه فزيته ادفعها و بعد معرف فيه ايه ارجع للبيه الاولاني ....الا لو كان التشخيص بعيب جديد او قالك مثلا انك محتاج شغله تاني زي تغير مارش او عندك مشكله في دوره البنزين و هي اللي بتاخر الدواره مثلا ..،، او قلك هصلحلك العيب و طلع المبلغ صغير ،،في الحاله ديه مفيش داعي ترجع للاولاني ،،،و الله الموفق

**shams650** · 27-12-2010 10:22 AM

المشاركة الأصلية كتبت بواسطة macdiv

انا لو منك اروح للراجل بتاع سمسم و اخليه يكشف بس و لو فيه فزيته ادفعها و بعد معرف فيه ايه ارجع للبيه الاولاني ....الا لو كان التشخيص بعيب جديد او قالك مثلا انك محتاج شغله تاني زي تغير مارش او عندك مشكله في دوره البنزين و هي اللي بتاخر الدواره مثلا ..،، او قلك هصلحلك العيب و طلع المبلغ صغير ،،في الحاله ديه مفيش داعي ترجع للاولاني ،،،و الله الموفق

شكرا على الرد وانا فعلا ان شاء الله لازم اروح لرضا الكهربائى اللى فى السابع بس مشكلتى ان العربيه لازم تزق كل ماتقف انت فاهم والراجل الاولانى جنب الجراج يعنى مش مضطر ازق علشان اروحله هو اللى بيجى هاشوف كلامه لو معجبنيش وحور فى حاجه تانيه هقوله لا اقف وهاروح على رضا زى ما سمسم اقترح وشكرا مرة تانيه على اهتمامك انت وسمسم