أيوة بس هو كدة حا يدخل فى خناقة و لازم يكلها للأخر و الدكتور عربيتة ماروتى و العربية الاخرى فيليشيا يعنى مش حا يعرف يخبطها و ياذى العربية الاخرى و الظابط بتاع الجيش كان صايع خطفة شوية و كل أنسان ردة فعلة بتختلف من شخص لاخر
عرض للطباعة
عارف
انا لو حلفتلك من هنا ليوم الدين مش هتقدر تصدق
بس حاول تسمع كلامي و تدخله في قلبك
ربنا اللي خلق الناس و الكون محرم علي نفسه حاجه واحده بس
ربنا محرم علي نفسه الظلم
و ربنا لا يرضي بالظلم ابدا
انا حصلي موقف من فتره كبيره و كنت بتظلم ظلم كبير و من غير اي ذنب مني اطلاقا
ليك دعوه عند ربنا مايقفش بينها و بين ربنا حاجه مدام انت مظلوم
ادعي ربنا
و انسي الموقف تماما
انا بالنسبالي ربنا في الموقف اللي اتعرضت ليه مش عايز اقولك
اللي ظلمني صعب عليا لما عرفت بعد كده و صدفه ايه اللي جراله
اهدي و ادعي ربنا
العربيات و الفلوس بتروح و تييجي
لكن ربنا مش بيضيع حق المظلوم ابدا سواء دنيا او اخره
ادعي عليه وعلي أمثالة من الفئات الضالة دي .. وربنا هينتقم منه شر انتقام
معلش يا حازم .. خير و الحمد لله انها جت على قد كده ..
انت غير مُلام اطلاقاً ... انت راجل محترم و بتحترم نفسك و زوجتك .. و عشان كده اتصرفت بالشكل ده
ضيف على كده الأمتحان و انك فعلا مش فاضيله .. والله هو اقل من انك تشغل بالك بيه او بالموقف ..
و فعلا سيب الموضوع على ربنا .. الكلمه دى مش بتتقال كده وخلاص .. لأ .. ربك يُمهل و لا يُهمل...
حمدلله على سلامتك و سلامه المدام .. و ربنا يبعد عنا جميعا ( المصايب المتحدفه !)
بس انت مقولتش عملت ايه فى الأمتحان ؟ و ده الأهم فى الوقت ده .. وشويه شويه انسى الموضوع (بعد ماسبته لربنا ) و متشلش فى نفسيتك
و ربنا يكرمك فى باقى الأمتحانات بإذن الله
الف حمدلله على سلامتك يادكتور حازم زعلتني ياراجل والله يعني هي ماتجيش إلا في الناس المحترمة .... والله يادكتور انا اللي أعرفة انك معك جنسيتين غير المصرية ماكنتش تسيبه بس حظه انك وراك امتحان ومعاك زوجتك وده في حد زاته يجبرك انك تلم الموضوع وأحتسبه عند الله ............. وأنا حصلي موقف زي بتاعك كان معايا 127 توب وكنت بالف من عند ميدان تريومف وونش مرور مديي اشارة انتظار راح راجع مرة واحده وانا بالف وطاخ جابلي الجنب اليمين كله والبنت كانت نايمه على الكنبه والمدام جنبي الحمد لله ان مفيش زجاج جه عليها ... نزلت سمعت الامين اللى سايق من "المنقي خيارو " وشتمته وفجأة لاقيت عقيد تقريبا ومعاه نقيب عملو عليا كماشة وبيقولي رخصك ورخص العربيه وانا افهم فيه أني مش غلطان يقول هو مديلك اشارة رجوع للخلف قلت له ده كان مدي انتظار ورجع مره وحدة وخليه يرجع لو نور الرجوع نور يبقى أنا غلطان يقوم يقولي يعني انا كداب المهم عملوا عليا تمثيلية الظابط الطيب والظابط الشرير العقيد يقولي الرخص والنقيب يقوله خلاص يافندم ده باين عليه ابن ناس ومعاه زجته واولاده ومعلش عشان خاطري ... واصبحت انا اللى غلطان راح واحد محترم كان واقف على الرصيف جه وقالي انا شوفت الموضوع من أوله لو عايز اجي معاك تعمل محضر واكون شاهد هاجي معاك بس الناس دي مش هتاخد منهم حق وممكن يديك مخالافات بالهبل ده غير انه ممكن يديك مخالفة انك هربت من كمين يحبسك فيها والحل انك تستعوض ربنا المهم رجع العقيد ومعاه النقيب ومعاه الرخص وبيقولي ها .... قلتله قدر الله ومشاء فعل ...راح مديني الرخص ومشيت .............. المرة التانيه عند قسم عين شمس في الشارع بتاع القسم وبهدي امام مطب امام القسم وتروح عربية نجدة بيجو طاأأأأخ فيا من ورا اتاري العربيه بتاعة النجدة مفيهاش فرامل كان فيها ظابط واتنين امناء شرطة طبعا غصب عني بلعتها ................ المرة التالتة في جسر السويس ومتوسيكل راكبه امين شرطة يروح جايب لي الجنب الشمال حك لولا الحمد لله دخلت ايدي بسرعة كانت اتبهدلت للأسف حظي وحش مع الناس دول :H_angry[1]: ولي ابن عم رحمة الله عليه خبطتة عربية دورية راكبة مسرعة امام مدينة الانتاج الاعلامي مكان شغله كانت ماشية على سرعة 160كيلو ولما وصلنا كانو بيفبركو المحضر بس الموضوع كان كبير ووصلناه للوزير نفسة ورفعنا قضية على الداخلية وحبسنا الامين تخيلوا أخد 3 سنين بس وغرامة 5000 جنيه :8954[1]: ولسه قضية التعويض شغالة من 10 سنين :brn: نكسبها والداخلية تطعن :I_angr1[1]: وشاب زي الرود اتكل على الله .... وفعلا مش هتعرف تاخد حق منهم على الرغم اني اعرف ناس في تفتيش الداخلية واعرف ناس منهم محترمة وطبيعة شغلي بتخليني بحتك بجميع اقسام شرطة القاهرة والواحد بيشوف بلاوي في الاقسام دي والله البلد دي ماشية ببركة ربنا .......... وفي النهاية بنقول حسبي الله ونعم الوكيل في كل ظالم
بص يا باشا لو ظابط جيش زي ما بتقول يبقى انسى انه ممكن يعمل لك حاجة بشكل رسمي لانه بكدا يبقى بيحتك بالمدنيين ودا ممنوع على كل من يتصل للجيش بصلة سواء كا ظابط أو حتى عسكري مجند
بالنسبة للي هو عمله قول حسبي الله ونعم الوكيل وبس وانسى
ياريتها كانت فيليشيا
هههههههههههههههه
كانت اوكتافيا....
والماروتي ماشاء الله طلعت سداده والحمد لله
جزاك الله خيرا
انا والله علطول انطلقت وانا بقول اللهم آجرني في مصيبتي واخلفني خيرا منها وقعدت ادعي عليه ربنا ينتقم منه
والموضوع مش مادي اطلاقا
الماروتي مش هتكلفني كتير في تصليحها والحمد لله لكن الفكره المبدأ....
والله يا بدر دلوقتي بحسبها فدماغي وبقول الحمد لله اني عملت كده ولو كنت لوحدي بقول برضو هعمل كده لان الحياة مش المفروض ناخدها كده وربنا ميكتب علينا اننا ننزل نتخانق مع حد في الشارع وانا الموضوع ربنا عالم نسيته
الامتحان ممكن ينسيني نفسي يعني عادي
ههههههههههههههههههههههههه هههههههه
والحمد لله ربنا كرمني آخر كرم في الامتحان وجاوبت كويس ولله الحمد والمنه ولعله خير
وفورا خلصت وطلعت خلصت حوار لزوجتي في سفارتها وطلعت مع ان النهارده الاحد لقيت سمكري ردهالي عالبارد والحمد لله فرجت من وسع وفاضل بس اني اجيب مرايه جديده ان شاء الله....
ولا اغرب من الخيال ولا حاجه ياعدول للاسف بقينا في الغابه وكله مستني الفرصه اللي ينقض فيها على فريسه
انا بس مفقوع من الموبايل اللي مطلعش الصوره
والحمد لله قعدت من شويه اشوف ازاي هيا ممكن متتطلعش واكتشفت اني لما صورتها بعد اما اتصورت دست على الزرار الاحمر اللي هوا بيقفل الخط
وجربوها في الموبايل
لو هتصور متضغطوش الزر الاحمر.....
والحمد لله على كل حال
انا كنت بس نفسي افضفض والحمد لله فضفضت ومبصوط جدا من الردود وربنا يكفينا ويكفيكم مثل هذه الشرور وكلها ابتلاءات والحمد لله على كل حال
ودايما بقول حاجه
ربنا مبيستقصدش حد
ههههههههههههههههههههههههه هه
يعني كله خير
ورسولنا الكريم يقول
عجبا لأمر المؤمن ان امره كله له خير.....
تحياتي للجميع
حسبي الله ونعم الوكيل في اللي عمل كدة النهاردة... يارب انا عايزة حقي في الاخرة ... يارب اشوف فية يووووووم
ربي اني مغلوب فانتصر...حسبي الله ونعم الوكيل .... شكرا للجميع علي الردود...
يا دكتور انت انسان محترم و معاك زوجتك ووراك امتحان ,
يعني تلات حاجات يخلوك متنزلش لمستواه ,
استعوض ربنا و اتأكد انه ان شاء الله حقك هتاخده سواء في الدنيا أو في الآخرة ,
و متضايقش نفسك ,
.......