الموضوع: الى متى الجبروت والظلم؟؟؟ الله المستعان

المشاركة الأصلية كتبت بواسطة heshamzaky

معلش يا رجالة انا شايف ان الكلام ان البلد وحشة و الجنسية التانية هى الحل فى حالة الدكتور دى كانت خناقة عادية جدا ما بين اتنين سايقين عربياتهم يعنى لو الدكتور كان شاب مفتول العضلات مثلا كان ضربة علقة و القصة خناقة عادية الظابط بتاع الجيش لم يستخدم اى سلطة لة لانة من الاساس ليس لة أى سلطة مجرد لو كان اتعمل محضر حا يطلب الشرطة العسكرية و بس و انا ليا صديق حصل معاة موقف مشابة مع ظابط جيش بس ثبت الظابط و الظابط كان أمام وحدتة كمان و قالة مش عاوز منك حاجة بس لازم اعمل محضر علشان التأمين و صاحبى دة عصبى شوية و ممكن يتخانق بأيدة أذا لزم الامر يعنى القصة كلها خناقة بين شخصين عادية جدا بس واحد محترم و التانى صايع واخدها بالذراع بس كدة و لو حصل محضر و الطرف الاخر ظابط جيش و معروف طبعا ان الدكتور مصرى حتى النخاع بس معاة جنسية اخرى مش حا يكسب تعاطف الاخرين معة و الظابط بتاع الجيش هو الى حا يبقى مجنى علية مش علشان هو مجنى علية بس لتعاطف الناس معاة لانة مصرى و بيخدم البلد هههههههههههههه واضحة و لا مش واضحة يعنى المواقف حا تتفلب

على فكره يا عزيزي مش موضوع عضلات
مش عايز اقولك اني لو نزلت كان ممكن اعمل فيه ايه
والله كفايه عندي خضة زوجتي لما ال.... ده كسر المرايه وجت في وجهها

بس بأكدلك لو كنت فعلا نزلتله كنت هتعامل معاه من باب الضرب في مقتل
احنا درسنا في الكليه من التشريح والطب الشرعي مايكفي لاني اضرب واحد ضربه واحده توقع فيه اكبر الاضرار

اجسامنا مليانه نقاط ضعف والله
لكن تفتكر الموضوع كان هيخلص كده؟؟؟!!
يعني لما اعمله عاهه
هل انا كده انتصرت؟؟؟

ده كفايه قوله عليه السلام
(اذا لم تستح فاصنع ماشئت) وده لم يستحي
ويقول عليه الصلاة والسلام (ليس الشديد بالصرعه انما الشديد الذي يملك نفسه عند الغضب)

واصحابي بيقولولي سبحان من خلاك تمسك اعصابك عنه...


الحمد لله على كل حال وربنا يعوضني خير ان شاء الله

تحياتي