اقتباس المشاركة الأصلية كتبت بواسطة youssefmustang مشاهدة المشاركة
صدقنى القتل كان حلال ليه
اه هتتسجن فى الدنيا والاخرة جنة
بقى لما واحد يقتل واحد عشان كسرله مراية او عشان خلاف مروري أو اي سبب بيدخل الجنة في الآخرة ؟؟؟؟؟
ده في شرع مين ؟؟؟؟؟
من كان يؤمن بالله واليوم الآخر فليقل خيرا او ليصمت ... او كما قال عليه الصلاة والسلام
...

اولا احب اقول لصاحب الموضوع ربنا يصبرك ويعوض عليك
ثانيا : مش لازم نحكم على اي شخص بسواقته ..... لأن معظمنا لو شاف نفسه وهو بيسوق ممكن يكره نفسه ....
ومافيش حد في بلدنا ابدا بيقتنع انه غلطان في السواقة ويعترف انه غلطان ..... يعني لو انت سألت الظابط ده بعد كده ح يقول ان انت الغلطان مش هو
الله اعلم بحقيقة ما حصل ..... ممكن تكون انت زنقت عليه قبلها بدون قصد وبدون ما تاخد بالك وعلشان كدة هو فقد اعصابه ..... ممكن يكون هو اللي غلطان وانت مالكش اي ذنب .... الله اعلم
ربنا عاتب سيدنا داود لما حكم بين الخصمين من غير ما يتحقق ويسمع من الآخر
....
لكن اللي مستغرب له بعض الردود والتحفيز اللي مالوش لازمة ...... يعني مطلوب ايه من صاحب الموضوع دلوقت ...... يقعد يعصب نفسه وضغطه يعلى ؟؟؟؟؟ ولا يروح يدور على الراجل ده في الشوارع
....
الأخ العزيز صاحب الموضوع ..... احمد ربنا ان الامور ما تصاعدتش اكتر من كدة .....
كان ممكن الأمر يتطور وتحصل جناية ...... وده بيحصل في بلدنا كل يوم ..... اكيد كلنا بنقرأ عن جرائم قتل حدثت بسبب خلافات مرور ... ولما الانسان بيهدى بيقول ياريتني ما اتنرفزت .... ياريتني كنت طنشت والامور مشيت
يا دكتور انت اتصرفت صح ..... لما تلاقي واحد في هذا الهياج ..... وظابط يعني ممكن يكون معاه سلاح ..... يبقى لازم تتصرف بحكمة مش تتحداه والامر يتحول لمجزرة ..... كان ممكن فقط انك تاخد نمرة سيارته وبعد كدة تشتكية في الشرطة العسكرية .... وده كان ح يقرفه آخر قرف بعد كدة .... لكن طبعا الظروف بتحكم
وبعدين الله اعلم ربنا عطلك بالموضوع ده عن إيه .... مش ممكن الدقائق دي اللي اتعطلتها تكون انقذتك انت وزوجتك من كارثة ...
احمد ربنا واستغفر وربنا يعوضك خير ان شاء الله
وياريت اللي ينصح حد ينصحه بما يرضي الله مش نزود عليه الهم ونقول كان مفروض تعمل وتسوي