الموضوع: ميتسوبيشي في الحرفيين

[frame="2 80"]

المشاركة الأصلية كتبت بواسطة funnymickey

بعد التحيه والسلام والذي منه

انهارده نزلت الحرفيين كنت مع والدي بشوف اكصدام استيراد لعربيته المازدا

قلت اسأل علي قطع غيار لعربيتي انا كمان واشوف لو حبيت اروقها كده تتكلف كام
طبعا الجوله كانت قصيره لاننا كنا طالعين من عند العفشجي ورحنا كده سريع سريع

اسعار قطع الغيار اللي سالت عليها اهي
ولاحظت تفاوت كبير في الاسعار

اكصدام امامي لانسر كريستاله موديل 99-2000 يبدأ من 500 الي 650
اكصدام امامي لانسر كريستاله موديل 99-2000 بالفوج لايت 800
اكصدام خلفي لانسر كريستاله موديل 99-2000 600 جنيه
شنطه ميراج 550

من الملاحظ ارتفاع الاسعار عن ما قد قيل في المنتدي قبل ذلك
حيث ان سعر الاكصدام لم يتعدي ال400 جنيه
ولا اعلم ما سبب ارتفاع سعر الاستيراد

هل هو جشع تجار ام ماذا

علي العموم ارجو ان يكون هذا الموضوع ذو فائده للاعضاء
يتم وضع كل اسعار قطع غيار جميع موديلات ميتسوبيشي في الحرفيين
لتفادي جشع التجار
وتمييز ذوي الضمير منهم

من ضمن جولتي في الحرفيين قررت الذهاب الي بسام فايبر والكل يتحاكي ويحكي عنه في المنتدي

فرجته عالاكصدام والفوجات وقلتله عاوز اشتري فوجات واقفل عليهم بنضافه
قاللي ده شغل لحام وتصليح فايبر
انا هنا عتب وزوايد بس

الحسنه الوحيده اللي عنده انه معاه ميراج او كريستاله معدله
عامل فيها شغل فايبر ما شاء الله
جميل

والاكصدام المعدل بتاعه عامل 800 جنيه

ان شاء الله منتظر وقت فاضي واعمل فيه جوله متوسعه المجال
تشمل مواتيروفتيس وعفشات رياضيه لهواه التعديل

تعيش ميتسوبيشي واحنا مش مهم

:b4_007::b4_007::b4_007:

[/frame]
الله ينور ياباشا انا كنت عايز اعمل الحركة دى وانزل الحرفيين وكمان كنت عايز اركب اكسدامات الميراج والشنطة بس انا اعرف واحد عنده الشنطة ب500 جنيه وممكن ننزل شوية كانت المشكلة عندى فى الاول انى عايز اركب فوجات وسمعت الرقم الجامد اللى انت قولته فقلت لنفسى يبقى اكسدام كامل بالفوجات وفكرت بالميراج حتى فكرت انى انزل بورسعيد علشان الموضوع ده بس للاسف معنديش وقت وكنت مسافر ولسة راجع وشعارف اعمل ايه انا عايز اغير فى شكل العربية شوية بس مشعايز الفيبر لانى سمعت من الناس كلها ان مشاكله كتير قوى فخفت بصراحة انا اول حاجة هاعملها انى اجنط بس مشعارف مين ممكن يكون عنده جنوط 15 حلوة انا رحت ارابكوم اللى فى مدينة نصر وحسيت ان ال15 عجلة صغيرة جنب اللى عنده غير ان هو بيبدا من 3000 جنوط صينى بس اصلية وملقيتش شكل جامد ياريت لو تقوللى ياباشا ممكن اعمل ايه واتصرف ازاى وابدا منين والف شكر على المجهود الرائع ده .

تخيل لما كنت بعمل عربيتي عند العقيد خالد كان معايا حد من المنتدى وكان بيدور اكصدام البومه الامامي فاضي من غير فوجات ولا شبكه كان في واحد عايز فيه 1000 جنيه!!