الموضوع: الفلوانس بــ 167 والا الاسكودا بـــ 200

انا والله بصراحة معجب جدا بالفلوانس بس خايف لا قدر الله يحصل حاجة فى العربية سواء صغيرة أو كبيرة والتوكيل ما يهتمش وبعدين التوكيل اللى قريب لى هو مش رينو هو مركز خدمة معتمد واكيد متعودين على الميجان واللوجان فخايف يلعبوا في الفلوانس وكان فى عضو هنا قال ان هو كان عايز يغير مرة حاجة في العربية مش فاكر كانت تيل او ايه ولقى ان في غلو 100 جنيه او ازيد عن القاهرة فمش عايز اجيب العربية وبعدين اجى اندم واضحك الناس عليا خصوصا الفانتازيا

المشاركة الأصلية كتبت بواسطة zego

فمش عايز اجيب العربية وبعدين اجى اندم واضحك الناس عليا خصوصا الفانتازيا

ان شاء الله مش حتندم يا زيجو .. و احنا معاك هنا فى قسم الرينو و اى استفسار ان شاء الله نقدر نساعد
لا تقلق محدش حيضحك عليك ..هو وارد ان اى عربية يحصل فيها مشاكل ..لكن حتى الان الحمد لله مافيش مشاكل جوهرية فى المودلات الجديدة .

ربنا يسترها ويقدم اللى فيه الخير

المشاركة الأصلية كتبت بواسطة Ahmed A.Maksoud

لو هتقارن الأداء فى الفليونس و الأوكتافيا ( 1.6 عادية )
يبقى السحب و التسارع الفلوينس هتكسب بفرق مش قليل لأنى جربت مع ال a5 بالميجان و كان فيه فرق محترم
و بالنسبة للثبات الأوكتافيا تكسب على سرعات 180 فيما فوق.

بس ياباشا احنا مش بنقارن بين الاوكتافيا العاديه احنا بنقارن بالفانتازيا
والارقام بتقول الاتي:

الفلونس ال 105 حصان التركي اوتوماتيك من 0-100 في 13,9 ثانيه واقصى سرعه 180 كيلو
Renault-Modeller-Binek Araأ§lar-Fluence-أ–zellikler

الاوكتافيا الفانتازيا 1600 102 حصان ال 6 سرعات
من 0-100 12,3 ثانيه واقصى سرعه 190
Skoda Octavia (2009 - 2011) - أسعار السيارات في الخليج - Drive Arabia >> الإمارات, السعودية,عمان, قطر, البحرين, الكويت


فكده فيه فرق واضح لصالح الاوكتافيا وكده ارجع اثق في نفسي تاني ان الفلونس بطيئه في التسارع وانا مش بيتهيالي والحمد لله بفهم


- وبالنسبه لوزن الاوكتافيا فخلي بالك ان فيه وزنين للعربيه وزن وهي فاضه ووزن وهي مليانه
وغالبا الاخ اللي قال 2 طن فهو قصده وهي fully loaded لان فيه ناس بتقيسه كده وناس بتقيسه كده

اما الثبات ففيه كذا عامل وكان فيه موضوع بعوامل ثبات العربيه واهمها التصميم. لكن في المحصله النهائيه الاوكتايا اثبت عن تجربه وانا بالفلونس علي سرعة 170 على طريق شرم ولقيت اوكتافيا جايه من ورايا ومعدياني عادي جدا وفيه ملفات انا دوست فيها فرامل وهو ماداسش وقعدت ادوس بنزين واجاهد عشان احصله معرفتش وفي الاخر استسلمت

انا تقريبا بعت العربيه خلاص بس بصعوبه شديده بعد عرضها اكتر من شهر ونص. وعايز اقولك اني سمعت تجار بيحاولو يشتروها باقل من 100 الف ويقولي هي الرينو كده بمنتهي الصفاقه. طبعا انا كنت بقفل التليفون.
ولو الاخ زيجو عايز كسر زيرو هتلاقي منها كتير وصحابها للاسف مش عارفين يبيعوها وهتلاقي سعرها واقع جدا

يعني مثلا الاعلان ده علي كونتاكت
رينو فلوانس 2010 120000 ج
1600 سى سى | 15000كم
فابريكة بالكامل Dynamic E3 الزيرو ب 140000 يمكن البدل ب أوكتافياA5 هاى لاين 2007-2008-2009

لو تلاحظ انه خسران 20 الف وعايز يطلع لاوكتافيا
وفيه اعلان تاني صاحبه طالب 134 موديل 2011 بس انا متاكده انها مش هتجيبله اكتر من 125 باي حال من الاحوال ولو انت مقتنع بيها كلمه وفهمه ان هو ده سعرها الطبيعي في السوق خصوصا بعد تنزيل جمارك التركي 4%

انا كنت مبهور بيها قبل ما اشتريها وحبيتها من كلام الرجاله هنا وقلت اوفر 30 الف احسن.
لكن لما باكون راكبها واحس انها بطه بلدي او احس بالمطب وهو بيمرجحني ببقي نفسي ارجع اقرا كلام المنتدي عشان اتصبر. وفي النهايه بعتها وخسرت حوالين ال 20 الف وان شاء الله هجيب عربيه الماني او تتبع فولكس فاجن سواء جيتا الجديده او اوكتافيا زي الراجل اللي منزل الاعلان بتاع كونتاكت كارز.

وفي النهايه نصيحه لوجه الله هات اوكتافيا عربيه ممتازه وبتحس بالجوده في كل حاجه خصوصا انها هتقعد معاك مش اقل من 5 سنين وكل صحابها راضيين عنها والدليل انتشارها الرهيب في الشوارع وربنا يعلم ويشهد علي قلبي اني بقول الصدق.

وخلي بالك ان صديقك اللي جاب اوكتافيا هيبصلك من فوق لتحت ويقولك ايه ديه مش ديه الرينو اللي ب 140 الف يعني ارخص من عربيتي (اخر جمله ديه هزار)

وربنا يوفقك ويباركلك في عربيتك ايا كانت.

وصحيح انت ليه مافتحتش موضوع في قسم سكودا تسال عن الاوكتافيا
اكيد هتلاقي اصحابها هناك مبسوطين منها قوي برضه. زي الوحوش هنا ماهم مبسوطين من الفلونس

ما الاسكودا مافيش عليها كلمة وحشة بس يعني انا كنت بقول ان الفلوانس لو احسن او زيها ماشي

لا ياباشا الفلونس اقل منها في الجوده اللي بينعكس على التسارع والعفشه وجوده الخامات الداخليه وتخن الصاج بفارق ال 30 الف (لاحظ اي اوكتافيا موديل 6 او 7 سنين فاتوا هتلاقي العربيه شكلها نضيف والاكصدام ثابت في مكانه والصاج مش معوج ومموج)

وده نفس اللي فكرت فيه اني اوفر ال 30 الف بس في الاخر ما انبسطش وخصوصا اني قادر اني اجيب الاوكتافيا.

المشاركة الأصلية كتبت بواسطة tamagogo

بس ياباشا احنا مش بنقارن بين الاوكتافيا العاديه احنا بنقارن بالفانتازيا
والارقام بتقول الاتي:

الفلونس ال 105 حصان التركي اوتوماتيك من 0-100 في 13,9 ثانيه واقصى سرعه 180 كيلو
renault-modeller-binek araأ§lar-fluence-أ–zellikler

الاوكتافيا الفانتازيا 1600 102 حصان ال 6 سرعات
من 0-100 12,3 ثانيه واقصى سرعه 190
skoda octavia (2009 - 2011) - أسعار السيارات في الخليج - drive arabia >> الإمارات, السعودية,عمان, قطر, البحرين, الكويت


فكده فيه فرق واضح لصالح الاوكتافيا وكده ارجع اثق في نفسي تاني ان الفلونس بطيئه في التسارع وانا مش بيتهيالي والحمد لله بفهم


- وبالنسبه لوزن الاوكتافيا فخلي بالك ان فيه وزنين للعربيه وزن وهي فاضه ووزن وهي مليانه
وغالبا الاخ اللي قال 2 طن فهو قصده وهي fully loaded لان فيه ناس بتقيسه كده وناس بتقيسه كده

اما الثبات ففيه كذا عامل وكان فيه موضوع بعوامل ثبات العربيه واهمها التصميم. لكن في المحصله النهائيه الاوكتايا اثبت عن تجربه وانا بالفلونس علي سرعة 170 على طريق شرم ولقيت اوكتافيا جايه من ورايا ومعدياني عادي جدا وفيه ملفات انا دوست فيها فرامل وهو ماداسش وقعدت ادوس بنزين واجاهد عشان احصله معرفتش وفي الاخر استسلمت

انا تقريبا بعت العربيه خلاص بس بصعوبه شديده بعد عرضها اكتر من شهر ونص. وعايز اقولك اني سمعت تجار بيحاولو يشتروها باقل من 100 الف ويقولي هي الرينو كده بمنتهي الصفاقه. طبعا انا كنت بقفل التليفون.
ولو الاخ زيجو عايز كسر زيرو هتلاقي منها كتير وصحابها للاسف مش عارفين يبيعوها وهتلاقي سعرها واقع جدا

يعني مثلا الاعلان ده علي كونتاكت
رينو فلوانس 2010 120000 ج
1600 سى سى | 15000كم
فابريكة بالكامل dynamic e3 الزيرو ب 140000 يمكن البدل ب أوكتافياa5 هاى لاين 2007-2008-2009
وخلي بالك ان صديقك اللي جاب اوكتافيا هيبصلك من فوق لتحت ويقولك ايه ديه مش ديه الرينو اللي ب 140 الف يعني ارخص من عربيتي (اخر جمله ديه هزار)

وربنا يوفقك ويباركلك في عربيتك ايا كانت.

بطة بلدى اية يا عم الحج و اية دى اللى بتتمرجح فى المطبات انت متاكد انك شارى فلوينس مش نصر شاهين
واضح ان عربيتك فيها مشكلة او انت سواقتك فيها حاجة
لانة مافيش رينو بتتمرجح فى المطبات اصلا فمبالك بموديل جديد 2010

و مافيش حاجة اسمها ناس بتقيس كدة و ناس كدة اى عربية ليها وزن محدد و دة حتلاقية فى اى موصفات قياسية لاا عربية
لكن بما اننا دخلنا فى البط البلدى يبقى كلامك كلة مفهوم بعد كدة

لقد حصلت على تحذير مصحوب بوقف لمدة يوم على سبيل التخفيف ويرجى مراعاة قواعد المنتدى التي تقضي بعدم التهكم وشخصنة الحوار
15-1-2011
11:16am
لجنة فض المنازعات2