فقط الى اصحاب التجربة النترا والا لانسر والا اوبترا ؟؟؟

**elshreef_hemo** · 26-08-2008 04:29 AM

يا ريت الناس اللى جربت بجد العربيات دى يقولولى ايه تقييمهم الكلى وايهم تنصحونى انى اشتريه

الانترا - لانسر - اوبترا

**migomax** · 26-08-2008 09:28 AM

الالنترا احسنهم حيث مزاياها كتييييير
اللأنسر الشكل القديم مش قوي والشكل الجديد رائعة في الأداء رغم انها 1500cc
لكن يعيبها سقفها واطي.. وعلشان انا طويل كنت بعاني في الدخول الى السيارة لأن رأسي بتخبط في السقف
الأوبترا عادية ومش بشياكة الالنترا.. بس الالنترااحلاهم عن تجربة شخصية..

**Sharky** · 26-08-2008 09:49 AM

حضرتك عايز لانسر EX و لانسر الشكل القديم ؟

**elshreef_hemo** · 31-08-2008 07:00 PM

انا بتكلم على اللانسر البومة

**Hosam_Optrawy** · 31-08-2008 11:06 PM

بسم الله الرحمن الرحيم
لو هاختار حاجه من دول هاختار لانسر
بس انا هاتكلم عن الاوبترا من خلال تجربتى
وطبعا لو قلت ان مفيهاش اى عيب اللى هيقرا هيقول انى متحيز لعربيتى
بس فعلا انا مش شايف فيها اى عيب
جايز عشان لسه جديده مكملتش 2000 كيلو لسه
بس عموما انا مش شايف فيها اى عيب غير حاجه واحده
وهى متعتبرش عيب تعتبر حاجه ناقصه
ان مفيهاش abs
غير كدا الباقى كله مميزات
سعر مناسب بالنسبه لبقية الاسعار فى فئتها - سعر جيد عند اعادة البيع - توافر قطع غيارها وسعرها مناسب - توكيل وضمان - اداء وثبات - ارتفاع عن الارض ( بجد ميزه مهمه اوى فى بلدنا ) - واسعه من جوا ( الصالون والشنطه ) - التابلوه شيك ولايق مع الصالون والانوار اللى جوه بتاعت العدادات وتقفيلها من جوه عامة نضيف اوى - التنك 60 لتر فمتحتجش تمون كل شويه .
بيتهيألى انا كدا منسيتش حاجه حتى التنك اتكلمت عنه :)
وياريت يكون كلامى افادك
والسلام عليكم

**migomax** · 03-09-2008 11:07 AM

عموما انا لما جيت اشتري عربية فضلت اللف وأدور حول نفسي..
الموضوع مش سهل.. والمقارنات كتيييير..
الشكل والشياكة من ناحية..
السعر من ناحية تانية..
الأوبشنز اللي فيها..
حتى اللون يجنن..
وبعدين اللي يقلقك اكتر انك تشتري عربية وبعديها على طول تلاقي شكلها اختلف لأحلى مع الموديل الجديد..
عموما برضه من الصعب انك تمشي وراء كلام الناس لأن فيه اللي بيحب عربيته ودايما شايفها الأفضل من وجهة نظره..
وفيه اللي بيحاول يعمل نوع من الدعاية ..
وفيه اللي مش فاهم حاجة ولكن بيفتي وخلاص..
فربنا معاك وتقدر توصل لأختيار موفق..