مشكلتى مع ميجان 2005

**samonor** · 27-12-2010 11:05 AM

انا عضو جديد معاكو هنا اسمى سامح بشتغل مهندس

واحب اشكركوا بجد على المنتدى ومجهودكوا الكبير فيه اللى حول ميجان من عربيه الناس بتخاف منها لعربيه مرغوبه جدا دلوقتى

باختصار عشان مطولش انا اشتريت ميجان 2005 من شهرين ب 58000 وللاسف الشديد مكنتش لسه بادخل كتير على المنتدى ومقرتش موضوع ازاى تختار العربيه صح وانت بتشتريها مستعمله

المهم ادبست فيه واشتريتها وبعد ما اشتريتها روحت بيه فرينش موتور وبصراحه هما محترمين جدا وامنه جدا المهم غيرت حاجات كتير اتكلفت تقريبا 5000 جنيه وبعدين مشيت بالغربيه شويه لاحظت ان فى صوت زى حشرجه بيظهر فى بعض الاحيان لما بادوس فرامل او اخد ملف فروحت تانى فرينش موتور خرجلى مهندس محمود بتاع احمد عصمت ومشى بالعربيه شويه قاللى المشكله ديه عباره عن مشكلتين هما اولا علبه الدركسيون عايزه تتغير وديه اما الاصلى ب 3300 واما التركى ب 2050 والمساعدين الاماميين عايزين يتغيروا ب 1600 فطبعا ضغطى على وخاصه انى بمشى بالراحه ومش كتير بالعربيه فنصحنى واحد صديقى انى اروح لواحد اسمه عادل ذكى فى صقر قريش وقالى انه شاطر جدا فى العربيه ديه والاسعار عنده ارخص من فرينش كتير

فياريت تساعدونى فى حاجتين

هل المشكله فعلا فى علبه الدريكسيون والمساعدين؟
وهل عادل ذكى ده كويس فعلا والا لا؟

واسف انى طولت عليكم

**samonor** · 27-12-2010 02:12 PM

ياريت يا جماعه حد يرد عليا فى الموضوع ده عشان ابتدى اتحرك بسرعه

**midohits** · 27-12-2010 02:27 PM

بص يا باشا اولا مبروك على العربيه ومافيش عربيه مستعمله هاتلاقيها مافهاش حاجة
تاني حاجة

سيبك من موضوع التوكيل داه علشان حرام فعلا انك تتعامل معاه
يا اما اتنزل صقر قريش او تروح الحرفيين ولو في صقر قريش مش هاتلاقي ارخص من اسعار المهندس طلعت موجود اعلاناته في المنتدى وكده واسعاره ارخص من اي حد ، وانا والله محصلش قدامي المشكله اللي حضرتك بتقول عليها دي ، فمش هقدر افتي او افيدك فيها ، بس ان شاء الله خير
وابقه طمنا عليك بس

**pioneerahmed** · 27-12-2010 03:47 PM

مظنش انها كدة

اكشف على الطنابير و تيل الفرامل الاول عند اى ميكانيكى

**diabloegypt1** · 27-12-2010 09:05 PM

على فكرة أنا كان عندى حاجة شبه كده بس طلعت بطاحات وعلبة الدركسيون .... ورحت فعلا لعادل فى صقر قريش وغيرلى بلى البطاحات وصلحلى علبة الدركسيون ( حشو ) ودفعت حوالى 340 جنيه بس

**ecybrarian** · 27-12-2010 09:36 PM

بص ياباشا..علبة الدريكسيون ممكن تتصلح بـ300 وشوية..والجديد التركي عند المهندس طلعت ببتاع 1400..اما المساعدين فعليهم خصم 25%اليومين دول في التوكيل وبالتالي في فرنش موتورز..كان في واحد هنا في المنتدى غير العفشة الأمامية كلها ببتاع 2500 جنيه..كلها يعني كلها (مساعدين..مساعدين كداب..تيش ميزان...إلخ)كان في وحش هنا اسمه ايمن momo10000 هو إللي عمل الواجب دا..بس الظاهر ايمن مشغول اليومين دول...

اما عن عادل زكي (اسم الشهرة عادل زوايا) فانا تجرتي معاه ومع الميكانيكون العرب غير موفقة على الاطلاق..بس عموما في ناس تانية بتشكر فيهم

**samonor** · 28-12-2010 10:13 AM

الف شكر ليكوا بصراحه وبجد ربنا يباركلكوا على المجهود اللى بتعملوه فى المنتدى هنا

**Ahmmansour** · 28-12-2010 02:30 PM

هو فين مكان المهندس طلعت و عادل فى صقر قريش - يعنى من الاوتوستراد ادخل منين هل فى عنوان بالتفصيل

**samonor** · 09-01-2011 09:50 AM

اولا احب اشكركوا جدا على الافاده فى مشكلتى واحب اطمنكوا انى روحت بالعربيه صقر قريش للمهندس طلعت وبالصراخه الناس كلها ذوق جدا والاسعار عندهم فعلا اقل كتير من التوكيل المهم المشكله طلعت فى حاجتين المساعدين الاماميين وغيرتهم الاتنين عملوا 800 جنيه والقنطره الاماميه وديه عملت 350 جنيه والغربيه بقت زى الفل الحمد لله

الف شكر ليكوا مره تانيه على المساعده الغاليه

**osamasindbad1** · 09-01-2011 01:16 PM

فين عنوان المهندس طلعت في ضقر قريش وهل هو تخصص عفشه ولا مركز صيانه متكامل ولكم جزيل الشكر

الموضوع: مشكلتى مع ميجان 2005

LinkBack

أدوات الموضوع

عرض

-

-

-

-

المواضيع المتشابهه

مقارنة بين ميجان 2007 و ميجان 2005/2006 و كلام غريب

رساله الى الخبراء محتار بين لانسر بومه 2005 او ميجان 2005

صحبى اشترى ميجان 2005 من سنة واكتشف امبارح ان راكبلها وش سلندر ميجان 2000

السلام عليكم بعد التحية لشباب نايل موتورز محتار بين اوبل استرا 2005 او ميجان 2005 يار

مشكلتى فى ميجان 2

الكلمات الدلالية لهذا الموضوع

المفضلات

المفضلات

ضوابط المشاركة