الموضوع: استشارة من أصحاب الأفيو

انا مهندس مدني بعمل في الجبل
( مواقع الشغل ) الافيوا عربيه عمليه جداا وتناسب الطرق المصريه انا بخش بيها الجبل كل يوم تقريبا زي الفل عفشتها جمده عن الديوا واعلي

انا معايا من شهر 9 2010 و الحمد لله زى الفل توكل على الله

المشاركة الأصلية كتبت بواسطة أشرف العدوي

http://www.nilemotors.net/nile/154755-a.html

http://www.nilemotors.net/nile/176139-a.html

يا باشا معلش بس الاستطلاعات دي قديمة وكلها لحد 2010

ايه اخبار 2011 مش لاقي مواضيع عنها في المنتدى ..هي الناس بطلت تشتريها ولا ايه ؟

المشاركة الأصلية كتبت بواسطة ahmed_mido1313

يا باشا معلش بس الاستطلاعات دي قديمة وكلها لحد 2010

ايه اخبار 2011 مش لاقي مواضيع عنها في المنتدى ..هي الناس بطلت تشتريها ولا ايه ؟

كل سنة و انتم طيبيين

الناس للاسف مبطلطش تشتريها بس الامانة تحتم علينا ننصح الناس و انا كنت متخذ قرار انى مش حشترك فى نقاش تانى عن كفاءة الافيو بس بصراحة الموضوع استفذنى

نتكلم بهدوء

انا معايا افيو اتوماتيك 2009 مصرى ( للاسف ) عامله 40000 كم - كنت فاكرها عربية العمر لاكن هيهات

انا كنت فى التوكيل من مدة بسيطة علشان مشاكل عندى - المشاكل بقى اية - تفرس

1- الطنابير بتريج و دة من التيل السىء - على فكرة انا مركب طنابير و تيل اصلللى كورى من التوكيل شاريهم بنفسى و على حسابى كلفونى 1000 جنية مش على الضمان و يدوب غطو ال_ 20000 كم فالى عايز يجرب يشترى و يكتشف بنفسة


2- التكييف من اسوء المكيفات - المصيبة انى لما رحت اصلح صوت الونة الى ظهرت عندى ( راجعو الموضوع الى عملتة ) شوفت عربية 2011 هناك صاحبها رايح علشان يصلحولة التكييف ( فى قطعة ناقصة فى العربية ) و كان بيزعق معاهم - مش دى النقطة - فكو وش العربية و انا رحت اتفرج على العربية - عينى وقعت على سربنتينة التكييف الامامية - و ياريتنى ما شفتها - تحس انها معمولة تحت السلم و مدهونة ( و ركز فى مدهونة دى ) و مدهونة فضى و الى مش مصدقنى يروح فى اى صيانة يحاول يشوف السربنتينة دة و اى عربية محلولة


3- تزييق العفشة و الاصوات الى ابتدت تظهر فى البيبان مع المطبات - زىىء زىىىء - تيك تيك و الله و لا كانك راكب شخليل - لدرجة انى سعات ببقى حتجنن من الاصوات و الزقزقة دى

4- السحب بتاع العربية بيموت مع التكييف و لا زم تقرص عليها جامد علشان تسحب مع التكييف و يا سلام كمان لو حظك وحش و حطيت بنزيين تعبان ( مغشوش يعنى ) يبقى الله يرحمها

5- الريداتير صناعة مصرية عريقة ( الطارق ) اخرة مع التحسيس 40000 كم - ليسة مغيرة - خرميين حلويين كدة عند القواعد الفنى اكتشفهم فى صيانة 40000 كم

على فكرة الى قلتة دة مش الكل - مع العلم انى بحسس على عربيتى و مبهنهاش - انا بس حبيت اديكو فكرة على عربية بعض الناس بتشكر فيها و مش عارف ازاى

الى عايز بقى يجرب الكوابيس الى فوق دى يروح يشترى و يشوف بنفسة - اللهم بلغت اللهم فاشهد

شكرا للافادة يا جماعة