استفسار مهم حول رائحة كمكمة فى تكييف اوبترا 2010

**takatiko2011** · 21-08-2011 11:12 AM

السلام عليكم من فترة كده بحس بريحة كمكة فى التكييف وده بحس بيها اوى لما الكباس يفصل المهم اخر صيانة ال 20000 غيرت فلتر التكييف و لسه برده ريحة الكمكمة موجوده المهم روحت لكهربائى حبيبى فقالى ده يا معلم الثلاجة بتبقى ريحتها مكمكمة من شرب السجائر قبل كده لان بقالى فترة طويلة ما بشربشى سجاير فى التكييف فلازم تتفك وتتنظف و تركب تانى فطبعا فيلم انى افك الثاجة لانه بيفك التابلوه و فيلم كده فكنت بستفسر من سيادتكم فى حل ثانى اسهل و لا لازم فعلا الثلاجة تتفك برجاء الرد من حضراتكم و كل سنة و انتم طيبيين

**shock** · 21-08-2011 04:34 PM

حضرتك الريحة دي بتجي اما التكييف يبقا علي الاول صح
هيا عندي برده من زمان واعرف ناس كتير عندها نفس الحركة
بس هيا شوية وبتروح ومش من حوار شرب السجاير في التكييف
لان ان انا مش بشرب سجاير في التكييف

**takatiko2011** · 21-08-2011 10:23 PM

تمام يا باشا بتبقى الريحة باينة اوى لما التكييف يبقى على اول درجة بس مش عارف ايه الحل بصراحة

**SonaSteel** · 22-08-2011 12:00 AM

هي الريحة ديه كانت عندي في الصني قبل م اراكب الفلتر بتاع التكييف
ولما ركبته الريحةة راااحت نهائي
ممكن تغير الفلتر وتحط معطر علي فتحة التكييف وتخلي التكييف يسحب هوا من جوه العربية
وفي معطر بيترش علي الكراسي للمدخنين علشان الريحة بتمسك في الكراسي
بيترش علي القماش علي طول ... الازازة شبه الجلانس كده ب6 جنيه تقريبا

**mdm309** · 22-08-2011 01:41 PM

علي فكرة فيه سبراي بيتباع في التوفيقية بيترش في فتحة إدخال الهواء للتكييف الموجودة خارج السيارة مع تشغيل التكييف لمدة 5 دقائق لقتل البكتريا والقضاء علي هذه الرائحة وسعره 20 جنيه