الشبورة والزينون

**BLOODY_STONE** · 31-12-2010 01:39 PM

الاصفر رقم 1 في الشبورة

**mo7amed3afifi** · 31-12-2010 02:03 PM

طب حد يعرف تكلفو الفانوسين للكورولا 2007 بكام باللمبات الهالوجين؟؟؟؟؟؟

**Adham** · 31-12-2010 02:24 PM

مفهوم غلط عند ناس كتير ان النور الزينون او النور الازرق او الابيض الناصع المائل للزرقة هو افضل نور للشبورة

الصحيح ان افضل اضائة في الشبورة هي فوانيس صوديوم اضائها صفراء (زي الهللا بتاعه زمان)

او زي دي

انما النور الزينون او الابيض الناصع او المزرق لما تنورة في الشبورة بيكون اسوء من عدمة لانة بيخللي الشبورة كأنها حائط مصمت امامك

انما الاضائة الصفراء بتتخلل الشبورة و بتشوف من خلالها كويس قوي في الشبورة

انا جايب الفوانيس الإيطالي الصفراء دي كبيرة (قطرها تقريباً 20 سم) و مسطحه و بالتالي نورها بيفرش جامد قوي (مش بتبقى مركزة عالارض زي الفوانيس العادية او الشبورة اللي في الكساحه اللي بتبقى مركزة عالارض, لان في الشبورة محتاج تشوف الطريق لفوق و تشوف اي عربيات او عوائق)
و ماقولكش في يوم الشبورة اللي كان من اسبوعين انا نازل 7 الصبح في عز الشبورة و شايف عادي جدا

**Adham** · 31-12-2010 02:46 PM

على فكرة يا جماعه ما يغركمش الجو المشمس دلوقتي لان فية غيامة غامقة قوي جاية من الشرق

وواضح ان خلال نصف او ساعه بالكتير حانشوف عاصفة امطار رعدية (انا باتكلم على شرق القاهرة - مدينة نصر بالطبع)

و نصيحتي للي عاوز ينزل لو مشوارة قريب يسرع ويكون في بيتة خلال نص ساعه

او يفضل يفضل في البيت لو مشوارة بعيد او مش ضروري

**amir** · 31-12-2010 02:52 PM

المشاركة الأصلية كتبت بواسطة adham

على فكرة يا جماعه ما يغركمش الجو المشمس دلوقتي لان فية غيامة غامقة قوي جاية من الشرق

وواضح ان خلال نصف او ساعه بالكتير حانشوف عاصفة امطار رعدية (انا باتكلم على شرق القاهرة - مدينة نصر بالطبع)

و نصيحتي للي عاوز ينزل لو مشوارة قريب يسرع ويكون في بيتة خلال نص ساعه

او يفضل يفضل في البيت لو مشوارة بعيد او مش ضروري

قوه ملاحظه مع تفكير صحيح

فعلا انا شايفها مغطيه جزء كبير من السما

**amir** · 31-12-2010 03:56 PM

المشاركة الأصلية كتبت بواسطة adham

قبل ما اكتب البوست بشوية كنت واقف في البلاكونة بادخن سيجارة و اتشمس و الجو فعلا دافي و مشمس

و بابص لقيت الغيام جاي من اقصى الشرق و شايف الدنيا مضلمة تحتها تماما (لأني في دور عالي و اتجاة الشرق كلة مكشوف لمسافة بعيدة) و بصيت لاتجاة حركة السحاب عرفت ان الغيامة قادمه للغرب مش مغادرة

و بعدها وانا داخل مراتي بتقولي تيجي نودي الاولاد النادي يلعبوا شوية و يتشمسوا قلتلها ماتستعجليش و استني نص ساعه او ساعه و حاتشوفي مطر و برق و الدنيا حاتتغير تماما", ضحكت و قالتلي انت شغال في الارصاد الجوية و للا اية
قلتلها استني بس نص ساعه و حانشوف ان كنا ننزل وللا لأ

دلوقتي طبعا مش سامع لها صوت ههههههههههههه

الجو شكله مستني الدنيا تسقع شويه بس علشان المطر يشتغل