عاجل ارجوكم عيد ميلاد المدام قرب ومحتار هنخروج فيين !!!!

**Ayman-Ahmed** · 28-12-2010 10:46 PM

عقبال 100 سنة يارب ويارب تفضلوا ونفضل كلنا بنحب ونحترم بعض.

مراكب على النيل ليها اختيارين:

مراكب متحركة وديه بتبقى عباره عن ساعتين على النيل شاملة (باند شرقى-رقص شرقى-رقص تنورة-باند غربى) الاسعار عندك من اول 90 لحد 275 جنيه الفرد.

مراكب ثابتة : عليها مصاعم مختلفة وانضفهم النايل سيتى ومعظم مطاعمها بMinumeum charge وارشحلك المطعم الايطالى
عليها.

**Ayman-Ahmed** · 28-12-2010 10:58 PM

المشاركة الأصلية كتبت بواسطة dolly13

لو فيه امكانية السفر ممكن تقضو يوم مختلف تماما فى الفيوم وهاتبقى حلوة قوى صدقنى وكل سنة والمدام طيبة

بحكم شغلى فبسافر كتير وللاسف كانت الفيوم حلوة واماكن خروجها كتير(عين السلين والبحيرة) بس للاسف عين السلين بقت اسوا ما يمكن والبحيرة فنا بحبها بس عشان الهدوء وانا قاعد على الكافيتريات اودام البحيرة بعيدا عن القاهرة مرة كل شهرين ولا حاجة وطبعا الشتا احسن وقت للفيوم.

ولو وادى الريان فمشواره طويل شوية بس الجو هناك حلو.بس لو مكانوش كتروا الكافيتريات هناك كانت هتفضل حلوة.

**Ayman-Ahmed** · 28-12-2010 11:03 PM

[QUOTE=nicegypt;3873176399]فية برامج عملتها جاهزة وطبقتها يمكن تفيدك : بس زى متفقنا المبلغ هيعدى بكتيييير

3 - زيارة القرية الفرعونية ... سعر التذكرة للبرنامج بالكامل 200 ج للفرد الواحد .. عبارة عن برنامج بيبدء من الساعة 7ص مع وجبة فطار وبتتعرف على الحياة الفرعونية بكل معانى الكلمة .. هتبدء 7 ص هتمشى على 6 مساءاَ بالكتير ... تطلع على كورنيش النيل تقعد هناك شوية .

لو احتجت تروح هناك تانى قوللى عشان السعر ده غالى جدا

- عرض الصوت والضوء ... رحت هناك 3 مرات سعر التذكرة للفرد المصري 100 ج تقريبا ان لم تخوننى الذاكرة .. عرض رائع بالصوت والضوء عن الحياة الفرعونية مع تصوير بالليزر الحفلة بتبدء الساعة 7 مساءاَ لمدة ساعة واحدة .. قبلها تطلع على الاهرامات بالنهار

التذكرة ب 75 جنيه بس والعرض مدته 55 دقيقة وكل يوم فيه 3 عروض بلغات مختلفة والعربى يوم واحد بس

**MaZaGAngeE** · 29-12-2010 03:26 AM

كنت عامل موضوع زي ده بس كانت المناسبة عيد جوازي الثالث و كان فيه افكار كتير حلوة . . دور عليه . . وكل سنة و انتوا طيبين . . .

**M.Mosaad** · 29-12-2010 09:37 AM

بص حاول تحرك الفلوس شوية لحد 300 كدة مثلا و عليك و علي بورتو السخنه تركبوا تليفريك ب 50 جنيه الفرد و في مطاعم كتير هناك تتغدوا سوا غير ان الجو هناك دلوقتي بيبقي جميل بس الغدا هيعدي طبعا يعني المتوسط حوالي 200 جنيه انت و المدام بس هيبقي يوم لذيذ و مختلف و فيه سفر مش بعيد و طريق جميل و مريح

**ahmed4000** · 29-12-2010 09:52 AM

200 ده للفرد علشان تبقى باخرة نضيفة بس فى باخرة اسمها الفالندرا تبع الجيش مبتتحركش بس بيقولوا مستواها كويس نسبيا وطبعا اسعار الجيش حتلاقيها بسيطة

**ahmedhossam86** · 29-12-2010 10:01 AM

ممكن كافيه Mojo's في مركب Imperial و الــ 200 حايكفه... و ممكن Sequoia اللي في الزمالك بس ده الــ Minimum بتاعه 125 و 150 في الويك اند.. بس حاتبقي قاعد و علي يمينك محمد ابراهيم سليمان و علي شمالك ساويرس.. مكان شيك اوي و مجتمع تاني خالص