استفسار عن المياه الخضرا

**beshomilan** · 28-12-2010 04:09 PM

ليا سؤال ليكم لوسمحتم
انا عربيتى اكسيل 1500 سى سى حطيتلها مية خضرا جركن ب 25 جنيه وزودتها مية عادية (مش عارف هى المية العادية هى المية المقطرة اللى بتتكلموا عنها ولا لا) ؟؟
المهم سخنت الموتور مرة ومحصلش حاجة بعديها
بس انا سئلت قالولى المية الخضرا اللى انت جايبها دى سيئة جدا وعاملة زى مية النار ومتشتريهاش تانى وهات مية خضرا موبيل او المانى مش فاكر
فانا دلوقتى مش عارف اعمل ايه اشيل القديمة عشان متخربش الدنيا واحط الجديده؟؟؟
والمفروض المية الخضرا بتتغير او بتتزود كل قد ايه
معلش اعذرونى انا ميح خالص فى العربيات

**Ahmedhussein007** · 28-12-2010 07:58 PM

نصيحه فضى القديمه وحط موبيل تقريبا الجركن ب55جنيه من بنزينات موبيل انا عامل كده عندى فالميجان انما الميه العاديه دى بتسبب تااكل لاجزاء الماتور على المدى القريب مش البعيد كمان

**beshomilan** · 29-12-2010 02:24 AM

شكرا لرد حضرتك استاذ ميدو
بس انا مش عارف ايه المية المقطرة دى وازودها قد ايه على المية الموبيل اللى هحطها؟؟

**mxz911** · 29-12-2010 02:46 AM

طب انا عندى نفس النظام والعربيه نوبيرا 2004 .. عاوز اعرف افضيها ازاى عشان اجيب الميه بتاعت موبيل اللى ب 55 واحد صحبى قالى فى حنفيه بفتحها بس مش لاقيها بصراحه !

**wael ahmed** · 29-12-2010 03:15 AM

انا لسه مغير المياه الخضر جبت علبتين صفيح صناعه امريكى الواحده ب 20 جنيه بس مش فاكر اسمها ايه :( وزودت الباقى مياه مقطره من بتاعت البطاريات خدت 5 زجاجات مياه مقطره ودي الواحده ب 2 جنيه يعنى التكلفه كلها 50 جنيه .

**wael ahmed** · 29-12-2010 03:20 AM

المشاركة الأصلية كتبت بواسطة mxz911

طب انا عندى نفس النظام والعربيه نوبيرا 2004 .. عاوز اعرف افضيها ازاى عشان اجيب الميه بتاعت موبيل اللى ب 55 واحد صحبى قالى فى حنفيه بفتحها بس مش لاقيها بصراحه !

فيه يا باشا زى طبه من تحت فى الريداتير كده بتتفك علشان تنزل المياه اللى فيه وكمان لازم تفك كوعه كده وتفضل تزود فى الريداتير بخرطوم لحد ما تلاقى المياه نزله نضيفه وبعد كده تركب الكوعه والطبه وتحت المياه الخضر وتزود مياه مقطره... نصيحه منى اشترى المياه وروح لاى حد بتاع ريداتير كويس وهوه هيظبط الدنيا علشان كمان ياخد هوا

**Lion_Heart** · 29-12-2010 03:38 AM

افضل مياه فى السوق و احسن من موبيل كمان
مياه iada ودى اسيانى و تركيزها 5% و الجركن 5 لتر هتلاقيها بحاجة و تلاتين جتيه
و علا روح لحد ينضف و يسلك الريداتير الاول و هوه يغيرلك الميه كمان

**muslim_nsb** · 31-12-2010 02:36 PM

انا من 6 شهور غيرت مية الريداتير وجبت ميه خضراء الجركن ب 25 جنية والراجل بعد مغسل الريداتير ونزل الميه اللي في الموتور راح حط الميه الخضرا وزود ميه من الحنفية
بعد فترة 3 الى 4 شهور وجدت ان الميه كلها صدأ في قربة المياه
من اسبوع رحت لواحد بتاع ريداتير معرفة واشتريت الاول جركن 4 لتر موبيل مياه خضراء ب 55 جنية وكمان 4 زجاجة مياه مقطرة
راح الراجل قلي بص انا هنظف الريداتير وافضي الميه اللى في الموتور وهاحط ميه من الحنفية الاول وبكره تيجي وتجيب معاك جركن كركديه ( عناب تجيب الكركديه وتغليها في البيت وبعدين تصفيها بقطعه من القماش )
رحت تاني يوم وفض الريداتير من الميه كويس والموتور وحط مياه الكركديه ( العناب ) وقلي ده بيغسل الموتورمن جوه وبيزيل الصدأ وامش بالعربية وتعالى بعد 5 ايام نغير مياه الكركديه ونحط المياه الخضراء موبيل
وفعلا رحت وغير امس المياه ونظف الريداتير وحط الجركن وساب شويه في الجركن حطهم في القربة وكمل الريداتير بنصف زجاجة مياه مقطرة وشكرا على كده
التكلفة
55 جنية جركن مياه خضراء
2.5 جنيه زجاجة مياه مقطرة
20 جنيه مصنعيه
5 جنيه للصبي
------
82.5 المجموع

**beshomilan** · 10-01-2011 04:05 PM

هو لازم مية مقطرة على المية الخضرا؟؟؟مينفعش ازود ميه حنفية عادية؟؟؟؟؟
طب ودى تتجاب منين المية المقطرة؟؟؟

**muslim_nsb** · 10-01-2011 08:28 PM

بلاششششششششش تزود ميه من الحنفية لاني مية الحنفية كلها رواسب واملاح وزي ما بيقولو ( كأنك يابوزيد ما غزيت )
الميه المقطرة بتتباع عند اي واحد بتاع بطاريات او اكسسوار عربيات او ممكن في البنزينة كمان

الموضوع: استفسار عن المياه الخضرا

LinkBack

أدوات الموضوع

عرض

-

-

-

-

-

المواضيع المتشابهه

المياه الخضرا بقت بنى ليه كده؟؟

استفسار عن المياه الخضرا المكثفه و نقص المياه سريعا

المياه الخضرا

المياه الخضرا

هل يتم فقد المياه الخضرا عند تغيير طلمبة المياه

الكلمات الدلالية لهذا الموضوع

المفضلات

المفضلات

ضوابط المشاركة