الموضوع: برجاء من محبى قسم نيسان الدخول واختيار لقب لقسم نيسان والتفاعل

المشاركة الأصلية كتبت بواسطة basemsaeed

لا يا استاذ احمد بش عاوزينك تزعل ولا تحزن
هو زى ما قال الاستاذ وليد,,ان اللي بيدخل بيكون بش في باله فكرة معينة للقب او شعار,فمثلا بيكتفي انو يشوف اراء الناس و ممكن تاني يوم يدلي بفكرة او لقب كويس
انا برده عندي المشكلة اني بش ببقي مركز عشان برجع متاخر من الشغل و بخلص كام مشوار كده و بخش على المنتدى لما برجع البيت,,فببقى بش مركز و بش قادر افكر الصراحة
بالنسبة لل لقب انا قولته فوق و حجيب ليك الشعار ان شاء الله بس حد يعرفني بيرفع الصور ازاى خطوة خطوة

و تقبل مروري

انا مش قصدى انت ياباسم لان عارف انك لما بتدخل بتشارك , ولو مقدرتش تشارك بيكون نادرا وبيكون عندك ظروف
انا قصدى على باقى الاعضاء وعلى كل الموضوعات مش الموضوع ده بس

و كلامى على فكرة بيكون نابع من انى قاعد 24 ساعة على الجهاز وشايف الناس اللى بتدخل ومش بتشارك
انا بروح شغلى من 9 الصبح وبمشى الساعة 8 وبكون مطحون وربنا يعلم , لكن مينفعش ابعد عن اخوانى وعنكم لان الواحد بيحب يكون وسطيكم ويخدم الناس ونتفاعل مع بعض

انا مش بحمل حد اكثر من طاقته , لكن مينفعش اقطع فترة كبيرة عن المشاركة
ومش بجبر حد على الدخول على الموقع , لكن انا كلامى على الناس اللى بتدخل ومش بتشارك وبتقرا بس

للاسف فى ناس يوميا بيدخلوا وبيكتفوا بالمشاهدة فقط , فهل عندهم ظروف يوميا!!!!!!!!!!!!!!

احنا قولنا دخولنا مع بعض بيكون فى منفعة لبعض وللاعضاء كلهم

مثلا انت عاوز تجيب تيدا لو عملت موضوع واخدت راى الاعضاء حتى لو كلهم دخلوا قالولك اوكيه وتمام وعربية فلة
انت بيكون موقفك ايه ... اكيد بتكون مبسوط ومرتاح ان فى اجماع بنسبة كبيرة وبتتطمن
طيب لو دخل 5 بس الموضوع والباقى مدخلش عشان رايهم قال ايه زى باسم مثلا , فاليه يدخلوا يشاركوا
طيب انت حتكون مرتاح !!! من جواك وانت بتاخد القرار بالاجماع من 5 او 4 بس

غير كدا بردوا فى موضوعات ممكن انت تدخل فيها وغيرك وغيرك ونشارك كلنا وبكثرة المشاركات ووجودنا حنلاقى كلام جوة المشاركات دى يخلينا نفتح كذا موضوع او نسال كذا سوال ونحكى تجارب بتنفعنا كلنا

كلامى ده على العموم فى القسم بصراحة
كلامى على كل الموضوعات ومن قبل ظروف البلد كمان . عشان محدش يقولى المزاج والظروف
وكلامى كمان مش على نقطة اننا نشكر حد ,, انا كلامى على التفاعل بينا وبين بعض عشان نستفاد

واحد عنده ظروف ومدخلش ماشى , او عنده ظروف وبيدخل مرة ومش قادر يشارك ماشى , لكن واحد كل يوم بيدخل ومش بيشارك ويقول الظروف , لالالالالالالالالالالالال ا مش ماشى

هو ده اللى بقول عليه بيعمل احباط والناس اللى بتحب تشارك بحب حتهبط لان مش شايفة حد بيشارك معاها غيرها

وفى الاخر اللى بيشاهد مش حيشاهد حاجة لان مش حيلاقى موضوعات

وحنبقا زى الكهف اللى بيدخل فى اى حد وينده ومش يلاقى حد يرد عليه غير نفسه , وحنكون مثل الماوقع الاخرى


اتمنى اننا الناس تفهم وجهة نظرى

عشان المكان اللى احنا فيه نطوره اكتر بمشاركتنا فى كل الموضوعات وتفاعلنا مع بعض, ويكون فى افادة لينا فى كل شى
ونكون ايد واحدة كلنا

تحياتى