الموضوع: انا اتسحبت الرخصه علشان الفاميه

مانا هاشيل الفاميه
بس انا بتكلم علي الحاطه علي الكشافات و الاستيكر الخفيف ال علي الباب
اسيبه ولا ايه

يا عم احسن ما تسمع كلمة من حد خليك فى الامان وشل دة كلو ولما ترخص باذن الله ابقا ضبط براحتك

بس يامعلم انا كنت لسا مع صحبى نفس الحوار هتشيل كل الفامية اللى على الزجاج فقط (امامى - خلفى - 4 ابواب ) وسيب فاميه الفوانيس بس الأستيكر مش عارف ظروفه ايه .
خطوات الفحص :
1-ورق فحص 15 جنيه .
2-طفاية ياما منقوش عليها نمرة العربية \ ياتلبيس واحدة ب 121 جنيه .
3-تأشيره من حبايبنا ببلاش .
4-بصمه العربيه ( ماتور وشاشيه ) 5 جنيه وحدش يقولى رشوة ومش رشوة .
5-تأشيره من الفحص الفنى ببلاش .
6-تأشيره من الفحص البيئى ( ودا هيقولك هات بيانات الرخصة السحوبة - هاتروح المكان اللى بتسأل فى على الرخصة هيكتب بيانات على ظهر ورقيت الفحص ويختم أمين فلان الفلان وترجعلوا ينقش فى ورقيت الفحص - ويقوللك هات العربية يلف حواليها زى التعلب ويختم وشكرا ) (( ولو سأللك على ايصال المثلث وشنطة الأسعاف قولوا ان رخصة مسحوبة مش تجديد )) .
7-اخر حاجة تروح لمكتب رئيس الوحده وتختم من عندو ختم النسر ببلاش .
8-تروح للمكتب اللى عندو الرخصة تديلوا ورق الفحص كلوا هيعمالك ايصال ب 30 جنيه تدفع خزنة وترجعلوا تيدلوا الأيصال يديلك الرخصة ...

وياك تحت شرشوبة فامية
المرور حالف يعمل اعلى ترجيت
مخالفات