الموضوع: سيراتو كوبيه مخصصه للسباقات و معدله+سيراتو نيو هاى بريد

المشاركة الأصلية كتبت بواسطة moha4tec

السلام عليكم
طبعا هيليق و لكن الكاربون هيكون احلى بكتير خصوصا على الكبوت ,و ممكن اباقى تعمله مط
انا بتكلم على الكاربون الاسود خالص اللى شبه المط اللى هو انضف حاجه ,
بالنسبه لموضوع الشراء ممكن تكلمنى على التليفون و اوصفلك تشترى منين بس يفضل لو كذا واحد هيشترى يعنى مثلا 5 متر او اكتر عشان تاخدهم بسعر جملة الجمله من شارع التوفيقيه ,هتوفر نصف فلوسك
يعنى مثلا ممكن تشترى متر المط * 120 مثلا قطاعى ب 40 او 45 جنيه و ده من مكان تانى فى التوفيقيه ,
لكن لو هتاخد كميه اكتر من 5 متر هيقف عليك ب 25 ج المتر فقط لا غير (خلى بالك بقى المحل ده بيبيع جمله للمحلات و مبيبعش قطاعى اى حاجه اصلا عشان متتدايقش,عنده حجات حلوه بس اللى يزهق انها جمله و سعات بالدسته كمان و تنك اوى....)فلازم تخشله دخله معينه .
يعنى انت الكسبان و هتوفر نصف فلوسك
و بالنسبه للعمايل و اللزق و التركيب ممكن بعد اسبوعين (هكون فاضى ان شاء الله و ممكن نعمل اى افتكاسات انت عاوزها ,و لو مستعجل اتصل بيا و اوصفلك تروح فان و تعمل اه) عشان انا هسافر يوم الاربع و عندى مشواير كتير اوى اليومين دول و الله و لو كنت فاضى كنت اكيد هنتقابل و نعمل اى ديكور او تزويق للعربيه و تحت امرك.
للمعلوميه انا مجرد هوريلك ازاى الحاجه تتعمل و افهمهالك كويس و بعد كده انت تعملها (لانها سهله موت بس لازم تشوفها بعنيك )
ابعتلى رقمك على الخاص
انتظر الموضوع الجديد انا للاسف كل لما اجى اصور العربيه يجيلى مشوار ينسينى كل حاجه ان شاء الله هصورها و ارفع الصور فى الموضوع الجديد و شوفها و قولى رايك
و السلام ختام

باشا هو اللون ده كاربون ولا مط لانه شكله خطير وهل اللى انت جبته نفس الدرجه ديه فى الجوده ؟