الموضوع: حالتي النفسية سئية جدا جدا بعد وفاة والدي

ربنا يرحمه وده معاد مكتوب

الله يرحمه ويعفو عنه ويغفر له
اخى العزيز انا ما عنديش حاجة اقولها بعد كلام الزملاء بس اوصيك بالدعاء له

حبيبي ربنا يعزيك و يعزي اسرتك جميعا

اخي تأكد ان كلمة "لو .... لو ... " لم تأجل قدر ربنا لأن ربنا كاتب لكل واحد فينا عمر له بداية و له نهاية و يمكن ارادة ربنا انه يكون في مرض و يبدأ بتأخر ده عشان يهيأ ليكم ان حالته حرجة و ديه تعزية كبيرة من ربنا و لكن تأكد ان حتي ان لم يكن هناك مرض او اي شيئ برده ربنا هياخد وديعته في الوقت اللي هو محدده
ربنا يعذيك و هون علي والدتك و خلي بالك منها اوي اوي اوي في الوقت ده لأن هي في احتياج شديد جدا اليك و لأسرتك

ربنا يعزيك و يكون معاك

الدوام لله و انا لله و انا اليه راجعون , شوف يا استاذ (hemalotfy) , انا مؤمن ايمان عميق ان جميع ما يدور من حولنا من احداث تسير و تحدث بميعاد و اذن من المولي عز وجل , و ليس هذا يعني التواكل او عدم الأخذ بالأسباب و الاصرار عليها , و لكن الله يتجلي بعظمته و يعطيك تذكره بأن مجريات الأمور تحدث بأذنه مهما بلغت من مهاره او استعنت بأقصي ما تستطيع من امكانيات . يعني انا اعتقد ان اللي تاعبك ان والدك ( اتخطف) فجأه منك , و حضرتك بتقول ان الطبيب المعالج طمأنكم مما ادي لحدوث صدمه لك بموته المفاجيء رغم اخذك بالأسباب الدنيويه ؟؟؟ و ان الأمر تافه و بعيد تماما عن الوفاه وشويه تعب و يرجع تاني و فجأه تنقلب دفه الأمور للنقيض !! اعتقد اننا ممكن ننظر للأمر بشكل افضل بحيث نستخلص العبره منه وهي ان والدي مات و لا نزكيه علي الله ان يقبله من عباده الصالحين , و اعطاني رساله مفادها ان الدنيا خدتني شويه و انني ركنت اليها قليلا و بهذا الابتلاء يخليك تتقرب لربنا تاني و ايضا رساله مفادها ان الأمور تجري بأذنه جل شأنه , و اعتقد ان والدك تركك رجل متزوج و لك اولاد افضل من ان يتركك في منتصف الطريق وحيدا وسط امواج الحياه المتلاطمه . عرفت بقي ان ربنا لطفه يأتي مع قضاؤه ؟؟

بشكر جميع الاعضاء واحد واحد قام بالمشاركة هنا
انا بحتسبه عند الله وصابر وربنا يرحمه برحمته الواسعة

انا بتماسك قدام والدتي وقدام اخواتي علشان احاول انسيهم ومن يوم ما مات الله يرحمه وانا بنزل ومراتي وبنتي بنام تحت مع والدتي وبنقضي اليوم معاها ومبطلعش غير لما بحتاج هدوم او اي حاجة من الشقة

والدي الله يرحمه كان طول ماكان قاعد عمال يقرأ قران مع نفسه كان حافظه عن ظهر قلب مكنش عنده اي شغلانه غير قرائة القران وبعد العشاء بشوية يشوف قناة الرحمة او اي قناة دينة وكان بيحب الشيخ محمد الزغبي جدا جدا وكا بيحب يسمعه
حتى لو الحلقة معاده

عايز اعمله صدقة جارية اكافئه بيها على اللي عمله معانا بس عايز افكار لصدقة جارية

"فاذا جاء اجلهم لا يستاخرون ساعة و لا يستقدمون"
هون على نفسك
و اعمل صالحا يكن فى ميزان حسناته و تقرب الى الله فهو المعين و لا حول ولا قوة الا بالله

و حضرتك شكلك انسان حساس ....ربنا يرحم الوالد و يسكنه فسيح جناته

من وصف حضرتك عن والدك.. ونعم الاب والله
ربنا يرحمه ومتزعلش نفسك وفاته مش بأيدك كل شىء مكتوب ...
ادعيله دائما وخلى بالك من والدتك وعائلتك لانه لو كان عايز يوصيك بحاجه اظن مكانش هيطلب منك اكتر من كدا