سهره في الحرفيين عند المهندس رشاد

**A_Elsakhawy** · 06-05-2011 06:43 AM

يا جماعة الكلام اللى انتوا بتقولوه ده عن رشاد كلام فاضى ... لازم تعرفوا ان اساس الجولف فى مصر بدآ من عند رشاد سنة 94 وهو اول واحد بدأ فى تركيب المواتير الانجكشن وهو اول واحد عرف يفك شفرات المواتير دى بجميع انواعها وكل موتور خرج داير من عنده كان يرجعله الفضل ليه .... مش بس كدة كمان الفتيسات الاوتوماتيك والفرامل ال (abs) كمان ...وحنى الان انا مالقيتش حد يقدر يحل اى مشكلة فى العربية غيره .... واى حد ركب موتور عنده من سنة 94 حتى الان مابيفكرش يعمل حاجة غير الصيانة ... وعدوا كام موتور هو ركبه فى مصر والمفروض ان احنا نشكره عشان هو اللى رفع شأن وسعر الجولف فى مصر .... واسألوا الناس القديمة وخاصة اللى كانوا شغالين فى التوكيل وهما هايقولولكم ايه قيمة الراجل ده ..... وشكرا

**M.Mostafa80** · 06-05-2011 02:56 PM

المشاركة الأصلية كتبت بواسطة a_elsakhawy

يا جماعة الكلام اللى انتوا بتقولوه ده عن رشاد كلام فاضى ... لازم تعرفوا ان اساس الجولف فى مصر بدآ من عند رشاد سنة 94 وهو اول واحد بدأ فى تركيب المواتير الانجكشن وهو اول واحد عرف يفك شفرات المواتير دى بجميع انواعها وكل موتور خرج داير من عنده كان يرجعله الفضل ليه .... مش بس كدة كمان الفتيسات الاوتوماتيك والفرامل ال (abs) كمان ...وحنى الان انا مالقيتش حد يقدر يحل اى مشكلة فى العربية غيره .... واى حد ركب موتور عنده من سنة 94 حتى الان مابيفكرش يعمل حاجة غير الصيانة ... وعدوا كام موتور هو ركبه فى مصر والمفروض ان احنا نشكره عشان هو اللى رفع شأن وسعر الجولف فى مصر .... واسألوا الناس القديمة وخاصة اللى كانوا شغالين فى التوكيل وهما هايقولولكم ايه قيمة الراجل ده ..... وشكرا

الكلام الفاضى ان حضرتك تدحل تكذب تجربه عضو وحصلت فعلا معاه مش محتاج يألف والكل هنا عارفنى كويس قوى وعمتا انا كنت بتكلم عن تامر ولما لجأت لرشاد محليليش مشكلتى لأنها حسابها اللى خده تامر مش هو واخد بالك حضرتك ومحدش غلط فى الراجل ولا شتمه وعلى فكره فى ناس كتير احرف منه بس اللى يدور يلاقى

**behman** · 06-05-2011 06:58 PM

و خد بتمن المقاومه بالعداد بالكشف بالكمبيوتر على العربيه بالمصنعيه 500 جنيه

كتيييييييير

**ashoub** · 07-05-2011 12:58 AM

المشاركة الأصلية كتبت بواسطة a_elsakhawy

يا جماعة الكلام اللى انتوا بتقولوه ده عن رشاد كلام فاضى ... لازم تعرفوا ان اساس الجولف فى مصر بدآ من عند رشاد سنة 94 وهو اول واحد بدأ فى تركيب المواتير الانجكشن وهو اول واحد عرف يفك شفرات المواتير دى بجميع انواعها وكل موتور خرج داير من عنده كان يرجعله الفضل ليه .... مش بس كدة كمان الفتيسات الاوتوماتيك والفرامل ال (abs) كمان ...وحنى الان انا مالقيتش حد يقدر يحل اى مشكلة فى العربية غيره .... واى حد ركب موتور عنده من سنة 94 حتى الان مابيفكرش يعمل حاجة غير الصيانة ... وعدوا كام موتور هو ركبه فى مصر والمفروض ان احنا نشكره عشان هو اللى رفع شأن وسعر الجولف فى مصر .... واسألوا الناس القديمة وخاصة اللى كانوا شغالين فى التوكيل وهما هايقولولكم ايه قيمة الراجل ده ..... وشكرا

كلام حضرتك مظبوط 100% لان رشاد بجد يستحق اكتر من لقب مهندس انا الى حبيبنى فى العربيه بتاعتى رشاد لانه بجد انسان محترم وزوق ده غير انه شاطر جدا جدا جدا بس الى حصل مع استاذ محمد مصطفى ده نصيب والراجل بيتكلم عن تجربه حصلت معاه ده مش معناه انه بيقول رشاد وحش لا الكل عارف مين هوه رشاد عند كل الى ركب جولف ومجموعه فولكس واجن وبرده استاذ محمد من الناس المحترمه فى المنتدى ومينفعش نقول ان كلامه فاضى بس ده تجربه حصلت معاه ومن حقه انه يحكيها وده نصيب ربنا رايد ليه انه يبيع العربيه مش اكتر
وارجو ان كلامى ميكنش زعل حد
م/احمد عشوب

**behman** · 07-05-2011 05:40 PM

كلام حضرتك مظبوط 100% لان رشاد بجد يستحق اكتر من لقب مهندس انا الى حبيبنى فى العربيه بتاعتى رشاد لانه بجد انسان محترم وزوق ده غير انه شاطر جدا جدا جدا بس الى حصل مع استاذ محمد مصطفى ده نصيب والراجل بيتكلم عن تجربه حصلت معاه ده مش معناه انه بيقول رشاد وحش لا الكل عارف مين هوه رشاد عند كل الى ركب جولف ومجموعه فولكس واجن وبرده استاذ محمد من الناس المحترمه فى المنتدى ومينفعش نقول ان كلامه فاضى بس ده تجربه حصلت معاه ومن حقه انه يحكيها وده نصيب ربنا رايد ليه انه يبيع العربيه مش اكتر
وارجو ان كلامى ميكنش زعل حد
م/احمد عشوب

مع احترامي لرأيك رشاد مش اكتر من لقب مهندس ولا حاجه ... هو شاطر مش اكتر
و في حاجات كتير بتقلش منه .... و بصراحه غالي غالي و مستغل حبتين

**Mahmoudyoussif** · 08-05-2011 02:25 AM

امال نروح لكهربائي مين يا جماعه بقى كده الواحد ما يثقش في حد

**behman** · 08-05-2011 07:20 PM

امال نروح لكهربائي مين يا جماعه بقى كده الواحد ما يثقش في حد

في ناس كتير بتفهم في الحرفيين و منهم رشاد .... بس في حاجات بتقف بتجلي منهم زي اي حد
لكن في المجمل رشاد شاطر و بيفهم وده بواقع الخبره ... بقاله اكتر 20 سنه شغال في الالماني

**ahmedmustafa** · 29-05-2011 03:48 PM

هلا شباب..انا كان عندي تجربه مع المهندس رشاد و بصراحه كان عندي عفاريت في العربيه....بصراحه جاب من الاخر و خلصني من المشكله تماما بعد ماطلع عين امي عند كل صنايعيه مصر الحروسه.......المهم انا اقدر اقول ان الراجل ده فعلا محترم في تعاملاته و امين مع نفسه قبل العميل.....و انا شايف شويه كلام مش لطيف عن الراجل بس اللي عاوز يعرف الحقيقه بجد يفكر يروحله الساعه 12 مساء و يشوف كميه البشر اللي مستنياه يصلح عربياتهم.......واللي حصل مع واحد ولا اتنين عادي يعني نصيبك كده.....والحمد الله.
المهم انا كانت مشكلتي في كاااااااااااااااااااااام حاجه في العربيه.... طرمبه بنزين و كربراتير وضفيره و خد عندك ياسيدي......بس الحمد الله كلو تمام و بقالي كام سنه الحمد الله ماشيه فوريره.....
اخر حاجه..... هاتلي واحد في مصر الكل بيقول عليه بيفهم......و كمان الراجل مش معصوم من الغلط........

**AHMEDSALIH83** · 08-06-2011 07:03 PM

أنا مسقط 3 مكنات عند رشاد
2e mkii
vr6 mkiii
Abf mkii
ورشاد هو الى عامل الضفاير والحمد لله مبرحلوش الا لما بغير بوجيهات ورحتلوا مرة باظ Fuel pressure regulator
وطرمبة vr6
وبتجيب الحاجة أغلى من برة بس بنسى دماغى لأنة بينقى الطرمبات والكنترولات بالواحدة وبيجب أحسن حاجة فعلا وهو أحلى حاجة أنة بيضمن الحاجة الى بتشتريها منة ولو حصل حاجة ترجعلوا ويبدلها لو طلع فيها حاجة
وبأمانة بحس أنة ممكن يشتغل وهو مغمض عنية ربنا يباركلة
أحمد صالح

**windofchange** · 08-06-2011 08:36 PM

المشاركة الأصلية كتبت بواسطة ahmedsalih83

أنا مسقط 3 مكنات عند رشاد
2e mkii
vr6 mkiii
abf mkii
ورشاد هو الى عامل الضفاير والحمد لله مبرحلوش الا لما بغير بوجيهات ورحتلوا مرة باظ fuel pressure regulator
وطرمبة vr6
وبتجيب الحاجة أغلى من برة بس بنسى دماغى لأنة بينقى الطرمبات والكنترولات بالواحدة وبيجب أحسن حاجة فعلا وهو أحلى حاجة أنة بيضمن الحاجة الى بتشتريها منة ولو حصل حاجة ترجعلوا ويبدلها لو طلع فيها حاجة
وبأمانة بحس أنة ممكن يشتغل وهو مغمض عنية ربنا يباركلة
أحمد صالح

ممكن يااستاذ احمد اعرف يعني ايه هو عامل الضفاير؟ يعني تفصيل عمل الضفيرة بيركب الضفيرة اللي جايه مع الموتور ولا بيعدل ضفيرة الموتور عشان تقبل الموتور الجديد ممكن تفصللي الحته ديه علما بالشيء وماشاء الله ربنا يبارك