احسن جهاز انذار

**hanosh** · 31-12-2010 02:14 PM

السلام عليكم
انا عندى كورولا 2008 ادفانسد كاملةولما اشتريتها كنت حركب انذار بس التوكيل قال انى الانذار مينفعش يركب على الريموت وده لانى العربية الادفانسد اللى بيتقال عليها بالبصمة (بلوتوث)
المهم ساعتها ركبت وحده رفع بس فى التوكيل
المهم من يومين كده واحد حسبى الله ونعم الوكيل كسر زجاج السائق بصخرة وسابهالى على الكرسى وسرق موبايل
المهم عايز اركب جهاز انذار ضرورى انا اصلا رايح التوكيل علشان اركب الزجاج سألت عليه قالولى 950 جنيه
انا كنت محتاج رأيكم ايه احسن انواع اجهزة الانذار وهل فيه نوع يعرفنى اللى بيحصل للعربية وهيه بعيده عنى؟؟؟
واذا التوكيل برضه معندوش او معرفش يركب تنصحونى باى نوع وعند مين
شكرا ليكم

**sigma** · 02-01-2011 08:31 AM

التوكيل فيه إنذار بيركب ويشتغل مع ريموت العربيه الاصلى بس طبعا اى جهاز إنذار لن يمنع ماحدث لك عوضك على الله وعود نفسك ما تسيبش حاجه فى العربيه تكون ظاهره من الخارج إنت عندك أماكن تخزين كتيره جدا إستغلها

**hazimtahaz** · 09-01-2011 12:29 AM

في في التوكيل انزار للبصمه من كم شهر جابوه بس كان بحوالي حاجه و 900..بصراحه انا استحرمت اركبوه...وانا لغايه دلوقتي عايز اركب..هوا كلو بيشكر في ولف ب 140 جينيه..بس مش عارف ده ينفع يركب عندي انشاء الله حتى برموت منفصل غير البصمه يعني؟؟؟

**hanosh** · 09-01-2011 04:26 PM

السلام عليكم

اولا حسبى الله ونعم الوكيل فى التوكيل انا رحت فرع التجمع وسألت على الانذار اللى بيركب على نفس المفتاح قالولى ب 1500 جنيه!!!!!!!!!!!!!!
المهم كنت قريت عن انذار جميل اسمه spy to way فيه ريموت بشاشه وبيركب اريال صغير فى العربية ولو حد لمس العربية او خبطها الريموت بينور ويدى صوت وفيبريشن جميل جدا المهم نزلت على شارع دمشق لقيته ب 420 جنيه والتركيب ب 60 جنيه يعنى حوالى 480 جنيه فيه ناس حتقلك ارخص من كده بس بصراحه كنت مستعجل وعايز اسافر وبصراحه جميل جدا وانا قلت للكهربائى اللى ركبهولى انه يخلى اللريموتين شغالين وفعلا
لما احب اقفل بريموت السيارة من غير انذار بقفل ولما بكون فى حتة مش امان اقفلها بالانذار وبصراحة ما شاء الله جميل جدا وطز فى التوكيل
وبصراحة الله يحرق التوكيل لما رحت اركب الزجاج مكان اللى اتكسر قالولى 1100 جنيه قلت امين وطلبت منهم يشيكوا على العربية المهم بعد ساعتين اتصلوا بيه قالولى انى العربية خلصت المهم معملوش غير الزجاج وياريت عملوه بضمير الله يخرب بيتهم من ساعة ما استلمت العربية ولما باجى اقفل باب السواق بسمع رجة مضايقانى جدا المهم انهارده رحت فكيت الباب بنفسى لقيت مهزلة كل الزجاج المكسور موجود بالباب وكمان الحديده اللى بتمسك الزجتج من تحت موجوده فى الباب وواقعه فيه ودول اللى كانوا بيعملوا صوت!!!!!!!!
يعنى واخدين 1100 جنيه ومعندهمش ضمير ولا استعداد يشيلوا التالف
يلا حسبى الله ونعم الوكيل
انا انشاء الله بعد كده حعمل الصيانه عند اى موزع على الاقل ببقى شايف العربية وايدى فيها وكل اللى بطلبوا بيتعمل وانا اشايف وقاعد معاهم
يلا حسبى الله ونعم الوكيل

**A.Saad** · 09-01-2011 06:10 PM

spy 2 way هتلاقيه فى التوفيقية بحوالى 350
وهو عندى وى سؤال انا تحت امرك
مداه حوالى 500 متر
بيديك فيبريشن ولون الشاشة بيتغير لو الانذار اشتغل
اسمه انذار غريب هناك
عيبه ان ريموت واحد اللى فيه شاشة

**pro_samir** · 09-01-2011 06:53 PM

المشاركة الأصلية كتبت بواسطة a.saad

spy 2 way هتلاقيه فى التوفيقية بحوالى 350
وهو عندى وى سؤال انا تحت امرك
مداه حوالى 500 متر
بيديك فيبريشن ولون الشاشة بيتغير لو الانذار اشتغل
اسمه انذار غريب هناك
عيبه ان ريموت واحد اللى فيه شاشة

500 متر في مكان مفتوح ولا ايه ؟

يعني لو في البيت مثلا الدور الخامس وغرفه مش علي الشارع هل هيلقط ولا صعب ؟

ويا تري فيه زرار لفتح للشنطه ؟ و امكانية انه يفصل الكهربا لو قفلت بالريموت علشان العربيه متدورش ؟

طولت عليك .. شكرا

**ZALABANY** · 09-01-2011 07:53 PM

المشاركة الأصلية كتبت بواسطة pro_samir

500 متر في مكان مفتوح ولا ايه ؟

يعني لو في البيت مثلا الدور الخامس وغرفه مش علي الشارع هل هيلقط ولا صعب ؟

ويا تري فيه زرار لفتح للشنطه ؟ و امكانية انه يفصل الكهربا لو قفلت بالريموت علشان العربيه متدورش ؟

طولت عليك .. شكرا

500 متر في مكان مفتوح انا كنت بركن العربية قدام كازينو النيل السياحي وكان بيلقط من الضفة التانية للنيل
وبالنسبه للمباني انا ساكن في الدور التاسع واحيانا بركن العربية على بعد لا يقل عن 100 متر عن البيت وشغال ولاقط تمام فعلا انذار اكتر من رائع
بالنسبه لموضوع الإيموبليزر بصراحة ما عنديش فكره بس هو بييجي معاه الوحدة اللي بتفصل الموبينه بس الصنايعية مش بيرضوا يركبوه

**pro_samir** · 09-01-2011 08:21 PM

المشاركة الأصلية كتبت بواسطة zalabany

500 متر في مكان مفتوح انا كنت بركن العربية قدام كازينو النيل السياحي وكان بيلقط من الضفة التانية للنيل
وبالنسبه للمباني انا ساكن في الدور التاسع واحيانا بركن العربية على بعد لا يقل عن 100 متر عن البيت وشغال ولاقط تمام فعلا انذار اكتر من رائع
بالنسبه لموضوع الإيموبليزر بصراحة ما عنديش فكره بس هو بييجي معاه الوحدة اللي بتفصل الموبينه بس الصنايعية مش بيرضوا يركبوه

كده ممتاز .. شكرا جزيلا

**A.Saad** · 09-01-2011 09:41 PM

المشاركة الأصلية كتبت بواسطة ZALABANY

500 متر في مكان مفتوح
+++++++++++111111

وبالنسبه للمباني انا مرة ركنت فى شارع وكنت قاعد فى الدور الخامس فى اودة على شارع جانبى من الشارع اللى راكن فيه وكان لاقط

بالنسبه لموضوع الإيموبليزر بصراحة ما عنديش فكره بس هو بييجي معاه الوحدة اللي بتفصل الموبينه بس الصنايعية مش بيرضوا يركبوه+++++++++++111111

-

الموضوع: احسن جهاز انذار

LinkBack

أدوات الموضوع

عرض

-

-

-

-

المواضيع المتشابهه

ايه احسن جهاز انذار موجود ؟؟؟؟

ايه احسن نوع جهاز انذار فى السوق

احسن جهاز انذار؟؟؟

عايز اعرف احسن جهاز انذار لللانوس؟

ايه احسن نوع جهاز انذار؟؟؟

الكلمات الدلالية لهذا الموضوع

المفضلات

المفضلات

ضوابط المشاركة