انفجار ضخم أمام كنيسة القديسين بالإسكندرية

**ehaballam** · 02-01-2011 12:33 AM

المشاركة الأصلية كتبت بواسطة egyzizo

أياً كان من فعلها ، فقد نجحوا فى مرادهم ولم يقتلوا فقط شهداء الاسكندرية وإنما قتلوا الفرحة فى نفوس كل أقباط مصر .. لا تتصوروا كم الكآبة والحزن الذى نعيش فيه .. أمهاتنا تبكى وشبابنا فقدوا الاحساس بالأمان.
لا يكاد يأتى علينا عيد مؤخراً إلا وتأتى معه طعنة غادرة من الخلف تضيع بهجة هذا العيد.

أنا مكتئب جداً.

ربنا ينتقم من اللي نكد على اخواتنا في العيد , و وصدقني كلنا حزن على من قتلوا غدرا , وصدقني حتى لو في حد من اخواتنا واصحابنا انفعاله زاد شوية احنا عارفين إنه معذور , ومش زعلانين منه لإن يا صديقي حرحكم جرحنا ودماءكم دمائنا .... يا ربنا ياخد الظالم

**dramir1** · 02-01-2011 12:50 AM

الاسلام بريء من هذا التطرف..... واللي عمل كدا عايز يشعل الفتنه بين المسلمين والمسيحيين

**dr-mohamed** · 02-01-2011 12:58 AM

من آذي زميا فقد آذني
اللهم انتقم ممن اذي اخواننا المسيحيين في مصر
ده احساس كل مسلم في مصر لاننا في الاول والاخر اخوة ما يجمعنا اكثر مما يفرقنا
النهاردة العصر خارج من شقتي لقيتي جاري المسيحي شاب لذيذ ومبتسم دايما عيدت عليه واتكلمنا عن اللى حصل ونزلنا سوا في الاسانسير زي كل مرة بنتقابل فيها اخوات وجيران في مكان واحد بيجمعنا سوا هي امنا مصر العظيمة اللى بيحاول كل من هب ودب افتراس لحمها والتفرقة بين ابنائها باثارة النعرات الطائفية ولهؤلاء اقول واتمني
نحن لسنا العراق
نحن لسنا لبنان
نحن لسنا السودان
نحن المصريين يد واحدة مسلم ومسيحي كلنا اقباط مواطنين في هذا الوطن فدعونا لهمومنا ومشاكلنا الداخلية وابعدوا عنا بما لديكم فما لديكم ليس الا الكراهية ومحاولة تمزيق الجسد الواحد ولاقباط المهجر اقول اما ان تكون مصريين مثلنا جميعا وتعودوا لتعانوا مثلنا في هذا الوطن وتبحثوا معنا عن وسيلة للخروج من النفق المظلم او اصمتوا واتركونا في حالنا وهنيئا لكم حياتكم في الخارج لكن لا تدعوا الخوف على جاري اكثر مني ولا تدعوا الخوف علي اكثر من جاري
فجاري المسيحي انا اقرب له منكم وهو اقرب لي منكم ومن الاخرين

**samcar** · 02-01-2011 02:17 AM

المشاركة الأصلية كتبت بواسطة meza

أجد خلط للكلام غير مفهوم ... ايه اللى جاب الإنجليز لبابا الفاتيكان و ايه اللى جاب الإنجليز لحماية الأقليات فى مصر و ايه اللى جاب الأمريكان لمسيحى العراق اللى اتقتلوا من عراقيين مسلمين من أرضهم؟!!!

بص حضرتك اللى شجع التطرف هو الهجوم المتزايد على الإسلام من الغرب خصوصاً بعد 11 سبتمبر لكن للأسف هو موجه برعونة شديدة لكل من هو مخالف لعقيدة الإسلام سواء عدو أو حبيب مما أساء لصورة الإسلام فى الداخل و الخارج.

انا متفهم موقف حضرتك المعارض للإستقواء بالخارج اللى انا شايفه مجرد صرخة إستغاثة بعد ما كل الأبواب اللى داخل بلدنا اتقفلت فى وشنا ... و للأسف حكومتنا لا ترضخ لمصالح شعبها بل للضغوط الخارجية .. فهمت حضرتك ليه التوجه ده بقى متزايد اليومين دول! ... ده حتى الإخوان بقوا يستقووا بالخارج يا راجل على كده!

معلش راجع - التاريخ - الانجليز كانت حجتهم فى التدخل فى مصر - حماية الاقليات- دلوقت هدف امريكا واسرائيل المعلن ايه - تفتيت الدول الكبرى فى المنطقه - الحجه ايه - السودان فيه مسيحيين فى الجنوب- يبقى نقسم السودان - العراق فيه شيعه وسنه واكراد نقسم العراق

مصر - خد بالك بقى - دول حلوين مع بعض- يبقى نبتدى نزرع فتنه - وللاسف فى اللى وسع لهم السكه - - وخد بالك الفاتيكان لاعب اساسى - فى كل الاحداث - يبقى كام حادثه ونطلب حماية الاقباط - وللاسف فى من الاقباط اللى بينادى بكده علنا- طيب نحمى الاقباط ازاى - نقسم - وفوق دول كمان - حتلاقى كلام عن فصل النوبه عن مصر - دوله تالته- الكلام واضح وزى ما قلت فى نبره عاليه بين الاقباط وبتعلى يوم عن يوم بتستقوى بالخارج- ارجع واقول لهم هم كمان اقروا التاريخ - مش حيدوكم اى حمايه حيستخدموكم وبعد كده حيرموكم - العراق امامكم - لبنان - جيش جنوب لبنان - المسيحى قعد يحمى اسرائيل 24 سنه وعلى رايهم اسرائيل سابتهم تحت رحمة حزب الله فى 24 ساعه- يا ناس اقروا شويه تاريخ

**dr-mohamed** · 02-01-2011 02:50 AM

المشاركة الأصلية كتبت بواسطة eng. Rafy samy

ربنا يرحمنا جميعاُ من شر الإرهاب و التطرف
ربنا يبارك مصر وشعبها ويحميهم من كل شر
ربنا يعزي اهل الضحايا ويشفي الجرحى
ربنا يستر على اللي جاي...

ازيك يا رفيق
والله بدور على رقمك من امبارح انت ومحمد شنوري علشان اطمن عليكم لا لاقي رقمك ولا رقمه
انت بخير انت والاسرة ؟؟؟؟؟؟؟؟
اكيد ما دمت شاركت تبقي بخير والحمد لله
مش عارف اقولك كل سنة وانت طيب ولا البقية في حياتكم
الله ينكد على اللى نكد علينا كلنا