انفجار ضخم أمام كنيسة القديسين بالإسكندرية

**John_Samy_1** · 01-01-2011 11:11 AM

لا أحد يتهم الاسلام كدين لأن معروف إن الاقباط واليهود والمسلمين عايشين مع بعض في مصر من أكتر من ألف سنة. انما المتطرفين والارهابيين دول حاجة تانية اللي بيدعوا انهم بيعملوا كده بدعوى الاسلام, الانفجار قدام كنيسة مش بيفرق وهو بيصيب مابين طفل أو مسلم أو مسيحي أو قطة فـمفيش خلية ارهابية هتعرف تظبطها إنها تموت مسحيين بس عشان الحمد لله احنا نسيج واحد في بلد واحدة. بس طبعا واضح إن العمل بيستهدف الكنيسة وطبعا هيثير كتير من المنفعلين اللي تم استفزازهم بالهتافات والمنشورات اللي كانت بتتوزع يومها الصبح.
عامة شوية وهنلاقي حد من خلية أو منظمة هيطلع ( غالبا علي الجزيرة ) ويفتخر بمسئوليته عن العمل البطولي ده.
يا رب اهدي الجميع واجعلها آخر احزان 2011

**gebreel** · 01-01-2011 11:52 AM

الواحد فعلا مش عارف ايه اللي بيجرى ده لأ و اللي يزود القلق اكثر بكلم محمد عبد المجيد معانا هنا في المنتدى تليفونو مقفول ربنا يستر و يفتحوا و بكلم ناس معايا في الشغل في فرع اسكندرية مبيردوش

حسبي الله و نعم الوكيل في اللي عملها

**Adham** · 01-01-2011 12:13 PM

السيارة المفخخه معمولة باحترافية شديدة و بقوة تفجيرية عالية و دة مش شغل ارهابيين و لا هواة

دة العربية المفخخه اللي بتنفجر في العراق او فلسطين بيصاب فيها عشرة و يموت منها اتنين, مش يتعدى العدد ال 100

و مافيش واحد مصري مسلم او قبطي ممكن يعمل كدة و يفجر سيارة بالشكل دة, دي كأنها تفجير سيارة وقت صلاه عيد الفطر او الاضحي امام مسجد, مين ممكن يعمل كدة, اكيد مش مصري مسلم و لا قبطي, الاعتداء على المقدسات صعب و احترام العقيدة و العبادة دة شيء مقدس

واحد صاحبي كان هناك بالليل بيصور لقناة فضائية بيقولي ان العربية السكودا الخضراء اللي انفجرت مسجلة باسم واحد قبطي اسمة أمجد, و ان اللي فجرها ركنها و نزل بسرعه و ساب حتى بابها مفتوح و ابتعد عنها بسرعه و جري و فورا السيارة انفجرت

و ان القتلي حوالي 40 منهم 5 مسلمين تقريباً و ان فية جثث كتير تحولت لاشلاء (و لم يتم التعرف عليهم بالتالي) و تناثرت على سور الكنيسة لدرجه ان السور تحول من اللون البيج لللون الاحمر

ولو بكرة لقيت سيارة مفخخه تانية انفجرت قدام جامع وقت الصلاة حاتقول ان دة رد فعل انتقامي من الاخوة الاقباط و للا حاتقول ان الموساد بتكمل المخطط لاشعال الفتنة ولتفكيك البلد و تحويلها لعراق او لبنان جديد ؟؟؟

**Adham** · 01-01-2011 12:22 PM

و الرأي التاني اللي سمعتة من صديق اسكندراني قبطي ان دي تصفية حسابات بعد الإنتخابات

**Col. Eng. Khaled** · 01-01-2011 12:57 PM

المشاركة الأصلية كتبت بواسطة fadod

الناس اللي مش مصدقه و بتقول الموساد....هي إسرائيل والموساد وأمريكا اللي بيحاولو يشعلو نار الفتنه ديه مبيحولوش غير عن طريق قتل المسيحيين وفي ليالي أعيادهم وبس..يعني تفسير غريب قوي و مش منطقي ...يعني مفيش قنابل بتتزرع قدام جوامع مثلا بعد صلاه ظهر ...أو في أعياد مسلمين ..وساعتها ممكن يلبسوها للمسيحيين علشان يعملو فتنه مضاده..يعني نحاول نساعدهم لو هو ده المنطق اللي بيفكرو بيه في إشعال الفتنه وكده ...بس للأسف القنابل والرشاشات و بالذات في ليالي أعياد المسيحيين ...هي ده خطه الموساد

حاول حضرتك تكتب لنا تفسير منطقي لإن كلام حضرتك إللي تحته خط بيوجه الرأي العام لإتجاه واحد فقط

**تامر.محمد** · 01-01-2011 01:16 PM

عزائي للجميع
:(

القصة باينة انها عمل مخابراتي بحت
بس اللي يفكر فيها كويس

**Col. Eng. Khaled** · 01-01-2011 01:21 PM

المشاركة الأصلية كتبت بواسطة fadod

يعني لما يكون في 3-أو 4 مظاهرات ضد الكنيسه والبابا ..وكلها شتايم وحرق لرموزها من أول 24/9 لغايه إليوم اللي حصل في التفجيرات 31/12 وكلها قريبه من أماكن الإنفجارات ...ذي اللي في الفيديو دة ..ولما يكون في منتديات ذي شموخ الاسلام يكتب فيها ناس يتحدثون المصرية خاصه والعربية ..بل ويشرحون كيفيه صنع قنابل وكشف بأسماء الكنائس المستهدفه في المحافظات ذي اللي في الرابط دة بردو بل للمباركه والاحتفال باستشهاد النصاري ليله عيدهم ..يبقي كل داه مش موساد ولا جهات أجنبية
youtube - ‫ظ…ط¸ط§ظ‡ط±ط© ط¶ط®ظ…ط© ط¬ط¯ط§ظ‹ ط¶ط¯ ط§ظ„ط¥ط±ظ‡ط§ط¨ظ‰ ط´ظ†ظˆط¯ط© ط¨ط§ظ„ط¥ط³ظƒظ†ط¯ط±ظٹط© 24/9/2010‬&lrm;

http://www.shamikh1.net/vb/index.php

من فضلك يا دكتور بلاش تنفخ في النار و الدخول في مواضيع سبق مناقشتها و حضرتك كنت طرف فيها ، كلنا في مركب واحدة و النار مش بتفرّق بين حد و التاني

و لو حضرتك ركزت في الخبر حتلاقي المصابين من الطرفين .

أتمنى يكون كلامي واضح ...........