+11111111
مش ناقصه ولعه
معلش أنا مش قادر استوعب الفرق بين إستشهادي وإنتحاري في الوقت الراهن ..ليا 2 مصابيين في الحادث وحالتهم حرجه =..هو بيعتقد إنه بيستشهد لما بيفجر نفسه أو استشهادي ..واحنا بنعتقد إنه إنتحر أو إنتحاري لانه قتل نفسه ..الفرق في المعنيين بيختلف بإختلاف تفكير الشخص وحكمه ...مش عارف أوضح أكتر من كده
لغاية ما تستوعب بلاش كلام يولع الدنيا من فضلك للمرة الثانية بعد ردي على حضرتك في الأخبار المنقولة
بالمناسبة ........... شوف توقيعك و شوف الناس عاملة إيه عزاء و اجب بعد حادث الاسكندريه
ده واحد واضح ان عنده خلل عقلي
انا مش قادر اقتنع ان ده دليل على اي حاجة
ببساطة لأن ده لو واحد عارف انه رايح (يستشهد) , هايبقى اصلا فرحان , و مش هايقول وقعة انتحار
الأفكار دي مش افكار واحد في باله انه هايروح يستشهد و بعدين يدخل الجنة
ازي حضرتك اولا ؟
:)
انا قلت اقرا بعقلية اللي مصدق ان ده له علاقة باللي حصل ....
فلما قريت لاحظت الخلل اللي كنت باقول عليه
دي مش افكار واحد في باله انه رايح يستشهد و على الجنة حدف (من منظور ان دي عملية استشهادية فعلا)
دي أفكار واحد رايح فعلا ينتحر و عارف انه رايح جهنم , و ده يوصلنا لاحتمالين , اما ان ده مالوش علاقة بالموضوع خالص , و احتمال انه عملها فعلا بس بدافع تاني خالص
في رأيي الكلام ده ما يثبتش اي حاجة زي ما كنت باقول
الاحتمالات كتير جدا
ده ببساطة ممكن اصلا يكون واحد رايح ينتحر بجد ...
و احتمالات كتير جدا من اتفه حاجة لأكبر حاجة خصوصا ان الليلة نفسها ليلة مناسبة فأي حد محب للظهور هاينشن على الوقت ده
مظنش الكلام ده صح لسبب اكتر وضوحا هو المتفجرات بقت بتتوزع ولا ايه؟!!
هو حد اداله المتفجرات و العربيه (ده لو كانت العربيه مفخخه اصلا)
المفروض البحث الجنائي هيكشف اذا كانت العربيه نفسها مفخخه من عدمه لأن في فرق ما بين اثر انفجار عربيه ملغومه او متفجرات بجوارها
(اخوكم كان طفل من اطفال المدرسه اللي حصل عندها التفجير بتاع رئيس الوزراء عاطف صدقي)
فادي
سيبك دلوقتي من الفرق بين المعنيين
اظنك لمست فيا اني عندي تقبل للاخر و احترام ليه و لرأيه
ارجوك اسمع مني الكلام و تقبله بصدر رحب
اولا ربنا يشفي قرايبك و كل المصابين و يرحمنا من اعمال التخريب دي
هل تفتكر ان اللي عمل كده كان قاصد ينصر المسلمين علي المسيحيين؟؟
هل اصلا في حرب ما بين المسلمين و المسيحيين في مصر؟
احنا مصريين في بلد واحده و علاقتنا و جذورنا طالعه من منبت واحد
محاولات التقطيع في جذورنا و تقليبنا علي بعض لو نجحت هتبقي نجحت في فصل جزء من جسد البلد عن باقي الجسم
محدش في مصر هيستفاد اطلاقا
العمليه الارهابيه دي قمه في المكر و الدهاء و فاتحه شر كبير
اول خطوه في انهيار استقرار الدول اجتماعيا هو شحن و تحفيز الفئات المكونه للمجتمع علي بعضها
قبل الحرب الاهليه الامريكيه كانت الشمال الغني و الجنوب الفقير و مسمار جحا كان موضوع العبيد
و في لبنان قبل الحرب الاهليه
و في السودان
و في العراق, و موقف العراق اكتر وضوحا لتفسير الاسباب و الدوافع لأنهم بيقلبو المسلمين علي بعض
احنا لو في مصر قلناها احزاب ما بين مسلم و مسيحي يبقي ضعنا
من امتي اصلا و مجرد ذكر كلمه مسلم و مسيحي انتشرت في مصر؟
ماهو مصر دايما كانت فاتحه اذرعها لكل الاديان و الاعراق و الاجناس
ليه التركيز من فتره علي الفئات المكونه للنسيج الاجتماعي
المخطط العالمي واضح وضوح الشمس
افغانستان كانت الثور الابيض
لبنان سوريا العراق السودان و مصر
و الموضوع مش مؤامرات في عقلي
ده تخطيط و تكتيكات المراد بيها اهداف مستقبليه واضحه و بتخدم الكيان الصهيوني
ارجوك يا فادي انا حاسس بيك فعلا و بالالم اللي جواك
اهدي شويه و راجع نفسك بجد
و اقرا توقيعك و فكر هل هيعجبك ان المسيحيين ينقلبو علي المسلمين نتيجه حادث حقير زي ده؟
مش شرط علي فكره ممكن لو هو مثقف و واعي كده يكون قادر علي الفصل التام بين تصرفاته و تفكيره و ممكن يكون عنده عرض من اعراض انفصام الشخصيه
لو هو اللى نفذ العملية يبقى اكيد حد معاه
محدش بيجيب متفجرات من السوبر ماركت ومعتقدش ان الاثار دى ناتجة عن قنبلة مولوتوف يعنى
ويا أستاذ فادى احنا مصريين بغض النظر عن الديانة
ومعتقدش ان فى حد مصرى عاملك بطريقة مختلفة لاختلاف الاديان
العمل د ارهابى واللى نفذه مش مصرى
قالت مصادر سياسية مصرية أن توقيت الكشف عن إحالة 3 أشخاص بينهم رجل أعمال مصري وضابطي مخابرات إسرائيليين إلى محكمة أمن الدولة العليا بتهمة التخابر لصالح إسرائيل، جاء في الأساس لتحسين صورة النظام أمام الشعب المصري بعد فضيحة الانتخابات، كما رأى خبير سياسي مصري أن هذا الكشف يعتبر "رسالة مضادة" من القاهرة إلى تل أبيب في ظل التغييرات الإستراتيجية والفكرية الأخيرة في حقيبة المخابرات الإسرائيلية.
ونقل موقع «أون إسلام» عن مصادر سياسية مصرية مطلعة أن مغزى توقيت الإعلان له بعده الداخلي وليس الخارجي هذه المرة، وإن أقرت بأن توقيت الإعلان في مثل هذه القضايا يبقى له "بوجه عام اعتباراته الأمنية الخاصة".
يذكر أن العديد من الصحف المصرية أوضحت أنه تم القبض على أحد أفراد شبكة التجسس الإسرائيلية في مصر في شهر مايو الماضي، إلا أنه تم الإعلان رسميا عنها الإثنين 20-12-2010.
وتوضح المصادر أن الإعلان عن هذه الشبكة سيحسن بلا شك صورة الحزب الحاكم والسلطة في مصر على المستوى الداخلي بعد أن تعرضت لكثير من النقد على خلفية ما شهدته الانتخابات التشريعية الأخيرة من تجاوزات وما أثارته من اتهامات قوية من المعارضة ومنظمات حقوقية للحزب الحاكم في مصر ب"تزويرها".
من جانبه، علق دكتور طارق فهمي إسماعيل، خبير الشئون الإسرائيلية بالمركز القومي لدراسات الشرق الأوسط، على ضبط شبكة للتجسس الإسرائيلي في مصر بقوله: "فتش عن التوقيت".
وفي هذا السياق، أشار د. إسماعيل إلى "أن هذا الكشف المصري يأتي بعد حدوث عدد من التغييرات في تشكيلات المخابرات الإسرائيلية سواء الاستخبارات العامة (الموساد) بتعيين تامير باردو المسئول المخضرم مديرا للموساد بدلا من الجنرال مئير داجان منذ أسابيع قليلة، وكذلك تعيين الجنرال آفيف كوخفي بدلا من عاموس يدلين في رئاسة المخابرات العسكرية الإسرائيلية (أمان)".
وأوضح إسماعيل أن "السلطات في القاهرة تريد من خلال إعلانها عن هذه الشبكة إيصال رسالة مضادة إلى المخابرات في تل أبيب سواء " الموساد" أو " أمان"، بأنها "يقظة ونشطة" حيال أي اختراق مخابراتي إسرائيلي على أرضها"، خصوصا "بعد تصريحات عاموس يادلين رئيس جهاز المخابرات الحربية السابق قبيل تسليمه مهام عمله إلى آفيف كوخفي".
وقال يادلين في تلك التصريحات: "إن مصر ملعب رئيسي لنشاطات المخابرات الحربية الإسرائيلية، وإنها نجحت في تصعيد التوتر والاحتقان الطائفي بحيث يعجز أي نظام بعد مبارك في معالجة الوهن والانقسام المتفشي في مصر".. بحد قوله.
ورأى الخبير المصري في الشئون الإسرائيلية أن تصريحات يادلين، التي ليس لها سابقة لمسئول إسرائيلي في الموساد، لها بُعدان: "أولهما توجيه رسالة إلى أعداء إسرائيل بأن المخابرات الحربية الإسرائيلية لها اليد الطولى في المنطقة، وأنه ليس هناك دولة في المنطقة، بما فيها مصر التي ترتبط معها باتفاقية سلام، بعيدة عن الاستخبارات العسكرية الإسرائيلية".
أما البعد الثاني –بحسب المصدر نفسه- فخاص بلعبة توزيع أدوار داخل الساحة السياسية الإسرائيلية، فـ"أمان" تريد توجيه رسالة إلى "الموساد"، الذي عانى من إخفاقات متتالية في مصر ولبنان وسوريا ومناطق التماس مع حزب الله، غرضها إبراز سلسلة نجاحات للمخابراتية الحربية الإسرائيلية في المنطقة".
ولفت إسماعيل إلى أن "الاستخبارات الإسرائيلية فور الإعلان عن سقوط أي جاسوس تعلن أنها ليس لها أي صلة أو شأن بهذا الموضوع، وهو ما حدث بالفعل، ولكنها في نفس الوقت تتابع الموضوع عن بعد".
وتوقع د. إسماعيل أن "تطلب مصر اعتذارا رسميا من الجانب الإسرائيلي"، إلا أنه استدرك قائلا "أن مثل هذا النوع من الاعتذارات سوف يتم بعيدا عن الإعلام".
============
الخبر منقول و ادي اللينك و ركزو علي التاريخ بتاع الخبر
مصادر سياسية: توقيت الكشف عن شبكة التجسس الصهيونية على مصر جاء لتجميل صورة النظام
[QUOTE=AhMeD EzZ;3873184162][/QUOTE]
انا رايى يا احمد تبلغ الداخلية عن الصفحة دى و هما حيتحرو الموضوع و ممكن فعلا تكون ليها علاقة بالحادث او تمنع حادث اخر انة يحصل لا قدر الله