دماغي وقفت !! ممكن دة يكون ليع علاقة بالتفجيرات الارهابية ؟؟؟!!!!
من يومين اي 30/12/2010 Page جديدة علي ال Face Book بعنوان
اول حالة انتحار في 2011
â€ڈط§ظˆظ„ ط.ط§ط¯ط« ط§ظ†طھط.ط§ط± ظپظٹ 2011's Notesâ€ڈ | Facebook
محدش اعارها انتباة و دة شاب بيحاول يلفت النظر و خلاص و كانت الناس بتابعها علي سبيل التهريج مش اكتر
بس كان في حاجة غريبة الولد بيكتب ساعات باسلوب مثقف و راقي جدااا و ساعات اي هبل و خلاص
كومينت اتكتب يوم 31/12/2010 و دة نصة
اقتباس:
انا انتحر ولا اعرض ناس ابرياء للخطر ؟؟
عادي جداا برضة
بعدها بشوية اتحط الكومينت دة
اقتباس:
لها ساعات واسيب البيت الجميل بس هكون صريح معاكم
انا فاقد اي مشاعر وحاسس اني ضخم اوي وكل العالم ناس صغيريين بما فيهم اكبر قادة
وشامم ريحة البحر وحاسس اني عاوز احضن الارض
ورغم القلق اللي جالي بعد ما الموضوع اتعرف وكان القلق من ناحية ان يحصل حاجه تزعجني وتلخبط اي ترتيب
وبعد شوية هكتب اخر رسالتين واحدة فيهم دعاء ليا عاوزه..
و الساعة 10 اتحط الكومينت دة
اقتباس:
والله ماحد فاهم حاجه
والله ماحد فاهم حاجه
والله ماحد فاهم حاجه
والله لو مصر بشعبها كلها فهم محد هايقدر يعمل حاجه
خبر الحادث بعد ساعتين بس وهاتشوفو
قشطة جدا مستين هتعمل ايه ؟؟
و بعد ساعتين حصل الي حصل و جه خبر التفجيرات ساعتها عقلي كان هيقف من التفكير معقول الكلام دة ؟؟؟!!!!
رجهت اقري ال Page تاني لقيت كلام غريب اووووي
زي
اقتباس:
لها ساعات واسيب البيت الجميل بس هكون صريح معاكم
انا فاقد اي مشاعر وحاسس اني ضخم اوي وكل العالم ناس صغيريين بما فيهم اكبر قادة
وشامم ريحة البحر وحاسس اني عاوز احضن الارض
ورغم القلق اللي جالي بعد ما الموضوع اتعرف وكان القلق من ناحية ان يحصل حاجه تزعجني وتلخبط اي ترتيب
وبعد شوية هكتب اخر رسالتين واحدة فيهم دعاء ليا عاوزه
لما
ركزت في الكلام شوية
1 - اشمعني خد مثال بالقادة
2- شامم ريحة البحر مقصود بيها اسكندرية
و الكومينت دة كمان
اقتباس:
النهاردة وبعد الفجر روحت جامعة القاهرة قد ايه المكان دا وحشني وكليتي والذكريات والمكتبة وكانت مفتوحة وفيها طلاب التعليم المفتوح
دخلت معاهم كانت الساعة 8 تقريباً واتفجأت بالاعداد الضخمة اللي فاتهم قطر التعليم او بيحسنوا من اوضاعهم وكنت عاوز اسئلهم انتم هنا ليه دا المتخرجيين جداد مش لاقيين شغل انتم يا كبار هتلاقوا ؟ اما انت غريب يا مصري
روحت الجامعة بالمترو وقبل ما يدخل المحطة فكرت لثواني اني اعملها وارمي نفسي بس لقيت زحمة برده وشوش الناس فيها هم وحزن واطفال مسحيين لسا بقول لا بيني وبين نفسي كان الباب مفتوح قصادي
وقفت في منتصف العربة من غير ما امسك في حاجه ولقيت نفسي ثابت لان قوة حركة المترو اضعف مني دا كان احساسي عشان كدا حصل ومتهزتش
وانا بلفلف في الجامعة وبفتكر حاجات خاصه بيا
لا وحاطط شال علي رقبتي ولا كريم عبد العزيز في واحد من الناس نفس الماشية والاحساس واحد وبسرعة خرجت ومدخلتش المكتبة وحسيت انها بعيده بعد ما خرجت
صليت الجمعة وكان موضعها لو الناس انتبهوا ليه هتغير حياتهم 360 درجة ومن كلامة شيخ قوي بس مش من الازهر وانا في الجامع نسيت الموضوع اللي انا فيه بس اما خرجت حسيت اني عاوز اقول لكل الناس المحترمة اللي اهتمت بيا شكرا علي مشاعركم النبيله
عارفين في الشارع كنت بقول للناس يا اخواتي الصغيريين ويا اخواتي الكبار انا عارف انتم لو عارفين انا مخطط لايه مش هتسبوني وهتعملوا زي اخواتي الصغيريين والكبار اللي علي الصفحة دي
الصفحة دي اللي مطلبتش من حد فيها حاجه ولا هطلب ولا هقبل بس مقدر ومحترم شعوركم الطيب وكل حد قال كلمة وحشه في حقي انا مسمحه وعارف ان بينه وبين نفسه مش ههون عليه لاني اكبر من اني ازعل بسرعة
دلوقتي قدامي 3 اماكن هروحهم والاخير هيكون مكان الحادث
وعشان مش هكتبلكم تاني هحاول اخلكيم تعيشوا معايا وصدقوني اذا كنت املك موبيل في فيسبوك كنت فلت معاكم لاخر لحظه
مش عشان حاجه ليه عشان انا عارف قد ايه الموضوع فيه اثارة
هروح مكان ثقافي وهروح الترب اللي اما يلاقوا جثتي هيدفنوني فيها ما انا عارفها وكتبت فيها قصيدة
ما كل حاجه بتحصل كتبت فيها قصيدة
مش وقت كلام كتير
انا هكتب سطرين فيهم
انا في كامل قواي العقلية ولست تحت تأثير اي مخدر حتي هذه اللحظه
ليست لدي اي علاقات نسائية ولا مشاكل جنسية ولا شارب للمخدرات ولا اي جريمة من اي نوع حتي وإن كان محضر عدم تعرض واقدمت علي هذه الفعله ليأس الكامل من الحياة الكريمة الخالية من مساعدة الغير وقد فصلت كل هذا في وقت سابق وان انعدام انصلاح الاحوال في مصر بشكل خاص في ظل سياسات لن ترحل عن البلاد ولن يرحل الفساد والظلم والعجز والفقر
وموت الاحلام جنيناً
اشمعنا ذكر اطفال مسيحين بالتحديد ؟؟!!
و كلام كتير فيه تورية
و اثناء المتابعة علي قناة النيل بيقولو ان العربية كان عليها ورقة البقية تاتي !!
و من شوية ظهر Page جديدة بعنوان
ثاني حالة انتحار في 2011 بنفس مواصفات دي بالظبط و مكتوب التنفيذ بعد 48 ساعة
معقوله كل دي صدف ؟؟؟!!!!!!!!
