الموضوع: دماغي وقفت !! ممكن دة يكون ليع علاقة بالتفجيرات الارهابية ؟؟؟!!!!

المشاركة الأصلية كتبت بواسطة funnymickey

مممممممممممممم
انا دخلت وشفت الموضوع
بس مستغرب
ومصدق ومش مصدق في نفس الوقت

كلامه غريب اوي وتحس انه مختل عقليا يعشق حب الظهور
عامل الصفحه مخصوص عشان يلم الناس حواليه ويقعدوا يعملوله في كومينت

اما عن علاقته بالحادث
فكتير حاجات صغيره ممكن توصلنا لحقائق كبيره

بس ده اتفه من انه يعمل كده
ودماغه دماغ عيالي
وتبقي كسبت فيه ثواب لو بلغت عنه عشان يقفشوه ويلبسوه التهمه
وساعتها حيتمني يموت الف مره
بدل ما هو عاوز يموت عشان بقي عنده 35 سنه

جتها نيله اللي عاوزه خلف
:)

انا مقصدش ان الواد دة بشخصيتة الي بيتكلم بيها دي هو الي ورا الموضوع
مش ممكن تكون دي طريقة تواصل جديدة بين التنظيم دة
و مفيش احسن من كدة مكان ميتشكش فيه لانه معروف انه للهرتلة و الهلس
كل شيء جايز

الواد ده كلامه صح

والترب دى جنب الكنيسه

ترب سيدى بشر الى على البحر بينها وبين الكنيسه شارع

والواد قال انا حروج 3 اماكن
مكان ثقافى
ترب
مكان الحادث

حد فهم حاجه

الواد ده راح ضحيه

كده الكلام ده صح

دى الصوره الرمزيه بتاعه الصفحه حد يقنعنى ان الى فى دماغى غلط







حد يقرأ الكلام ده كويس وهو يعرف الواد ده عمل كده ليه
انا الى دماغى حتقف
انا مش مصدق عنيا وحاسس ان ده حلم او الى بيحصل ده مش صح

مشاعر طيبه ووجهات نظر مختلفة وكل واحد بيعبر بطريقته الخاصة ومحدش في الكون يقدر يحكم مين صح ومين غلط والقاضي نفسه بيحكم من وجهة نظر مختلفه واللي واضع قانون دولة وجهة نظره برده مختلفة


ابتديت بالكلمتين دول عشان اوصل رساله مهمه نادت بيها الاديان وكل حد بيفكر وكل حد عنده تجارب وهي احترام الاخر


اه عاوز الناس تحترم قراري اي كان مخالف ليهم مدام مش هضرهم بشئ وقليل اللي خد باله من قضيتي واهتم بيها وهي اني راجل مصري جدع وابن حلال ومش قابل مساعدة من اي نوع وثروتة في كرامتة


مش هطول عليكم إذا حد حب يعرف ليه عملت كدا هيعرف الاسباب اللي عاوزها بس تتعرف لان في اسباب تانيه مينفعش تتعرف


وعشان انجز وقت الاسباب دي لا هي عاطفية ولا جنسية ولا عائلية ولا ادمان وذكرت كل دا واحترمت الناس اللي دخلت وحبيت اوصف ليهم مشاعري وحاسس بايه لان اكيد في ناس عاوزه تعرف مشاعري ايه تجاه الحياه وحاولت اترجم دا لكلام


الموضوع كبير وعشان مش هدفي اني افضح ناس ولا اللعن في حد ولا اهيج حد علي حد مجبتش سيرة حد ومتكلمتش في مواضيع في مصر وخارج مصر واكتفيت بالعجز والفقر والظلم بس زي ما في اجنة بتموت


ما علينا بالفلسفه


اولاً وثانياً وثالثاً واخيراً


شاب مصري حاول يعيش زي ما كل الناس بتقول مش لازم تشتغل بشهادتك اشتغل اي حاجه لحد ما تلاقي هه الوظيفه اللي تناسبك ماشي وبعد سنين طويلة النتيجة تحت الصفر ودايما بجيب الغلط عندي اما الدنيا تعند معايا


وكل الكلام اللي انتم قلتوووه وردود الافعال كنت بقولها لنفسي وبقول اقوي منها وكنت الناصح لغيري ورغم اللي كنت فيه كله كان بيحسدني علي ثقافتي وعلي هيئتي مش غرور بس عارف نفسي


اصلي كليتي من كليات القمة مش هحرق حاجه لان في اسرار ليا اطلع عليها واحد محترم وليه الاختيار بعد موتي انه ينشر او لا بس احتراما ليكم وليه


عندي شوية اسئله


تعمل ايه لو كل يوم اهلك بتزيد حصرتهم عليك وتخيب امالهم ؟


تعمل ايه لو رغبتك في الجواز غلبت عليك لانتظارك سنين وسنين مع وفرة الحرام ورفضك ليه ؟


تعمل ايه لو مش عارف تجيب هدوم تحميك من البرد في نفس الوقت اللي عمرك ما هتمد ايدك ؟


تعمل ايه لو مش عاوز تسيب بلدك وعاوز تشتغل فيها وتنميها بس مفيش فرصة ؟


تعمل ايه لو مواهبك ناس تانيه بتسرقها منك عشان هما بيتسمع ليهم عشان اسمهم وانت مغمور ؟


تعمل ايه اما متعرفش تدخل علي حد في يوم ومعاك ليه هديه ولا كيس فاكهه ؟


تعمل ايه لو فقير عدي جمبك ونفسك تساعده ؟


تعمل ايه لو حد في عيلتك جراله حاجه ومش قادر تعالجه ؟


تعمل ايه اما تشوف اسعار الشقق واللي مرتبك يدوبك اجار اوضتين اجار جديد ؟


تعمل ايه لو انت طول بعرض وبتاخد فلوس من اهلك في نص الشهر بعد ما تصرف الباقي عالمواصلات والفطار ؟


تعمل ايه اما تحوش وتخسر عشان قانون اتحط لصالح اصحاب رؤس الاموال الكبيرة ؟


تعمل ايه اما تفقد الاحساس بالامان في العالم اللي انت عايش فيه ؟


تعمل ايه اما تشوف اخواتك وشباب كتير زيك وصحابك بيدمروا وانت منهم ومش قادر تعمل حاجه ؟


تعمل ايه اما تشوف المستشفيات العامة اللي مفروض نتعالج فيها واللي بيدخلها بيمرض اكتر ؟


تعمل ايه لو عايش جوا اسرار تطلعك وقرايتك وصلوك ليها ومستحيل تتصدق او حد يسمعك وممنوع الكلام اصلا فيها ؟


والله عندي كتير والمستخبي اكتر بس هختم بوحده


تعمل ايه لو انت رضيت بكل دا علي امل ببكره ويعدي سنين طويلة وانت علي نفس الحال وبتكبر ؟


في اجوبه علي اسئلة كتيرة يمكن يجي اليوم واللي مهتم هيعرفها وطبعا مش كلها لان في حاجات لازم تموت معايا


دلوقتي حاسس اني اخترت ولازم كنت اختار وعشان كدا حبيت بس افيد شباب زييي ويمكن المجتمع يتحرك او لا مش هيغير في قراري شئ وكمان سمعتي واسمي اللي عمره ما شابه شئ ميتلطخش بعبارات من ناس مسؤله في الاصل مش مسؤله


يريت رجال الاعمال يعملوا مشاريع ويقسموا الشباب فيها مش لازم يكسبوا هما كل حاجه


ويريت كل واحد يقدر يوصل فكره او بحث يوصلة من وسائل الاعلام لانكم تقدروا تعملوا كتير


الفيلم اللي مدتة ساعة ونصف او ساعتين ممكن تستغلوا الوقت دا في انكم تتفقوا مع الناس انها تلم من كل واحد جنيه او 5 او اللي يقدر وتعملوا مشروع باسم بالبلد يشغل شباب ومره تانيه تعملوا مشروع يجوز شباب ومن غير ما تشهروا بيهم


يريت الناس تتفق انها تعمل مركز للبحث العلمي والحكومة تشارك علي الاقل بالاشراف والارض وبلاش تعين حد حكومي فيها ويريت بجد الكل يتجمع عشان الشباب ومتقتلوش الاحلام والطموحات وهي جنين لسا واللي شغال عشان مصلحة بلد تانيه وبيخرب في مصر معنديش تعليق اقولة واللي بيحاول يضيع مبادئ ويمحي الدين برده معنديش اي تعليق وفي مصايب تانية بتعمل حاجات تانية معنديش ليهم تعليق لاني مش حاكم ولا شرطي عشان احقق واعمل


بس الخير اما ينتشر هيظهر الشر وهيغلبه حتي لو كان الشر دا دول عظمة معاها اسلحة تقدر تدمر العالم ميت مرة وبلاش تصدقوا المهرجنات زي ما حصل للسوفيتي قبل كدا وعلي العموم الحروب المعروفة هتقوم هتقوم بس كل اللي كنت اقصدة ان كل واحد يعمل بس اللي عليه وميعينش نفسه واصي علي حد غير اما يتطلب منه دا وتكون دي وظيفته


كنت ناوي مرغيييش كتير بس عاوز اقلكم اني مفكرتش في كل اللي كتبته وكتبته ومش عارف ايه ناقص كان مفروض اكتبة وهيبقي حاجه وحده هو دعاء هكتبة لنفسي ويفضل عايش طول الحياه يمكن ينفعني وان شاء الله هينفعني كمان امتناعي عن عروض جتلي الايام دي وقد ايه انا ظهرت علي حقيقتي قدام نفسي وفخور بيها اوي


عاوز اقول اخر كلام ليا


اشهد ان لا اله الا الله وان محمد رسول الله


بحب كل واحد مصري وعربي واجنبي بينادي بالسلام ومش بتمني الشر لاي حد زعلني او فهمني غلط واذا في حد هيعرفني اما يدخل علي الصفحة في يوم من الايام عاوز اقوله يسمحني


ولأهلي انا قلتلهم شعوري نحيتهم قبل كدا وهما عارفينه ومش هتمنظر بيه خليه من ضمن اسراري لاني اكتر من اني بموت فيهم


وتحياتي لكل اعلامي ومحامي وطبيب ومهندس ومحاسب وموظف اي كان وعامل والفلاح فوق راسي والشباب اللي فاكك نفسه من اي حاجه بتخنق والصغيرييين اللي بكره هيكبروا وهيكونوا اجيال اقوي بس انتم ازرعوا ليهم النهارده عشان يحصدوا بكره


سلام

انا مش فاهم حاجة خالص

لسه صاحي من النوم و لسه شايف خبر الحادث
و مش عارف اصدق اللي مكتوب في الفيس بوك دا ولا دي اشتغاله من عيل عبيط

بس هو كلامة غريب و بيقصد منه حاجة و فعلا اتحققت

معقولة الكلام دا


المضوع دا فكرني فيلم بطل من ورق بتاع ممدوح عبدالعليم و احمد بدير و ليلي علوي

عموما الله حزين علي اللي حصل و بدعي ربنا انهم يقدروا يكشفوا تفاصيل الموضوع في اسرع وقت قبل ما تحصل اي تطورات احنا في غنا عنها
و يا ريت يا جماعة يبقي فيه توعية للناس ان المقصور من ورا مل دا هو الشعب المصي كله مسلمين و مسيحين و اللي بيعمل كدا قاصد انه يثير فتنه ما بينا لأنه مش لاقي حل في المصريين

خالص التعازي لأسر الضحايا ربنا يلهمهم الصبر و يكشف الحقيقة و نعرف المجرم اللي عمل كدا
و ربنا يشفي المصابين

المشاركة الأصلية كتبت بواسطة mostafabakry

انا مش فاهم حاجة خالص

لسه صاحي من النوم و لسه شايف خبر الحادث
و مش عارف اصدق اللي مكتوب في الفيس بوك دا ولا دي اشتغاله من عيل عبيط

بس هو كلامة غريب و بيقصد منه حاجة و فعلا اتحققت

معقولة الكلام دا


المضوع دا فكرني فيلم بطل من ورق بتاع ممدوح عبدالعليم و احمد بدير و ليلي علوي

عموما الله حزين علي اللي حصل و بدعي ربنا انهم يقدروا يكشفوا تفاصيل الموضوع في اسرع وقت قبل ما تحصل اي تطورات احنا في غنا عنها
و يا ريت يا جماعة يبقي فيه توعية للناس ان المقصور من ورا مل دا هو الشعب المصي كله مسلمين و مسيحين و اللي بيعمل كدا قاصد انه يثير فتنه ما بينا لأنه مش لاقي حل في المصريين

خالص التعازي لأسر الضحايا ربنا يلهمهم الصبر و يكشف الحقيقة و نعرف المجرم اللي عمل كدا
و ربنا يشفي المصابين

الله اعلم لحد دلوقتى

فيه حاجه بتقوللى انها اشتغاله او اواد ده مش هوالى ورا الموضوع لكن فيه حاجات فى كلامه بتخللى الواحد دماغه تروح للموضوع ده انه وراه

حد يجيبلنا لينك الnotes بتاعت تانى حادث إنتحار