الموضوع: بروشور جين 2 2008 من عز العرب

المشاركة الأصلية كتبت بواسطة tutankhamoun

أزيك يا فهد ..
إن شاء المولى عز و جل العربية تكون من نصيبكم
و بإذن الله سيقتنع السيد الوالد بالسيارة و يشتريها و تتمتع بيها يا جميل
و ربنا يقدم ما فيه الخير
و لو عايز أي تقرير عن أي حاجة فيها علشان تقدمه للسيد الوالد أنا تحت أمرك
و السلام عليكم

مش عارف اشكرك ازاى اخى توت بجد انت راجل محترم جدا جدا و انى احبك فى الله و بجد تقاريرك كلها مفيدة جدا جدا

ازيك يا فهد انا فعلاً بفكر في المانيوال بتاعها وخصوصاً انه جامد وعربية دي ببتظلم مع الاوتوماتيك

الراجل في المعرض قالى على شهر مايو هتنزل العربية مانيوال بس انا اتوقع انها هتنزل اخر مايو او اول يونيو

هو قالى ان الدفعة اللي بعد الجاية هتغلى ولما سالته على الماتور
ال 125 حصان قالى 110 كفاية عليها فأظن انه ممكن ينزلوا

على بعد شهر 7 الماتور الجديد Iafm او 125 حصان

استاذ محمد عيسى غالباً فعلا الراجل في المعرض كان بيفتى في حتى الجنوط دي لانه غالبا شالوا الجنوط و الebd علشان ينزلوا من تمن العربية

اسلام جين تو الماتور ال Iafm هو هو الماتور العادي 110 حصان بس معدل في حاجات بسيطة
علشان العربية تدي عزم اكبر على عدد لفات الاقل ويقلل استهلاك البنزين في الزحمة

انا متوقع ان الدفعة الى بعد الى جاية دية حتبقى الشكل الجديد و المحرك ال IAFM والله اعلم دية مجرد توقعات :) لأن اكيد لما حتغلى حتغلى علشان تحسين مش هية هية

بص انت اهم حاجة تكون مقتنع بالعربية بالشكل الحالى و المحرك الحالى هوة مش سئ ولا حاجة بالعكس ممتاز و الشكل ممتاز برضة و كل التعديلات من الأمام فقط اما من الداخل فا دية ممكن تبقى حاجة مهمة بس بالنسبالى الشكل و الخامات الداخلية كويسة اوى و ركبتها امبارح تانى و بصراحة سبحان الله لقيتها من الخلف كويسة اوى و واسعة و مش متضايق من اى حاجة فى الداخل :) و الأبواب مش شايف انها سيئة ولا حاجة والله يا جماعة فية ناس كتيير ظالمين العربية

و كمان انا لاحظت ان الشكل الجديد مش عارف لية اوطى من القديم و بص كدة على الصور حتحس انها اوطى

+ انها مش حتنزل بالفرش الجلد و الكلام دة لأنها اكيد حتبقى اغلى بكتيير و انا خايف يحصل زى ما حصل مع الانسر مثلا و الكورولا سعرهم كان حلو اوى و بعدين لما نزل الشكل و المحرك الجديد و التعديلات الداخلية بقى سعرها عالى

و شوف فى البروشور برة كاتبين ان ال Iafm مش حينزل ب Abs ولا 2 Airbags و كل الكلام دة يخوف :(

انا رأى تتوكل على الله و تشترى الشكل الحالى لأن الشكل الجديد مش مضمون ان كماليات الشكل الحلى كلها تبقى فية و كمان السعر يبقى تمام ! الا لو عرفت تجيب من مصدر موثوق فية اخبار عن الكماليات و السعر

مثلا البيرسونا يقال انها حتنزل بكماليات اقل من الجين 2 علشان السعر ! و دة انا خايف يحصل مع الجين 2 و برضة المعلومات عن البيرسونا مش مأكدة 100%

بصراحة حاجة تحير بس انا لو عليا و ربنا وفقنى و اقنعت الوالد ان شاء الله خلال الكام شهر دول يكون المانيوال نزل و نجيب الشكل الحالى لأنى بجد مش ضامن اية الى حيحصل فى الجديد !

و شوف جمال الشكل الحالى فى صورة التوقيع كدة :) :D :D :D :)

يا جماعة مين الى قال انة ناقص Ebd بس !

ياريت تتأكدو من التوكيل الأول لأنى متأكد 97 % ان العربية فيها Ebd