ظهور اول عيب في النترا 2009

**dr_abooody** · 02-01-2011 08:54 AM

السلام عليكم

معايا النترا 2009 عاملة 20 الف كيلو

المهم انا اخر صيانة عملتها كانت ال 10 الاف

دلوقتي لقيت العربية في المطبات البابان بيطقطق شوية و التابلوة في صوت طقطقة و صوت خرفشة و انا ماشي في اي ارض فيها بروزات في الاسفلت او ماشي على طريق نضيف و ممكن يبان في الفرملة

هل دة كدا العفشة مفككة مخلية العربية كأنه مخلعة شوية هي الاصوات دة على خفيف بس انا قلقان لأن مكنش فيها اي صوت و عمرها ما خدت خبطة الحمدلله يا ريت تطمنوني لان العربية لسة زيرو

**semsem8080** · 02-01-2011 10:17 AM

مش تقلق ياباشا روح ربط عفشة كويس ومتخليش الكاوتش الهواء بتاعة اكتر من 30 ك

**kar!m** · 02-01-2011 11:17 AM

على فكرة الاصوات دى بيبقى ليها علاقة بالبرد .. عشان البلاستيك بتاع التابلوة بينكمش.

**samihanwar** · 02-01-2011 02:12 PM

صح كده متزودتش الكوتش اوى وهتلاقى العربيه بقت طريه معاك وربط العفشه

**dr_abooody** · 02-01-2011 08:37 PM

هو فعلا انا مخلي الكاوتش على 32 زي ما الكتالوج قايل دة غير ان ممكن العفشة و البرد يكون عامل عمايلة

**tarekabosdera** · 02-01-2011 08:38 PM

فعلا الموضوع ده بيزيد في الشتا مش عارف ليه

انا عندي النترا 2009 وفي صوت جي من الكونسول ( صوت زنة ) بتيجي بشكل مستمر مع ابسط انحنائات الطريق .

وفي صوت طقطقة من الابواب مع المطبات . أعتقد انه بييجي من قواعد الشبابيك من داخل الباب . بس معرفش ايه السبب

لكن التابلوه مفيش أي اصوات منه .
كان في صوت جاي من ناحية الطابلوه وفي الاخر اكتشفت انه مش من الطابللوه طلع جي من البلاستك اللي بره بتاع صرف مية المساحات مكنش راكب كويس وكان بيحك في الهيكل بسبب وجود رواسب واتربة وببعض النظافة مفيش صوت نهائي.

**dr_abooody** · 07-01-2011 11:30 PM

انا اكتشفت ان الصوت دة جي من البلاستيك اللي تحت الكاسيت المفروضص لو دة الكاسيت الفبريكة بيكون واخد مكان التابلوه كلة لكن دة واخدنصة و النصف التاني بلاستيك كدا ممكن يكون مش متوافق مع التابلوه عشان كدا بيطلع اصوات زنة و طقطقة

انا ثبتة بايدي كدا لقيت الاصوات راحت

الحل ان الواحد يغير الكاست و يجيب كاسيت كبير يملى المكان كلة او ان شاء الله gps كدا مع mp3 بشاشة كبيرة