السلام عليكم

معلش يا رجالة عاوز أعرف كام حاجة كدا عشان متشتت :(

أنا المشكلة عندي حاجات ضرورية بس مش عارف ايه أولي يتعمل فياريت ترتبوهم ليا من حيث الأولوية ...

1) في ضربة في الغيار كدا و انا بدي الــr بالذات دونا عن بقية الغيارات معرفش دي قاعدة ولا كبالن...أو لما أهدي أخد مطب فالظاهر كمان في تسقيط الغيارات

2) اتقاللي أن بكر الترجييع عاوز يتغير (عشان بيعمل أو مبيعملش ونة لما تلفه بإيدك...ياتري دي اشتغالة ؟؟)

3) بارات طرف الدريكسيون....

4) و موضوع صليبة الدريكسيون دا ماتحلش علي فكرة :( ..... كان مجرد مسكن للبوش فقط و مش عارف البووش دا عادي ولا لأ...العربية لو كاسرة بره الرفرف شوية = لفة دريكسيون كاملة...

5) سير الكاتينة....تيراراراراااااا ا هههههههه بلوتي الكبيرة اللي مقطوع من الجنب و سيبته راكب عشان مش عامل حسابي :(:(:(:(

و في حاجة قالوا لو متغيرتش العربية بتجيب صبابات و بلاوي كدااااا.....هي سير الكاتينة ولا ايه ؟؟؟

أنا خايف أكون ناسي حاجة تاني و تعمللي بلوة في العربية....

كمان عندي كام سؤال كدا معلش
6) ايه أجزاء العفشة عامة اللي بتتغير مع المشي و المطبات و الكلام ده عشان أرجع أحس ان العربية في مطبات الهواء اللي ع الدائري ترجع لثباتها اللي انا واخد عليه ؟؟؟؟؟

7) زيت الفتيس عندي زايد حبتين كدا يعني بييجي ع الحتة اللمبرومة أو الملفوفة فوق دي في المقاس هل في خطورة من الزيادة دي ؟؟؟ و كمان لو عاوز أنقصه شوية هايبقي أزاي ؟؟؟

8) ايه هايظبطلي الدريكسيون يبقي بالظبط زي الياباني تروح يمين و شمال معاك في السريع و في نفس الوقت تقيل عشان متعومش مني

9) المياه الحمراء في الرادياتير ....العربية متعرفش عنها حاجة ولا سمعت عن مياه غير اللي انا و هي بنشربها هههههه.....في أي مشاكل في الموضوع ده ؟؟؟ علما بأن مش دايما يعني الاقي المياه ناقصة أو بتبقي بسيط....و هل السخونية (عربيتي الحمد لله مش بتسخن) أو الحرق عليها بينقص المياه في الرادياتير ؟؟


ارجوكم يا جدعان أفيدوني أفادكم الله
ضرورررررررررري