فيات جراند بونتو افضل عربيه ب 100000 جنيه !!!!!!!!

**Ahmad Allawy** · 29-03-2008 04:51 PM

كريبتون باشا..
اولا انا هاقول معلومة انا سمعتها من اكتر من واحد بس بصراحة مش متأكد من صحتها..
وهي بخصوص الباليو و السيينا اللي هي اوقات كانوا بيسموها البترا..
ان اخر موديل ليهم كان في مصر الباليو كانت برازيلي اصلا مش تقفيل اسطالي و السيينا كانت تقفيل صيني..
ده لا يقلل من شأن العربية في شيء.. بس ده كان السبب اللي خلاني اقول ان في حاجات ليها برازيلي..
وكمان في حاجة.. اني انا مش فاكر اسم التوكيل اللي كان قبل اوماترا ده كان اسمه ايه.. ولا اعرف عنه حاجة.. يمكن اوماترا اول ما فتحت عملت دعاية جامدة عشان الناس اللي معاها فيات تعرف التوكيل بتاعها مين دلوقتي..و ودي حاجة كويسة.. وكمان انا فاكر ان اخر توكيل فيات قبل اوماترا كان قفل و العربية فضلت من غير توكيل في مصر فترة مش قليلة.. ودي مش حاجة سهلة.
اما فيما يخص قطع الغيار انا لا اقصد نهائي الفوانيس و الشبكة و الكلام ده.. انا اقصد الحاجات المهمة.. دينامو طلمبة مية.. ردياتير.. طلمبة بنزين.. الحاجات دي اللي في التوكيل ممكن مترلاقيهاش بسهولة.. وانا في النقطة دي ماقصدش توكيل فيات بالذات..
لأ خالص.. انا اقصد ان لو قارنتها بتوكيل اللانسر هتلاقي ان كل حاجة ليها تبقي متوفرة بشدة في التوكيل وكل حاجة بمعني كل حاجة.. عشان العربية مبيعاتهعا في مصر مش طبيعية..
نيجي بقي للمستعمل او الاستيراد.. انزل اي حتة فيها الحاجات دي ودور علي كام واحد شغالينف ي الفيات الجديد..؟؟ اكيد هيبقوا قليلين جدا مقارنة بالميتسوبيشي و التويوتا.. ودي نقطة لا جدال فيها..

اما فيما يخص كل الحاجات اللي انت قولت عليها دي الفوانيس والشبكة و الكلام ده..
انا مع احترامي لرأي حضرتك لو لقيت ان سعرها الاصلي مبالغ فيه هادور علي الاستيراد لو لقيته برضه غالي هاجيب مضروب اكيد عشان الحاجات دي بتتكسر و تتخبط و العربية ف الشارع م غير ما اركبهعا و احتمال ده بيبقي كبير.. ودي مش حاجة مهمة او تقلق انها تبقي اصلي..
وفرق الاصلي عن المضروب هيبقي فرق في الشكل.. اللي هو برضه مش اي حد هياخد باله منه و يتلاحظ.. انا كل اللي يهمني الاساسيات و الميكانيكا و العفشة.. دول اللي العربية متمشيش من غيرهم و اللي الواحد يخاف يغيرهم مش اصلي..

هارجع واقولك تاني انا ماقصدش توكيل فيات بالاسم.. انا اقصد العربيات اللي مش منتشرة قوي هنا في مصر او سوقها مش كبير قوي..
ولمعلوماتك.. انا عن نفسي بافضل العربيات الاوروبي عن الاسيوي.. ولو ان ناس كتير بتلومني علي كده بس دي اذواق بقي و نفسيات.. :-) بس في مقارنة التوكيلات و توافر قطع الغيار للأسف الكوري و الياباني المنتشر زي التويوتا و الميتسو يكسبوا بجدارة..

**crazylambada** · 29-03-2008 10:33 PM

على فكرة اللانسر الجديدة لسه منزلش ليها قطع غيار

**hazem_khidr** · 30-03-2008 08:48 AM

اولا انا هاقول معلومة انا سمعتها من اكتر من واحد بس بصراحة مش متأكد من صحتها..
وهي بخصوص الباليو و السيينا اللي هي اوقات كانوا بيسموها البترا..
ان اخر موديل ليهم كان في مصر الباليو كانت برازيلي اصلا مش تقفيل اسطالي و السيينا كانت تقفيل صيني

ايطاليا ما خرجش منها و لا عربيه سيينا او باليو او بترا نهائي يا احمد باشا.
العربيه دي تصميم فيات لانتاج سياره عالميه و قد كان .
انتجت في تركيا و البرازيل و مصر و الصين و دول عديده لكن ايطاليا لا.
بس بينزل ليها قطع غيار ايطالي عادي جدا