الموضوع: مركز نايل موتورز لدهان وتجديد السيارات

السلام عليكم ورحمة الله وبركاته اولا اشكر حضرتك على سرعة الرد لكن انا كنت اقصد ان حضرتك تسالى ميكانيكى وسمكرى معرفة حضرتك عن احوال السيارة البولونيز وعن اعطالها وهل فيها اعطال وقطع غيار صعب التعامل معاها واية اللى مش موجود فى قطع الغبار بتاعتها وهل اى ميكانيكى بيصلحها والسمكرى بحب يشتغل فيها ولا معلش ياستاذ كريم انا عارف انى هتعبك فى الموضوع ده لكن انا قصدتك مخصوص لاننى متاكد انك هتسال لى بما يرضى الله واكيد هتسال ميكانيكى وسمكرى وكهربائى محترمين مثل حضرتك ولك جزيل الشكر

السلام عليكم ورحمة الله وبركاته

الاستاذ كريم اخبار حضرتك ايه لوسمحت انا كنت عايز اسال على ميكانيكى يكون بيشتغل فى الانسر انا معايا كريستالة ومسقط مكنة 1500 توين كام وكنت عايز اظبط شوية حاجات فى الميكانيكا بس انا اسف انى اقولك ان جنبك واحد اسمه رمضان عايز واحد غيره لانه مش امين بالمرة وده عن تجربة شخصية معايا بس المهم انه يكون ميكانيى كويس وشاطر علشان عايز اعمل طقم الدبرياج واظبط الموتور تحياتى مصطفى محمود

المشاركة الأصلية كتبت بواسطة karim_monir

في واحد اسمه وجدي بيشتغل جمعة وسبت بس لو عايز اديلك تليفونة تظبط معاه

يبقى كتر الف خيرك ياباشا واكيد من طرفك يكون ثقة وهوة شغله برضوا فى الحرفيين والا فيين على العموم تكون مشكور جدا لو بعتللى رقم تليفونه والف شكر

الأخ العزيز أنا عندي مشكلة بسيطة فضلت تكبر يوم بعد يوم وعمري في حياتي مصدفتني مشكلة زي دي أنا عندي 5 عربيات معروفة لما تتخبط عربية منهم وهي زيرو بروح أعملها وأتفق مع اللي بيعملها إنها زيرو ومش حتبان ولا يمكن حد يعرفها وطول عمر عربياتي كده بس معرفش في حظ غريب نحسني في عربية مرسيدس موديل 1965 العربية دي إتصرف عليها فلوس كتير وشغل الموتور والميكانيكا كلو صح بس أصابها النحس على يد السمكرية فالعربية دي إتغير عليها 5 سمكرية في خلال سنتين وبرضو محدش عارف يخلصها نيجي نتفق بيقلي أحتاج فيها مثلا شهر أقلو ماشي وطبعا الشهر بتقلب 3 أكون أنا مش فاضي يكون قابض عربون نيجي يشتغل شوية وأديلو في دفعات من المبلغ لغاية ميوصل مرحلة يقلي يا مش قادر عليها يا مفيش صنايعية في البلد وأروح ساحب العربية لسمكري تاني وطبعا الأولاني يكون خد جزء من المبلغ فيعتبر كده أنا دافع فلوس سمكرة العربية مرتين وتبص عالعربية دلوأتي تلاقيها خرابة وإتسرق منها حاجات كتير رحت جايب الحاجات دي وفي الآخر مسكها سمكري نظيف وبيخاف ربنا بصراحة أول أيام عمل فيها شغل جامد بس لكبر سنو ومعندوش صنايعية في البلد برضو إعتذر إنو يكملها فأنا دلوأتي يا أستاذنا بلتمس من حضراتك تحلولي مسألة سمكرة العربية وبعدين تخش عند بسام حواجب أو أي حد تاني ترشحوه من طرفكم لعمل إكصدامات وأعتاب وإضافات وبعدين تخش تترش عندكم لونين مميزين أنا دلوأتي كل المشكلة أنا مش حقدر أجيب العربية لغاية عندكم وبعد كده تبصو عليها يا تستلموها يا لأ عشان العربية هي بتمشي بس مثلا الكراسي كلها متشالة فصعب تروح من الهرم للحرفيين في حاجة مش مضمونة فأنا يا أستاذنا بقترح إن إنتو تبعتوا صنايعي يقيم قيمة السمكرة ونقول آمين عشان نجيبها أو أجيلكم أنا للحرفيين وتنزلوا معايه حد يشوفها أرجو من حضراتكم الجدية والإهتمام وحل المشكلة كما عهدناكم دوما لأنها لو متحلتش عن طريقكم فالعربية كده مش حتقوملها قايمة أنا كل طلبي سمكري يقول أنا حرجع العربية دي زيرو زي مطلعت من الفابريكة وحاخد كذا وحاخد وقت أد كده لا أقل ولا أكتر بس مش عايز سمكري يقللي أطلعهالك حلوة لأ مش عايز حلوة أنا عايزها تطلع من ورشكم وأقول أنا أمتلك أعلى عربية في مصر موديل 65 وأتحدى وأنتظر رد حضرتك .

المشاركة الأصلية كتبت بواسطة sabry7

السلام عليكم ورحمة الله وبركاته اولا اشكر حضرتك على سرعة الرد لكن انا كنت اقصد ان حضرتك تسالى ميكانيكى وسمكرى معرفة حضرتك عن احوال السيارة البولونيز وعن اعطالها وهل فيها اعطال وقطع غيار صعب التعامل معاها واية اللى مش موجود فى قطع الغبار بتاعتها وهل اى ميكانيكى بيصلحها والسمكرى بحب يشتغل فيها ولا معلش ياستاذ كريم انا عارف انى هتعبك فى الموضوع ده لكن انا قصدتك مخصوص لاننى متاكد انك هتسال لى بما يرضى الله واكيد هتسال ميكانيكى وسمكرى وكهربائى محترمين مثل حضرتك ولك جزيل الشكر

http://www.nilemotors.net/Nile/75124-a.html
دي رابطة مالكي البولونيز في المنتدى. ممكن تسألهم هناك.