الموضوع: مركز نايل موتورز لدهان وتجديد السيارات

المشاركة الأصلية كتبت بواسطة abdoalattar

السلام عليكم

انا معايا رينو لوجان بترولى 2012 وكان حصل عندى ان العتبه اللى تحت الباب الخلفى اتقطع كأنها علبه تونه, والباب دخل من النص لجوه . كله بسبب واحد ابن حلال. المهم روحت لورشه "نايل موتورز"عشان يعملوهالى وبصراحه الشباب قاموا بالواجب وفعلا استلمت العربيه وكأنها لسه محصلهاش حاجه البويه مايه واحده مع الفبريكه معرفتش اطلع فرق والسمكره 10/10 . ده مش كلام لانى جربت قبل كده فى تويوتا ولانوس مع ناس تانيه وكانت ايديهم عايزه تدق بمسامير. لكن شباب ورشه نايل موتورز ربنا يباركلهم إن شاء الله.

ربنا يعزك ويبارك فيك وكان ليا شرف اني اقابلك وانت بتستلم
وكان ردك ذوق جدا وانا واقف بتكلم معاك وانت ما تعرفنيش وبحاول اشكك في شغلهم :-)
وانت مصمم ان شغلهم كويس والبوية عاجباك :-)
الحمد لله ان شغلنا عجبك رغم انك ماكنتش تعرفني عشان تجاملنا :-)
نتمني نشوفك تاني في تلميع بس وربنا يستر طريقك من ولاد الحلال

المشاركة الأصلية كتبت بواسطة ahmed.ali

انا حابب بس اعمل شكر لاخويا احمد قدوره لاني كملت حادثه صغيره و ازاز العربيه اتكسر و حاولت اكلم كريم و ازعجه بس للاسف كان في ميتينج بس قدوره قام بالواجب و زياده شافلي الازاز و جابهولي لحد الورشه عنده و اتعمل هناك و وداني عند سمير بتاع الابواب عشان كان عندي مشكله في مكنه ازاز بصراحه انا مشفتش حد بيعمل كدا غير احمد قدوره فشكر جدا ليه و لكريم منير الي تاعبه معايا علي طول

معذرة مرة تانية يا احمد لما بقفل على حد برسالة ميتنج بخرج من الميتنج مش فاكر اي حاجة :-(
خاصة انهم بيروقونا دلوقتي في الشركة
ودي اقل حاجة تتعمل مع شخص محترم زيك
نتمني نشوفك قريب بدون حوادث ان شاء الله