اهلا وسهلا استاذ ضياءالسلام عليكم و رحمة الله و بركاته أستاذ كريم.
أحب نتعرف أولاً أنا إسمى ضياء مختار و بشتغل محامى بس و الله مش من إياهم و بتقي الله جدا جدا جدا و مشترك جديد في جروب ورشة نايل موتورز لأني بإختصار ربنا كرمنى بشراء سيارة إكسيل موديل 1996 مأخراً و الحمد لله و قبل ما أشترى كنت بأبحث على النت عن مزاياها و عيوبها و الحمد لله إتشجعت و إشتريت بس العربية من ساعة ما إشتريتها و هي الحمد لله زى الفل لكن العين يا مأمن فلقت الحجر فما بالك بأخوك في أول أسبوع حادثة و الحمد لله جات سليمة حديد في حديد غيرت فيها مقص و سمكرة العلبة إللى فوق المقص و الحكاية إتلمت و العربية مشيت عال لكن من حوالى أسبوع ظهر لى عيوب فيها مش عارف إيه سببها أولاً سير الدينامو ساعات بيصفر و لما بيحصل ده بلاحظ النور بيعلى بصورة ملحوظة جداً زى ما يكون الدينامو بيدى شحنة زيادة فرحت لميكانيكى يشد على السير لكن العيب مازال موجود ،،،، ثانياً كنت مسافر في شغل فى إسكندرية فقلت أسافر... بالعربية عشان أجربها في الطريق الطوالى و كانت قبل السفرية ذى الفل بأعمل بيها 140ك على الدائرى و عال العال مفيش حاجة لكن في السفرية دى ظهر عيب تانى هو إنها في السرعات العالية بداية من ال 100 و إنت طالع بتنتش و تقطع على خفيف و مع الزيادة في السرعة بيزيد التنتيش و التقطيع لحد ما تحس العربية بتترج و أنا ماشى و سألت عن السبب فالميكانيكى قالى دة مشط الإسبراتير عاوز يتغير و أنا بجد مش مقتنع لذلك لقيت نفسى مضطر أصدع دماغك معايا و إستفسر منك عن العيوب دى و أسبابها و و هل من الممكن الإصلاح طرفكم في الورشة و هل ممكن أعرف التكلفة تقريبياً و المدة إن أمكن ؟؟؟ لأنى لاحظت منك إسم و فعل كريم فأرجوك تفيدنى في أقرب فرصة لأن العيد على الأبواب و مش عاوز عكننة فيه و كل سنة و إنت طيب و بألف خير و جميع أعضاء الجروب يا رب و أخيرا أسف على الإطالة و الرغي معلش مش بقولك محامي هاهاهاهاها.
ربنا يباركلك في عربيتك
معلش شوفت الرد بعد ما دخل العيد
انا معاك في اي حاجة بس ابعدني عن اي طلبات كهرباء في العربية
والتكلفة لازم العربية تتعاين
تحياتي
المفضلات