gps xtreem

**salama_ahmad** · 06-01-2011 12:19 AM

المشاركة الأصلية كتبت بواسطة Totexxxxx

السلام عليكم و رحمة الله و بركاتة

وانا ماشي بالعربية واحد رمالي البرشور بتاع اخر عروض لكرفور ,فوانا بقلب فية لقيتهم عارضين جهاز gps اسمة اكستريم

ومواصفاتة زي ما مكتوب هي :

1 : شاشة 4.3 بوصة lcd

2 : touch screen

3 : games

4 : satellite navigtin

5 : portable movie

6 : music enjoyment

7 : picture viewing

8 : ebook reading

طبعا المواصفات كويسة جدا

اما المفجأة الكبري هي السعر ( الي انا شخصيا اتااتفاجئت لما شفتة ) و هو 399 جنية

دلوقتي انتو اية رأيكو اجيبو و لا استني علما بأن سعرة تحفة وخايف يخلص منهم

ياريت اسمع ارأكم

يا ريت تلحقة لانى لسا شارية دلوقتى لواحد صاحبى ودا نفس امكانيات ال gps بتاعى الى 900 جنية

الفرق الوحيد ان لغة التشغيل والصوت مفيهاش عربى وضمانة 6 شهور

لو عاوز اى سؤال انا ممكن اساعدك

**Totexxxxx** · 06-01-2011 12:26 AM

المشاركة الأصلية كتبت بواسطة salama_ahmad

يا ريت تلحقة لانى لسا شارية دلوقتى لواحد صاحبى ودا نفس امكانيات ال gps بتاعى الى 900 جنية

الفرق الوحيد ان لغة التشغيل والصوت مفيهاش عربى وضمانة 6 شهور

لو عاوز اى سؤال انا ممكن اساعدك

الف الف شكر وياريت تقولي هل واضح انة صيني يعني خامتة كويسة ولا في عيوب في تقفيلة ؟

و ياريت تقولي رأيك في التاتش , و هل معاة خرايط مصر ؟

وهل الخرايط شغالة علطول ولا هتقف بعد سناتين ؟

وهل فية مدخل usb ولا كروت ميمري ؟

انا متأسف جدا علي الاسئلة الكتير بس اعذرني لان المسافة بعيدة اوي بيني وكرفور و مش عايز اروح علي الفاضي

**ASKAFRAWY** · 06-01-2011 09:36 AM

المشاركة الأصلية كتبت بواسطة salama_ahmad

السلام عليكم جميعا
انا على فكرة لسا جاى من كارفور واشتريت ال gps دا وجربتة هوا كويس ولقيتة نفس نظام التشغيل بتاع الخرايط الى فى ال gps gigamax بتاعى وهوا شغال بنظام خرائط igo بس تقريبا العيب الى فية ان اللغات الى فى الgps مفيهاش اللغة العربية سواء فى الصوت او الكتابة واعتقد ان العيب دا مش مشكلة مقارنا بسعرة وامكانياتة حيث ان سعرة 399 جنية وبيعادل gigamax الى سعرة 900 جنية

انا اشتريته وجربته
فيه عيب خطير ان اثناء البحث بيجيبلك باسامى الشوارع فقط
يعنى لو عاوز اروح منطقة معينة مش بيجيبهالى
غير كدة صعوبة البحث باللغة الانجليزية خصوصا باسامى الشوارع
مميزات الجهاز ان فيه اف فم ترانسميتر لتشغيل الصوت على سماعات العربية
ودة هيكون كويس جدا فى عرض الافلام و الاغانى و صوت التوجيه بتاع النافيجاتور

دلواتى فيه عيب مش عارف له هل ولا لا :

تحديث الخرايط لانه مش مغطى كل الاماكن للاسف ودة عيب خطير

**ASKAFRAWY** · 06-01-2011 09:47 AM

المشاركة الأصلية كتبت بواسطة totexxxxx

الف الف شكر وياريت تقولي هل واضح انة صيني يعني خامتة كويسة ولا في عيوب في تقفيلة ؟

لا خاماته كويسة جدا و معاه حامل عربية خامته برضه كويسة-وشاحن بيت و شاحن عربية

و ياريت تقولي رأيك في التاتش , و هل معاة خرايط مصر ؟
التاتش كويس جدا بس هو معهوش قلم لكن بتجربته هو حساسا جدا للكتابة و مفيش مشاكل مع التاتش
وهل الخرايط شغالة علطول ولا هتقف بعد سناتين ؟
للاسف انا نفسي مش ضامن موضوع تحديث الخرايط دى لانه مش مغطى مصر كلها و دة العيب بتاعه وهل هيكون له وكيل معتمد ولا لا
وهل فية مدخل usb ولا كروت ميمري ؟
فيه مدخل يو اس بى ومدخل لكروت ميمورى متحمل عليها الخرايط
انا متأسف جدا علي الاسئلة الكتير بس اعذرني لان المسافة بعيدة اوي بيني وكرفور و مش عايز اروح علي الفاضي

ولا يهمك انا رديت لانى اشتريته امبارح وجربته داخل اسكندرية وحاولت انى اقارن بينه و بين جهاز سوبرناف لقيته مش مغطى كل مصر و صعب جدا فى موضوع البحث عن عنوان
لكن مميزاته كتير جدا
زى مثلا بينبهك لوتعديت السرعة المسموحة
فيه اف ام ترانسميتر
صوته واضح
شكله جامد
لكن كدة هستخدمه كشاشة لعرض الافلام و الام بى ثري لكن ناتقدرش تعتمد عليه كجى بى اس

**ZALABANY** · 06-01-2011 10:28 AM

والله هو الجهاز شكله كويس ولو السوفت وير بتاعه igo يبقى ممكن يتظبط بس هل ممكن تغيير السوفت وير بنسخة igo العربي

**ASKAFRAWY** · 06-01-2011 12:27 PM

المشاركة الأصلية كتبت بواسطة zalabany

والله هو الجهاز شكله كويس ولو السوفت وير بتاعه igo يبقى ممكن يتظبط بس هل ممكن تغيير السوفت وير بنسخة igo العربي

ياريت ينفع لان الجهاز سعره مغري جدا وانا للاسف كان معايا جهاز سوبرناف والشاشة بتاعته اتكسرت و التوكيل قالى انه مش هينفع يتصلح ولازم اغير الجهاز كله
هو الجهاز مشكلته فى الخرايط انها مش كامله و خصوصا المحافظات بعكس سوبر ناف كان مغطى 85% من محافظات مصر و دة كان مريحنى جد فى السفر

**mhamed70** · 06-01-2011 07:29 PM

القلم بالخلف
تم تجربة عرض أكثر من فيلم منه بالفورمات الكثيرة المذكورة بالكتيب الي معاه وكلها بتعمل جيدآ( avi,mpeg4,asf,wmv)
تم تجربة عرض أكثر من صورة علية مع أختلاف الفورمات والدقة والنتيجة ممتازة
تم تجربة أرسال موسيقى وقرأن من fm transmetter وممتاز في حدود 5متر
تم تجربة عمل routes للطرق وتجربة حساسية الgps reciever وتجربة البوصلة ممتاز وكذلك مقياس السرعة

ملحوظة نفذت الكمية اليوم من المعادي وجاري طلب كمية أخرى هتيجي الخميس بعد العشاء أو الجمعة الصبح