الموضوع: المتسبب الحقيقي لمذابح السيارات علي كوبري المنيب

على فكرة المشكلة متشابكة ليس المشاه فقط هم السبب ولكن عدة اسباب
+ لايوجد طريق للمشاه فى اى مكان وان وجد تجدة مشغول بالباعة
+ سلوك المواطن غير منضبط
+ نظام العقاب غير رادع وذلك للسبب الاول
واخيرا ربنا يرحمنا

المشاركة الأصلية كتبت بواسطة abd_el_7amid

طب بصوا بقه بجد واسمعوا اللى حصل معايا
انا كنت راجع من المعادى على الدائرى وبعدين لاقيت العربيية اللى قدامى كانت ماسكة الشمال هدت مرة واحدة.. المهم الحمد لله انى ما اخدتش يمينى عشان افادى العربية اللى شبه وقفت قدامى
والاقى ايه بقى بعد العربية ما ابتدت تاخد سرعتها .... راجل وبنت صغيرة بيعدوا الطريق
بس ارجع واقول الناس دى تعدى ازاى للجهه الاخرى .... ومفيش انفاق او كبارى علوية؟؟؟؟؟

يقف نص ساعة او حتى ساعة لغاية لما لطريق يتصادف ان مفيش اى عربية معدية و يعدى هو

امال يعنى يلبس 30 واحد فى بعض و احتمال ان تحصل خسائر فى الارواح يكون كبير جدا او ممكن يحصل اى شرز مع تنقيط بنزين عرية تنكها اتخرم و تبقى كارثة

استاذ سمير كان بيقول ان بسبب اللى كان بيعدى ده كان فى عدد كبير من العربيات هتلبس فى بعض دا غير العربية اللى وقفت بعرض الطريق

يوميا بيحصل الموقف دا قدامي و بالذات بالليل بيتفننو يعدو من المناطق الضلمه !!
علي فكره هو مفيش كباري مشاه بس فيه انفاق تحت الدائري يعدو منها
بس الفكره ((هو انا لسه همشي !! ))

و الاكثر استهتار الي تلاقيه جايب عيلته كلها يعدو من ع الدائري
انا ابتديت احس انها هوايه :d

الناس دول فدائيين يا جماعة احنا اللى مش فاهمينهم
ناس عايزة تموت نحرمهم ليه من اللى نفسهم فيه ؟؟؟؟!!!!!!

بهزر طبعا .. و ربنا يبعد عننا كل شر يا رب و يستر طريقنا و يستر على الناس دى بجد

انا رايح جي كل يوم من الطريق ده وبشوف بلاوي وربنا يستر علينا مع العلم إنهم عملوا دلوقتى كوبري مشاه + نفق مشاه
وبردووووووووووووووووووووو و بيعدو على الطريق عشان بيكسلوا ينزلوا ويطلعوا السلم