الموضوع: المتسبب الحقيقي لمذابح السيارات علي كوبري المنيب

المشاركة الأصلية كتبت بواسطة most_wanted

لو علي طريق سريع او قريب من كوبري مشاه او نزله او طلعه كوبري ملهوش ديه طبعا ولو خبطته ممكن تدفعه اي تلفيات حصلت في عربيتك

الموضوع اكثر تعقيدا من كدة بشوية...

قانون المرور بينظم علاقة الناس بالطريق... يعنى مشاه و ركاب سيارات... و فيه بند مش فاكر نصة بيقول ان قائد السيارة لازم يعمل كل ما فى وسعة عشان يحافظ على سلامة المشاه

فى المقابل القانون حضض اماكن عبور مشاه زى الانفاق و الكبارى و فيه حالة عدم وجودهم بيبقى فيه اماكن عبور مشاه على الطريق (الاسفلت يعنى) و بيبقى فيه اشارة عشان العربيات تقف و المشاه تعدى

لحد هنا الكلام عظيم و نظام مفيش بعد كدة....

الفكرة بقى ان المشاه بتعدى من اى حتة و السلام و فى اى وقت و باى طريقة... و المتوقع ان قائد العربية هو اللى يحافظ على ارواحهم... اللى مش واخدين بالهم ان جزئئية الحفاظ دى عبارة عن 3 نقط فقط لاغير و هما:

1- السير حسب السرعة القانونية و بشكل لا يعرض الاخرين للخطر
2- فى لحظة الحادث ان تستعمل اله التنبية و الفرامل
3- الا يكون فى مقدرك اتخاذ اى اجراء اخر كان يمكن ان يؤدى لتفادى الحادث

يعنى فى حالة المهندس سمير لو لا قدر الله لا قدر الله كان خبط البهيمة اللى بيعدى كان فى المحضر حيتسال عن:

سرعتة اللى كان ماشى بيها و فى حالتة اكيد كانت اقل من 90 لانى بعدى من الحتة دى كل يوم و بشوف هى مخنوقة ازاى و لو جبت 60 تبقى جدع

استعمال الفرامل و اله التنبية... و هو استعمل الفرامل بالفعل... و حتى لو مستعملش اله التنبية فا الفرامل هى العنصر الاهم فى اللحظة دى

و هو مكنش فى مقدورة اتخاذ اى اجراء اخر لان الطريق مزدحم و مكنش فيه اى حتة يقدر يحود فيها عشان يتفادى الحادث

يعنى من الاخر الحل الامثل للتخلص من الموقف دة هو اتباع القوانين و بالذات السرعة و محاولة تفادى الحادث قدر المستطاع (يعنى مترميش نفسك فى التهلكة و تخش تحت تريللا ولا تنط من فوق كوبرى عشان واحد حيوان) و لو لا قدر الله حصل الحادث اقف و متجريش.... كدة 99.99% الموقف لصالحك و بالقانون و اللى خبطتة ملوش عندك اى حاجة... بال بالعكس... لو اخدت براءة تقدر تطالبة (او الورثة) بقيمة التلفيات اللى حصلت فى عربيتك

MMamdouh