الموضوع: جهاز أمنى سيادي يواصل التحقيقات مع المسيحي مالك السيارة الملغومة

المشاركة الأصلية كتبت بواسطة CryptonX

الي " اعتذر " و الي " سكت " و الي " متدخلش "

كلهم متقفين على حاجة واحدة او اغلبهم على حاجة واحدة .. اان الاخ الي عمل كدة كان يعتبر نفسه يهودي - مسلم - مسيحي
ليس له دين ... ولا هو متدين ولا هو بني ادم اصلا .

و " اعتذار " المسلمين للمسيحين مش معناه ان احنا ادانا نفسنا في الحادثة ولا اي حاجة ... انما ده طريقة " محترمة و عاقلة " لتهدئة الاطراف ..

و شعارات الهلال و الصليب الي انشترت على الFacebook و خلافه .. لا تدين الاسلام و لا المسملين في شيء ..

انت في بلد مسلم او احنا في بلد مفروض انه مسلم ... لما يحصل حادثة لطائفة عندك غير مسلمة .. بتحاول تفهمهم و توصلهم ان الدنيا لسة بخير و اننا لا " نفرح " و لا " نؤيد " حوادث زي دي و مش بس بقول كدة علشان اضحك عليهم اوا من جوايا فرحان ... ده يبقى مرض .. و للاسف في ناس مريضة كتير ...

انما هي مبادرة و محاولة ... لتهدئة النفوس ... لو الراجل طلع مسيحي فعلا الي خطط للموضوع ده ... اعتذاري للمسيحي المصري لم يضع هبائا برده ... فنا كدة فهمت ناس كتير اوي جوة مصر و براها .. ان المصريين لسة بخير ...

واكيد اي شخص كمسيحي هنا في المنتدى لما لقى موضواع تعازي و اعتذارات مهما كانت حدته او غضبه شعر براحة نفسية ولو قليلة بعد الحادث .. و هو ده الهدف ... انك تقلل من اعمال الفتنة .. حتى لو انت مش متسبب فيها ... لان دي بلدك .

و الي زعلان ان مفيش حد قدم تعازي لمسلم اصيب او قتل في الحادثة ...معاه حق فعلا لازم تقدم التعازي لجميع الجهات ... رغم اان شايف تضارب في الاقوال في اعداد القتلى .. و عامة التعازي راحت للمسيحين على طول باعتبار ان التفجير حصل امام كنيسة او الكنيسة كانت مستهدفة اكثر في الا نفجار .

و سمعت و الله اعلم من كذا حد ان في تهديدات جديدة من القاعدة في مصر و خلافه .. و ده الي خلى الناس تربط الاحداث ببعضها ... او انها تشك ان واحد متطرف يدعي الاسلام هو الي عمل الانفجار .

و مش حفرح برده ان طلع المفجر يدعي المسيحية او يديعي الاسلام .... ده شخص لا يستحق ان يعيش اصلا .

تسلم ايدك