مشاكل سواقين الميكروباص لا تنتهى

**meemo the beast** · 07-01-2011 09:57 AM

المشاركة الأصلية كتبت بواسطة roky

باشا معلهش ماتزعلش مني لكن الكلام اللي هاقوله ده عشان سلامتك ..

مفيش حاجة في الطريق اسمها مكاني أو مكانك ... قبل ماتحرك الدركسيون يمين أو شمال تبص في المراية ( و يستحسن تبص من فوق كتفك بسرعة كمان) عشان تتأكد ان الحته اللي انت داخل فيها فاضية ... ماينفعش تقول مكانك ... لانك بعد كده انت المتضرر ..

ثانياً .. ماتتوقعش من السواق اللي وراك أنه يفهم انت حودت شمال ليه .. و هل عندك نية ترجع تاني ولا لآ. أو انك بتحود عشان تفادي مطب او حفرة او الخ ... لانه هو ببساطه مش شايف انت فيه ايه قدامك .. و خصوصا انه سواق مكروباص و سايق ليل نهار ف هايكون مستعجل يدخل في أي حته تفضي قدامه.

الخلاصة خليك انت الحريص .. لانه في أي حادثة بغض النظر مين الغلطان لا هتاخد حق و لا باطل

و ربنا يستر طريقنا جميعاً

الله ينور عليك ...كلام سليم و عاقل و على جانب اخر 99.9% من سائقي المكروياص عايزين الحرق

**mahmoud_afifi** · 09-01-2011 04:23 PM

المشاركة الأصلية كتبت بواسطة meemo the beast

الله ينور عليك ...كلام سليم و عاقل و على جانب اخر 99.9% من سائقي المكروياص عايزين الحرق

معاك حق هو كلامه صح بس مش في الحاله بتاعتي, وانا كنت اقصد بمكاني يعني حارتي وفي حاجه اسمها حارتي ومش من حق اي حد يدخل حارتي ويزنق عليا الا لما انا اسيبها

وبما انك مقتنع ان 99.9% من سواقين الميكروباص عاوزين الحرق يبقى الموقف الي حصلي كنت انا صح مع ان معظم الاخوان مافهموش الموقف صح.