الموضوع: رابطة مالكي البيجو 305

جااااااااااااااامد قوى الموضوع ده

المشاركة الأصلية كتبت بواسطة aboomar22

ازيك يا استاذ عمرو فينك ياراجل دا انت من الجيل القديم اللى كان معانا هنا يارب تكون بخير

حبيبى فى الله انا الحمد لله بخير وفى نعمة بفضل الله الله يخليك يا باشا معلش ظروف السفر والعمل خارج الوطن هيا اللى شاغلة الواحد شوية عن منتدانا العزيز بس بادخل كل فترة اشوف الجديد ربنا يبارك فيك وتفضل مفتكرنا على طول

اسعار قطع غيار بيجو 305
305 عاده من 1977-1982 والطياره المعدل الحوض الواسع من 1983 -1989
علبه دركسيون عاده صيني 280
علبه دركسيون عاده اسباني 375
علبه دركسيون عاده اوتو موتور 475
علبه دركسيون طياره ......
مقص صيني 110 الواحد
مقص فرنساوي 175 الواحد
تيش علبه دركسيون داخلي 55 جنيه الواحد
باره دركسيون خارجيه 60 جنيه الواحده
حشو علبه دركسيون 25جنيه
جلبه نحاس للعبله 15 جنيه
مساعدين امامي اوخلفي
ريكورد 450 الجوز
اوتوموتور 500 الجوز
ساس الماني 550 الجوز
صيني 380 الجوز * محدش يجيبهم
طقم جلب مقصات اصلي 110
طقم جلب صيني 65
كاوتش ميزان 20 مصري \60 اصلي ونادر
صداده مساعد 20 الواحده
كاوتش تراب مساعد 7 جنيه الواحده
كبالن 800 جنيه صيني فرز اول
ماستر عمومي 260 بندكس \ايطالي (صيني) 165
ماستر عجل خلفي 65
ماستر عجل امامي ....
سلك دبرياج 75 اصلي \40 تونسي
طقم دبرياج اصلي 1500 جنيه
طقم دبرياج ارجنتيني 1200 جنيه
طقم دبرياج صيني 800 جنيه
بليه دبرياج 85 سوق اوروبي
سلك فرامل يد 85 الجوز اصلي \50 تايوان
تيل فرامل امامي مربع 40 جنيه
تيل فرامل امامي موزه 55 جنيه
تيل فرامل امامي طياره 65 جنيه
تيل خلفي ملو 70 جنيه
بليه عجل امامي صيني 65\ياباني 110 \ اصلي 175
بليتين عجل خلفي 40 جنيه لكل عجله
ساعه زيت 35 جنيه
صباع حراره 25 جنيه
قاعده موتور اوتوموتور 30 جنيه \الاصلي 75 جنيه
تيش فتيس قصير 35 جنيه
تيش فتيس طويل 125 جنيه
جوان غطا تاكيهات 15 جنيه
طقم جوانات عمره 140 جنيه \الاصلي 245 جنيه
طقم شنبر الماني 165\اصلي 230 جنيه
سبيكه اصلي 180
علبه عمره (بستم بالشميز بالشنبر) تركي 800 \اصلي 1550
طرمبه زيت 225
طرمبه بنزين 75 جنيه والاصلي سوفركس 160 جنيه
كربراتير صيني 425
كرابراتيرسولكس اصلي سوق اوروبي 820 جنيه
اسبراتير صيني 165
اسبراتير اصلي 370 جنيه
ابلاتين وكوندنسر قطعتين 20 جنيه
ابلاتين وكوندنسر قطعه واحده 35 جنيه


مساعد شنطه 45تركي-65 اوروبي
طقم كالون باب صيني 35 صيني \45 تايوان \190 اصلي
كونتاكت عاده 65 تايواني \160 اصلي
كونتاكت طياره زور قصير 40 تايواني\اصلي 160
دراع نور عاده 175 اصلي
كلاكس عاده 35 تايواني
دراع نور طياره 200 جنيه
دراع مساحات طياره .......
فبره عداد طياره مصري 180 جنيه
بكره سير مروحه 35 جنيه
سير مروحه 25 جنيه
سير دنمو 10-15 جنيه
فانوس اشاره امامي عاده 27 جنيه
وش فانوس اشاره امامي عاده 7.5 جنيه
فانوس اشاره خلفي عاده 175 جنيه
وش فانوس اشاره خلفي عاده 20 جنيه
فانوس اشاره امامي طياره 35 جنيه
وش فانوش اشاره امامي طياره .....
فانوس طياره خلفي 120 جنيه
وش فانوس طياره خلفي ......
كشاف كبير عاده 160\190\225
وش زجاج كشاف عاده 17 جنيه
كشاف كبير طياره 190 جنيه
وش زجاج كشاف طياره 25 جنيه
شبكه اماميه عاده 85 جنيه
شبكه اماميه طياره 85 جنيه
اكصدام عاده امامي \خلفي 150 جنيه (الواحد)
اكصدام طياره ......
مرايه باب 110 جنيه تايوان
دراعين مساحه بالريش 45جنيه
ضوافر اكصدام مصري 70 جنيه (الاربعه)
طاسه عجل فبر 20 جنيه الواحده
اوكره باب خارجيه 35 جنيه تايواني
اوكره داخليه 35 جنيه تايواني
اوكره زجاج 6-7 جنيه
صباع مسوجر 2 جنيه
طقم فبر اوكره داخليه ....
علبه شكمان 150 اصلي
زجاج امامي سيكوريت مصنع الحاجه120
زجاج امامي سيكوريت د.جريش 145
زجاج امامي تربلكس د. جريش 230
زجاج خلفي عادي 135
زجاج خلفي سلك حراري 165
2 - الاستيراد
مرايه باب 125
اكصدام خلفي \امامي 125
4 ابواب كاملين 1000
كبوت 500
رفرف 250
شنب عاده 200
شنب طياره 150
شبكه عاده 125
شبكه طياره 100
كشاف كبير عاده 300 الجوز
قاعده فانوس عاده 300 الجوز
اشاره خلفي طياره \ عاده 350 الجوز بالخرايط
ركب عفشه كامله 700 جنيه
جوز مقصات 200 جنيه
كبالن 600 جنيه
دنجل خلفي 400 جنيه
وش سلندر 1000 جنيه
وش تقسيمه 175جنيه
فتيس 400 جنيه
موتور كامل 4000-5000 جنيه
شجره موتور (كرنك +سبيكه_بستم+شميز) كامله 800-1000
كربراتير 500-600
دينمو 250
مارش 250-300
موتور مساحات 150
طقم جنط حديد 800 جنيه
نص امامي 1500 فاضي
نص خلفي 1200 كامل
سقف 700 جنيه
باب شنطه 250 جنيه
ريداتير كبير (طياره) 250 جنيه
عصايه فتيس كامله 150 جنيه
طقم بدالات 150 جنيه
طابلوه عاده 1000 جنيه
طابلوه طياره 1500 جنيه
فبره قطمه عاده 75 جنيه
فبره قطمه طياره 50 جنيه
قمطه عاده بالمفاتيح والكونتاكت 250 جنيه
قطمه طياره بالمفاتيح 300 جنيه
فبره طابلوه طياره 350 جنيه
عداد (كامل) 250 جنيه
بيبه سرعه - قله سرعه بالترس 120 جنيه
كلاكس اصلي 100 جنيه (كلاكسور- فيام ) تحفه
شماسات 150
فبرتين قايم خلفي 120
مجرتين كراسي 250 جنيه
طقم حزام امان 200 جنيه
علبه شكمان 100
حامل استبن 125
مع تحياتي للجميع وارجو زيارتنا علي الفيس بوك جروب بيجو 305 دوت كوم ....كل شي يخص البيجو 305
https://www.facebook.com/groups/446325938812036/

المشاركة الأصلية كتبت بواسطة george yousef

مجهود خرافى وعظيم

شكرا استاذنا الفاضل

*****العربيه مش راضيه تدور والموتور بيلف بسرعه كويسه ****.
ايه العيب ؟
* نبص علي فلتر البنزين نشوفه مليان ولا فاضي العيب يا اما بنزين يا اما كهربا
عيوب البنزين لو فلتر البنزين فاضي ؟ *
أ يبقي العربيه شطبت بنزين
ب- خرطوم السحب مسدود
ج - طرمبه البنزين ما بتضغطش

لو فلترالبنزين مليان؟ *
أ- تلف ابره عوامه الكربراتير او تكون معلقه (مش هتدور)
ب- كاوتش الرداخ بتاع الكربراتير مقطوع(الموتور يدور مع تقطيع وتبطيل مستمر)
- كاوتش مانيفولد (مانفول ) مهتريء (العربيه بتشتغل وفي صوت هوا جامد ومش مظبوطه سلانسيه ولا في السرعات)

2- بك السلانسيه مسدود (تبطل في السلانسيه وفي السرعه ممتازة)

******اعراض الكربراتير لو محتاج صيانه******
(دخان اسود كثيف + ترتيله في خرج العادم الشكمان)


لو كل دا سليم يبقي نيجي للعيب التاني وهوا الكهربا:

* عيب كهربا
1- بوجيهات مرطبه
2- موبينه قاطعه
3 - كونتاكت فاصل كهربا

1- يتم الكشف علي البوجيهات وتغيريها خصوصا لو لقينا لونها مغير ومائل للاصفرار او شمعه الاحتراق مكسوره او متأكله

2- الموبينه بتقطع (لو حطيت ايدك عليها تلاقيها سخنه نار وفي اول مرحله من التلف بتعمل بصوره جيده والعربيه بارده ولما تسخن تظهر مشاكل التقطيع لغايه ما تفصل )
2- ابلاتين مقفول او تالف (هنشرح في بوست مستقل ازاي تغير ابلاتين عربيتك بنفسك)

3 المنظم (الكوندنسرتالف) ودا بيعمل علي تنظيم الكهربا اللي داخله للاسبراتير ومقاوم للجهد اللي داخل علي الابلاتين وطريقه تركيبه تاتي مع صيانه الاسبراتير
4- كونتاكت قاطع كهربا ... هنجيب سلك كهربا بطول مترونص ونوصله في طرف البطاريه الموجب ونوصل الطرف الاخر للموبينه وخلي بالك ان الموبينه ليها طرف بياخد كهربا ودا اللي جاي من الكونتاك وطرف اخر اللي واصل فيه سلك الاسبراتير والعيب بيبقي في فبره الكونتاكت او في سلك الكهربا المؤدي للموبينه وتقدر تمشي بالسلك اللي عملناه لغايه اقرب كهربائي

****الموتور مش عاوز يلف اصلا والكونتاكت فيه كهربا كويسه****
عيب مارش لو سلك اللقط واقع او كتاوت معلق ... هندي العربيه غيار وندورها زق ونروح بيها لكهربائي
********الموتور بليف لفه بطيئه مش مقومه العربيه**********
شحن البطاريه ضعيف نروح لكهربائي يقيس شحن الدينم ولو ضعيف نعمله الصيانه بتاعته او نغيره ولو سليم نكشف علي البطاريه ممكن تكون محتاجه تغيير
ارجو اني اكون افدت حضراتكم بالمعلومات البسيطه دي واللي ممكن تساعدكم في معرفه بعض المشاكل والاعطال اللي بتقابلكم احيانا

تقسيمه الكهربا للبيجو 305

حبيت تنغير سلك البوجيهات او تغير البوجيهات والسلوك اتلخبطت او بتركب اسبراتير جديد

1-3-4-2 >>> الاتجاه شمال
يعني ايه تقسيمه وايه المقصود ب 1-3-4-2
موتور ال 305-4 سلندر
واي عربيه 4 سلندر بيكون بستم 1و4 حركتهم مع بعض
وبستم 2-3 حركتهم مع بعض
طيب ازاي نظبط تقسيمه الكهربا اللي خارجه من الاسبراتير واللي بتنتقل عن طريق سلوك الاسبراتير ومنه تخرج للبوجيه
هنرفع العجله الشمال قدام ونفك بوجيه رقم 1
وبعدين ندي العربيه الغيار الرابع
ونجيب مفك صليبه طويل
وندخل المفك مكان البوجيه ونحرك العجل بادينا لغايه ما المفك يطلع فوق لاقصي نقطه ممكنه ونشيل المفك
هنفك غطا الاسبراتير ودا بيتفك بكلبسين صاج وانت واقف وبدون اي عده ونشوف اتجاه الشاكوش يقابل انهي سلك في الغطا بتاع الاسبراتير وهوا دا هيبقي رقم واحد بالنسبالنا
هنبدأ نقسم بقي
هنجيب سلك البوجيه نمره واحد ونركبه في الغطا بحيث لما تحط الغطا يبقي السلك فوق راس الشاكوش مباشره
طيب هنا بقي يجي دور 1-3-4-2
ودي التقسيمه
بوجيه رقم واحد ركبنا السلك بتاعه خلاص هنجيب سلك رقم 3 ودا هيركب بعد واحد (والاتجاه من الشمال للمين)
ونجيب سلك 4نركبه بعد 3 واخيرا نركب رقم 2
****طيب العربيه ما دراتش *****
لو التقسيمه غلط هتلاقي العربيه عملت فرقعه من الكربراتير والشكمان
طيب هنعمل ايه
هنشيل سلك البوجيه رقم 1 ونبدله مكان سلك رقم 4 والعكس بالعكس مع 2 و3
يعني هنبدلهم (سامبوكسه)
ويراعي طبعا انك هتهوي صاموله الاسبراتير (مفتاح 8)
وتخليه محمل بحيث انو يتحرك بتقل علشان تقدر تقدم كهربا او تأخر
***تقديم الكهرباعكس اتجاه دوران الشاكوش ****
يعني تحرك الاسبراتير في الشمال كدا انت بتأخر
تحرك الاسبراتير في اتجاه اليمين كدا بتقدم