معلش طلب صغير كمان
هوا سؤال الصراحة هل توكيل byd زي ما هوا و زي ما بنسمع انهم مش فاهميين اوي في العربية و لا اتحسن ولا هوا ما كانش وحش
والف شكر
عرض للطباعة
معلش طلب صغير كمان
هوا سؤال الصراحة هل توكيل byd زي ما هوا و زي ما بنسمع انهم مش فاهميين اوي في العربية و لا اتحسن ولا هوا ما كانش وحش
والف شكر
اخى الكريم حياك الله
توكيل ال byd منذ ان عرفته وذلك يرجع الى سبتمبر الماضى وقت شراء السيارة هو توكيل محترم جدا جدا وطبقا لما كان يقال فى الماضى فانه الان قد حدثت طفرة وتطورت الامول للافضل جدا
وهناك حرص كامل من اصحاب الشركة على سمعة التوكيل ورضاء العملاء رضاء كامل وهذه حقيقة لا ينكرها الا مكابر
وهناك فرع جديد فى القطامية وفرع اخر يفتح قريبا فى غمرة
والاستاذ عماد يجاوبك على سؤالك افضل منى
تقبل تحياتى
[frame="1 80"]الاخ الكريم lonedoctor
بصراحة و بأمانة و بأخوة انت واضح من بروافايلك ان معاك BYD موديل 2011 انا بصراحة العربية عاجبانى جدا جدا جدا ونفسى اعرف رايك فيها. اكيد طبعا انت جربتها بس انا عايز اعرف انت مشيت بيها كام كيلو لحد دلوقت وايه الحاجات اللى مش عاجباك فيها لحد دلوقت وايه اللى ممكن تنصحنى بيه لو انا قررت اشتريها؟؟؟؟
أشكرك واسف على الاطالة
[/frame]
اخى الكريم حياك الله
اعتقد انه الاخوة الافاضل فى المنتدى اجابوا على اسألتك دى كلها من قبل الا اذا كنت عايز تعرف رايى انا بالذات فهذا موضوع اخر
السيارة هى عبارة عن قيمة سعرية يعنى امكانيات فى مقابل ماتدفع وهذه السيارة بلا شك هى افضل قيمة سعرية فى السوق المصرى
مميزات السيارة
مساحة وحجم وشنطة من افضل ما يكون
ارتفاع عن الارض وحماية من المطبات لو معاك افراد كتير مثالى تماما
سحب ونعومة رائعة بجد موش هزار تحسسك انه الطريق ده بتاعك تسرع وتبطأ وتسبق زى مانت عاوز
ثبات ممتاز وانا وصلت بيها لسرعة 150 ك/س وقيادة مريحة جدا
فرامل امنة تماما والانظمة abs and ebd تعمل بكفاءة اليابانى والالمانى
كل الامكونات الكهربائية تعمل بكفاءة (زجاج- انذار- انوار)
مكيف رائع من حيث التوزيع والوظيفة ومطابق تماما للكورولا اللى عندى
جنوط سبور وشكل شيك جدا وياسلام لو تجيب اللون النحاسى انا ندمت انى لم اشتريه بيرسم السيارة بطريقة روعة
استهلاك بنزين خرافى متفوق على الكورولا والصنى وادخل منتدى النيسان وشوف اصحابها والله صعبوا على لان السيارة بتعمل 170 ك فى الصفيحة جوة البلد و220 على الطريق وفرحانين بيها
فوق كل ده السيارة وجودها الان فى السوق امر واقع وده الاهم وهذا يعنى توكيل مستمر وقطع غيار منتشرة برة وجوة التوكيل وكمان ممكن نركب حاجات الكورولا والمتسوبيشى مع العلم ان قطع غيارها الاصلية ممتازة جدا كسعر وتحمل
باقى حاجة مهمة وهى انه كل اصحابها ناس محترمين ومثقفين ومستوى ذكائهم فوق الطبيعى ماشاء الله ومتعاونين لاقصى مدى ولك فى منتدانا عبرة
عيوب السيارة
البلاستيكات والتابلوه والدواخل مستواها جيد وليست فاخرة (بس احسن من الاسبيرانزا خلى بالك)
ارتفاع صوت المحرك بعد سرعة 120 ك/س وده شئ محل نقاش بالمنتدى وان شاء الله توصلنا لحلول تحتاج التجربة لاثبات مدى جدواها
بعض الكماليات مازالت ناقصة ودى ممكن تركبها انت على حسابك
كده حلو اوى كفاية
السيارة عاملة 3500 ك منهم 2500 فى 20 يوم لما نزلت اجازة
اول ما تشتريها ركب لها فرش محترم للكراسى والكنبة وفرش للارضية كمان والشنطة بس كدة
باقى ان سعادتك تجربها بنفسك شخصيا وده امر سهل يعنى ممكن تخسر 150 جنيه وتاجرها يوم تلف بيها وتشاور نفسك عشان تاخد القرار السليم
الاخوة الاعزاء اذا اردت الشراء فتوكل على الله واشتري byd ليس عن تحيز ولكن للاسباب التالية
1-سعر معقول
2- استهلاك بنزين ممتاز
3-قطع غيار متوفرة داخل وخارج التوكيل
4-اسعار قطع الغيار رخيصة
5-كماليات وتكنولوجية المحرك حديثة
6- صالون شيك وواسع وكذلك الشنطة
7- خامات جيدة
8- تحصل على قيمة اعلى من النقود التي دفعت
9- والاهم ان تصلي صلاة استخارة ويوفقك الله لما فية الخير
وعلى فكرة انا كنت متابع السيارة من4 سنوات قبل الشراء مع احد المعارف ولما سئلتة اشتري السيارة ام لا اجاب بدون تردد ممتازة
[frame="4 80"]الاخوة الكرام حياكم الله
والله بجد انا مش عارف اشكركم ازاى على مساعدتكم ليا لانكم بجد خلتونى احس انى عارف كل حاجة عن العربيات اللى كنت باقارنها ببعض عشان اعرف اشترى ايهم...
عموما انا اوعدكم ان شاء الله ان كان ليا عمر انى اقولكم انا اشتريت ايه لما اشترى ان شاء الله
ادعولى ربنا يوفقنى
[/frame]
السلام عليكم
ما انا كا قولتش ان التزكيل مش محترم بس كان في بعض الاعضاء في الاول و انا بقرا المواضيع بتاعت byd لقيتهم بيقولو ان الناس اللي في التوكيل مش فاهميين اوي او مش مهره في التعامل مع العربية فهل دا اتغير دلوقتي مع العلم ان الكل كاتب ان فرع اسكندرية بيفهمو جدا عن فرع القاهرة ... هيا دي النقطة اللي بسال فيها حضرتك
و الف شكر علي مساعده حضرتك و اعتقد ان خلاص الانظار جت علي البي واي دي اكتر من الاسبيرانزا و ربنا يقدم ال فيه الخير و الف شكر