الف شكر علي الفديوهات و جزاك الله كل خير
و اعتقد ان العربيتين زي بعض الا لو انا غلطان
عرض للطباعة
طلب صغير كمان معلش هوا الزجاج الكهربائي في الBYD او الاسبيرانزا One Touch يعني ادوس دوسه واحدة علي الزرار يفتح لوحدو ولا لازم اخليني دايس و المفتاح انا سمعت ان في مفتاح عادي و مفتاح ايمولايزر يعني اية بقي لاني ما فهمتش غير ان العربية ما تدورش غير بيه (ما اكيد العربية مش هاتدور الا بمفتاحها) و هل الGLI فيها انذار و ريموت ولا ريموت بس و هل كمان فيها وحدة رفع ولا لا
انا عارف انها كماليات بس انا بكون صورة كاملة عن العربيتين مع ان خلاص القلب مال للBYD
والف شكر علي المساعدة و جزاكم الله كل خير
ممكن اجوبك على الى يخص الاسبيرانزا لائنها معاية بنسبة للزجاج لمسة وحدة لمدة اااااقل من الثانية تفتح الزجاج كلة منغير ما تفضل دايس على الزرار اما اكتر من ثانية يشتغل النظام العادى الى و جزء جزء ..تمام
اما بنسبة للمفتاح وان العربية ما تشتغلش غير بالمفتاح الاصلى.... يعنى حضرتك لو رحت لبتاع المفاتيح وخلتة عملك نسخة على المفتاح الاصلى ورحت تدور العربية بالمفتاح الى مش اصلى مش هدور المفتاح هيفتح الباب و الكونتاك بس لكن لانذار هيشتغل والعربية مش هدور لية؟؟؟.
لان المفتاح الاصلى (الايمولايز) بيبقى في من جوة شرحية صغيرة جداا زى كرت الميمورى بيبقى عليها كود او شفرة ...اول لما بتحط المفتاح فى الكونتكات كمبيوتر العربية بيقراء الشفرة الى على المفتاح وبيطبقها بالشفرة الى متخزنة عندة ....لو مطابقة العربية تدور ...ولو مش مطابقة او مش موجودة العربية مادورش والانذار يشتغل وطبعا كل دة لحماية العربية من السرقة ودة الى موجود فى الاسبيرانزا
الف شكر يا استاذ shoayman
فكرة كويسة بتاعت المفتاح الايمولايزر علشان السرقة فعلا
ربنا يحميهالك ان شاء الله و يرزقك احسن منها
دلوقتي اعتقد ان الاتنين زي بعض ماعدا الاسبيرانزا ارخص الف جنية و ان شاء الله بعد صلاة الاستخارة الواحد يقرر لان الناحية النفسية للعربيتين واحدة الاتنين شكلهم حلو و سعرهم حلو و امكانياتهم حلوة و الناس بتشكر في الاتنين علي الاقل احسن من الجيلي و الحاجات العجيبة اللي الواحد شافها
بس ما حدش قالي البي واي دي فيها ايمولايزر ولا لا بما انو طلع مهم كدا
السيارة byd بها نظام كامل للتأمين ضد السرقة .. ويؤدى نفس عمل الايمولايزر ولكنة يعمل بطريقة أخرى وهى :
- المفاتيح عادية وليست مشفرة .
- ولكن أذا أغلقت السيارة بالريموت ( السيارة معها 2 ريموت )
لا يستطيع أحد تشغيل الموتور حتى بالمفاتيح الأصلية .
- لابد من فتح السيارة بالريموت نفسة أولا حتى يسمح لك نظام الأمان بتشغيل المحرك .. ولو كان معك المفتاح الأصلى نفسة .
- أذا أغلقت السيارة بالريموت .. لابد من أن تفتحها بالريموت
وألا لو فتحت السيارة بأى مفتاح مصطنع أو حتى بمفتاحها الأصلى ..
يصدر فورا صوت الأنذار ويمتنع المحرك عن العمل
حتى بمفتاحها الأصلى كما ذكرت سابقا .
- أضافة لأن بها نظام أخر لتأمين الشنطة فى حالة ترك السيارة مفتوحة فى جراج أو ما يشبة ذلك .
- أضافة لأغلاق السنتر لوك أوتوماتيك بمجرد وصول السيارة لسرعة 20 كم
وبالتجربة الشخصية وجدت أن هذة النظم محكمة وفعالة تماما
السلام عليكم اخوانى الافاضل
على فكرة انا سعيد جدا بمشاركاتكم لانها مفيدة بجد
أحب اضيف للاخ ايمن الفاضل ان اسبيرانزا غيرت شكل تارة الدركسيون و خلتها زى اللى بتنزل فى الكاتالوجات و بصراحة شكلها احلى بكتيييييييييييييييير من اللى قبل كده
وخللوا الكاسيت سى دى اللى فيها بدل ماهو كلاريون ..... بقى كاسيت سى دى شيرى - اسبيرانزا والصيانة بتاعته فى التوكيل نفسه بتاع العربية فى مراكز الصيانة ( فى موديلات 2011 )
أما بالنسبة لوسائل الامان زى المفتاح كده انا عن نفسى مش حابب حكاية الريموت فى ال بى واى دى لانه وارد جدا فى مرة من المرات الريموت يحصلله حاجة بعد ماقفل العربية .... يبقى ده معناه انى معرفش افتح العربية حتى ولا ادورها و لا اى حاجة!!!!!
اعتقد انها حاجة مبالغ فيها شوية....لازم يكون فيه خط رجعة ان الريموت لو باظ واللا هنج واللا حاجة زى كده انى اقدر افتح العربية بالمفتاح وارجع بيتنا......
[frame="9 80"]خبر هاااااااااااااااااااااااا ااااااام
أخوانى الافاضل
انا كنت من يومين فى معرض المصرية للسيارات وكنت باتفرج على العربية الاسبيرانزا هناك عشان اشوف حاشتريها بكام وحيعملولى ايه فى الدفع لو دفعت كاش وكده يعنى
وجدت حاجة غريبة جدا جدا جدا لفتت نظرى:::::::
أنى لما سألت الشاب اللى واقف عن العربية الاسبيرنزا هى دى بقى موديل 2011 ؟؟؟
قال لى اه طبعا
قولت له: بس انا عارف انهم غيروا تارة الدركسيون
قال لى : ماهى دى التارة الجديدة ( مع العلم انها نفس شكل التارة من 2007 لحد 2010 - الشكل القديم يعنى )
مع ملاحظة أن الكاسيت سى دى اللى راكب كان نوعه شيرى اسبيرانزا - مش كلاريون
معلومة ( كل الموديلات من 2007 لحد 2010 الكاسيت كلاريون والتارة نفس الشكل )
يبقى الاستنتاج من كده ان العربية اللى انا شوفتها عربية هجين من موديل 2010و2011
يعنى من الاخر اذا صح هذا الاستنتاج ان الاخوة الافاضل اللى فى المصرية للسيارات بيبلعبوا فى العربيات قبل مايبيعوها
ويحطوا الكاسيت ده مكان ده و التارة دى مكان دى والله اعلم باللى مش باين و مستخبى
وحسبى الله و نعم الوكيل فى البلد دى والناس اللى فيها
[/frame]
- ولكن أذا أغلقت السيارة بالريموت ( السيارة معها 2 ريموت )
لا يستطيع أحد تشغيل الموتور حتى بالمفاتيح الأصلية .
- لابد من فتح السيارة بالريموت نفسة أولا حتى يسمح لك نظام الأمان بتشغيل المحرك .. ولو كان معك المفتاح الأصلى نفسة .
هو ده اللى انا اقصده يا اخى العزيز..... يعنى ممكن مثلا مثلا بطارية الانذار اللى فى المفتاح تخلص فجأة او اكون واخد بالى انها خلاص قربت تخلص وانا مطنش و جت مرة واحدة و خلصت خالص ( وده على فكرة حصل معايا )
ساعتها بقى اعمل ايه؟؟؟؟؟
لا اعرف افتح العربية
ولو فتحتها ... معرفش ادورها؟؟؟؟؟؟؟؟؟
طب ده معقول؟