النهارده كنت بطارد 3 عربيات كارينز

**aly_hosny** · 06-01-2011 12:44 PM

المشاركة الأصلية كتبت بواسطة heshamzaky

هههههههههههههه دة تبلغ عنة و تكسب ثواب هية ناقصة حشاشين مش ممكن يتسطلو و يضايقو حد من السكان و هما خارج الوعى

ما هو ال بيضربو معاه من السكان و انا قولت لواحد يقولو قبل كدا اني هقول لمدير المعرض

المشاركة الأصلية كتبت بواسطة yasserelsayad

مش مهم سبهم يضربوا ويفضلوا فى غيبوبة احسن ما يبهدلوا عربيات الناس .. لكن لو الموضوع دا مضايقك او بيعملك مشكلة قول للمدير على طول

لا مفيش اي مشكلة بالنسبالي بس حاسس اني كدا سلبي و في نفس الوقت مش عايز اقطع عيشه

**ramy01011** · 06-01-2011 01:21 PM

ربنا يبارك فيك و يحميك و يا ريت الناس كلها تبقي ايجابية زي حضرتك كدة موش في العربيات و بس لا في كل حاجة ساعتها و الله مصر بلدنا هتبقي حاجة تانية و دي موش شعارات و لا كلام في الهو

**nonetta** · 06-01-2011 02:56 PM

طب انا دلوقتي اعمل ايه
انا حاجزة عربيتي من موزع معتمد
وقال لي انها بتيجي من ابو رواش سواقة
قلت له بس الله يخليك السواق اللي يجيبها يخلي باله عليها
اعمل ايه تاني عشان اطمن على عربيتي عشان تجيلي سليمة

**fahmy** · 06-01-2011 03:06 PM

احسن حل لى حضرتك تروح معاة علشان تكون مستريح وهو من هيعرف يجرى بيها طول منتا معاة

**yoko** · 06-01-2011 03:19 PM

المشاركة الأصلية كتبت بواسطة nonetta

طب انا دلوقتي اعمل ايه
انا حاجزة عربيتي من موزع معتمد
وقال لي انها بتيجي من ابو رواش سواقة
قلت له بس الله يخليك السواق اللي يجيبها يخلي باله عليها
اعمل ايه تاني عشان اطمن على عربيتي عشان تجيلي سليمة

روحي استلميها في أبو رواش

**hany121** · 06-01-2011 05:10 PM

المشاركة الأصلية كتبت بواسطة gebreel

محمد زكي عن تجربة و شفت بعينيا مفيش عربية بتيجي نتساقة كلوا بيحي على تريلات و اللي بينزلوا العربيات بيبقوا عارفين هما بيعملوا ايه بالظبط و ناس فعلا كلمة محترمين تبقى قليلة عليهم

+11111111111
انا جبت عربيتي منهم وفعلا ناس محترمه لابعد الحدود ومدير المبيعات اكدلي ان العربيات بتتنقل من الميناء للقطاميه علي طول علي التريلات وبتعمل pdi في القطاميه ووقت الاستلام رحت استلمت من القطاميه.. باقي الموزعين المعتمدين عربياتهم بتروح تعمل pdi في ابو رواش وتروح المعرض سواقه..

مواعيدهم كمان هايله. انا لما حجزت قالي الاستلام بعد اربع او خمس ايام (مع ان التوكيل قالي الاستلام بعد 3شهور!!) وفي اليوم الرابع الصبح كلمني مدير المبيعات وقالي العربيه وصلت امبارح بالليل ودلوقتي بتعمل pdi وممكن نروح نستلمها الساعه 6..