الموضوع: اعتذار رسمي مني لاعضاء قسم الهوندا

المشاركة الأصلية كتبت بواسطة hotride

السلام عليكم

انا مش هطوول في كلام كتير بس بجد انا في شدت الاسف عشان انا من غير قصدي ندلت مع اجدع ناس عرفتها و كان نفسي بجد يبقي بينا رابط قوي بس للاسف سوء الفهم بووظ دنيا

انا كان ليا كل شرف اني عرفت من هنا ناس في قمه ذوق و الاحترام و بالاخص الاستاذ سامح بجد ده شخصيه من صعب الواحد يلاقي زيها في زمن ده....ده اول مره كلمني وكان لا يعرفتي ولا شفني و كلمني من علي موبيلو لم عرف اني هجيب هوندا و كنت عايز المشوره و اعد ينصحني و استشيره فوق 25 دقيقه ! و قبلت العصابه مره في وسط البلد ناس بجد فوق كل شيء غايه الاحترام

وكان في مقابله في المقطم من 3 اسابيع و سامح كلمني عشان يقولي بس انا كنت رزل جدا و اعدت اسئل علي حجات كتير لدرجه اني زهقته مني و هو عنده حق راجل كتر خيره بيكالمني دقيقه يقولي تعالي انا استغليت الفرصه و اعدت اسئل تاني ! والله هي جت مني من غير قصد و بعدها كنت محرج جدا من الي عملته طبعا !!

جيه ميعاد المقابله مرحتش و لا حتي اعتذرت ! طبعا مفيش اي مبرر ليا بس فعلا انا وقتها كنت تعبان جدا جدا و كنت مش قادر حتي اعتذر

كل الي عايز اقوله ان العصابه متزعلش مني و بجد اسف جدا جدا جدا و يريت يقبلو اعتذاري و بالاخص سامح باشا

اية ياعم محمد اللى انت بتقولة دة

والله انا ماجية فى بالى لحظة واحدة حاجة من اللى انت بتقولها دية

ويعدين ياعم هو فية فرق مين اللى اتصل ولا مين كلم مين , واية المشكلة يعنى لما اكلمك على ميعاد مقابلة وتسألنى فى حاجات ولا لازم تكون انت اللى متصل عشان اجاوبك عيب يامحمد ياممدوح الكلام اللى انت بتقولة دة
عموما هو الشىء اللى احنا زعلانين منك علية انك قولتلى جاى وماجيتش بس مش عشان ماتصلتش تعتذر لأ عشان كان نفسنا نقعد معاك ونشوفك بس اكيد كان ليك عذرك والف سلامة عليك ياريس يارب تكون بقيت دلوقتى
ولا يهمك ياعم وسيبك من الكلام اللى انت بتقولة دة عشان والله عمرى مافكرت فية