استفسار عن الصيانة

**midh91** · 06-01-2011 11:38 AM

بسم الله الرحمن الرحيم

انا حاليا العربية ال fsv عملت 1100 كم وعايز اروح الصيانة واخويا سابلي العربية اشوف انا الموضوع ده ( العربية تم شرائها من المصرية للسيارات وقالولنا ان ورق الضمان حاخده من البافارية مع اول صيانة بس المشكلة اني معرفش اصلا فين مراكز الصيانة
اتمني حد يقولي عناوين مراكز الصيانة وارقام التليفونات بتاعتهم..... والصيانة بتاعت الالف دي هتتكلف كام وهل لازم احجز معاد في الصيانة قبل ما اروح ولا ايه ؟؟؟؟ وهقعد في التوكيل فترة اد ايه يوم الصيانة
وهل في مشكلة اني استخدم العربية شوية قبل ما اروح الصيانة (هتعدي ال1100 كم ) ولا اسيبهاخالص حتي الصيانة

انا اسف بس اتمني المساعدة لأننا ما اشتريناش عربية زيرو قبل كده
والعربيات المستعملة ملهاش توكيل ولا حاجات من دي ولا وجع دماغ :b4_007:

**FARAGAMF** · 06-01-2011 04:00 PM

اول صيانة بعد 2000 كيلو وليس 1000كيلو والضمان حضرت تروح فرع المجموعة البافارية فى النزهة حى الملتق العربى بعد الكوبرى لى بع النادى الاهلى مدينة نصر مباشرة على اليمين هما شغلين من الاحد الى الخميس من 9ص الى 5م

**FARAGAMF** · 06-01-2011 04:03 PM

ولازم تحجز ميعاد فى الصيانة وهى حوالى ساعتان ونصف وتتكلف حوالى 370 جنيها

**midh91** · 06-01-2011 04:21 PM

FARAGAMF
شكرا جزيلا ليك يعني لازم الاول اروح البافارية عند النادي الاهلي عشان الضمان
ولما اوصل ل 2000 كم احجز ميعاد للصيانة (مش فاكر مين اللي قالي ان الصيانة عند 1000 و 5000 كم ...)...عموما شكرا جزيلا ليك
هل الصيانة في نفس المكان عند النادي الاهلي ولا ليها مكان تاني ؟؟؟؟؟؟؟

**midh91** · 06-01-2011 04:40 PM

انا ليا استفسار تاني
انا كنت عايز اروح الضمان عشان النهاردة الصبح لقيت واحد (منه لله) فاكك الطاسة بتاعت الكاوتشة وكمان تاني الجنط فأنا قلقان فهل لازم اروح الضمان ولا اشوف اي حد يعدله وخلاص
بصوا كده

انا متغاظ جدااا والغريب اني لسة مصور العربية لأن كان عاجبني شكلها
بصوا العربية كانت جميلة جدااا ازاي

**waelms3** · 06-01-2011 07:03 PM

معلش يا باشا حتاخذ العين و ممكن تعملها عند اى حد بتاع كاوتش بس متخلوش يدق جامد عشان ما يبوظش الكاوتش

**akramesg** · 08-01-2011 12:24 PM

منه لله
البلد اتملت حرامية
بالمناسبة هيقولولك فى الملتقى العربى روح عند 5000 بس انت روح 2000 احسن عشان تظبط المواعيد زى مهم فاهمينها فى مراكز الصيانة

**midh91** · 08-01-2011 12:42 PM

المشاركة الأصلية كتبت بواسطة akramesg

منه لله
البلد اتملت حرامية
بالمناسبة هيقولولك فى الملتقى العربى روح عند 5000 بس انت روح 2000 احسن عشان تظبط المواعيد زى مهم فاهمينها فى مراكز الصيانة

شكرا لردودكم الجميلة دي
طيب انا لازم اروح الاول عند النادي الاهلي اجيب ورق الضمان زي ما قاللي في المصرية ... ولا اروح مركز الصيانة لما العربية توصل ل 2000 كم ؟؟؟؟

بالنسبة للجنط ده فأنا مبقتش ابص علي العربية من اليمين خالص

اللي غايظني بجد انه اخد طاسة واحدة بس (يمين امام ) وسايب الباقيين ........ مش فاهم يعني عنده fsv الطاسة ضاعت مثلا ؟؟؟؟ طيب ليه يبوظ الجنط كمان ؟؟؟؟؟؟؟؟؟ وفي تقريبا عيل عامل خدش تقريبا بمفتاح في الرفرف الشمال برضه مش فاهم ليه الاذي ده ؟؟؟؟
ليا استفسار تاني
العربية لما بتسخن rpm بينزل تحت الواحد فهل ده عادي ؟؟؟؟ بس سحب العربية بدأ يتعدل لما عدت ال 900 كم
اه في زرارين (بينهم الزرار اللي بيفتح الشنطة ) دول بيعملوا ايه ؟؟؟؟(تقريبا فيهم واحد ببتاع سخان الزجاج الخلفي صح ؟؟؟ )

**FARAGAMF** · 10-01-2011 11:30 AM

حضرتك بتحجز الصيانة عن طريق الرقم المختصر 16224 فى فرع فى ابورواش وفى القطامية الضمان من فرع الماظة بعد النادى الاهلى ويكون معاك الضمان وانت رايح الصيانة .
بالنسبة لزرارين على اليمين ببتاع سخان الزجاج الخلفي والشمال شفاط

**akramesg** · 10-01-2011 11:51 AM

الزرار الشمال لو منور يبقى تقليب الهواء داخلى لو مطفى شفاط بيسحب من برة

الموضوع: استفسار عن الصيانة

LinkBack

أدوات الموضوع

عرض

-

-

المواضيع المتشابهه

استفسار عن الصيانة الدورية !

استفسار عن قطع غيار الصيانة

استفسار عن الصيانة

استفسار عن الصيانة

استفسار عن الصيانة

الكلمات الدلالية لهذا الموضوع

المفضلات

المفضلات

ضوابط المشاركة