الحيرة هتقتلنى من شركة سونى

**Kazzaz** · 06-01-2011 03:53 PM

بص ده اللينك بتاعها من موقع سوني
XS-GTX1621S | Xplōd™ GTX Series Speakers | Sony | Sony Style USA

الفرق ان الكمبوننت بيبقي عباره عن سماعه ميدرانج فقط 1way و التويتر لوحده و معاهم جهاز بيوزع الصوت عليهم عشان اي صوت طالع من الكاسيت ميدرانج يروح علي السماعه الميدرانج و اي صوت طالع تردد منخفض يروح علي التويتر بدل ما يبقوا كله طالع من حاجه واحده و خلاص

و ده شكل الميدرانج مع التويتر مع الجهاز

و دي السماعه العاديه هتلاقي فيها حاجه في النص كده اللي هي المفروض التويتر يعني ..

بص انا زيك لسه هاركب و هاجرب انا كل الكلام ده عن غير تجربه كل ده اعدت ابحث فيه فتره طويله اوي اوي علي النت و بتناقش فيه مع ناس في منتديات امريكيه ...
انا ان شاء الله هاركب كمبوننت في الابواب ال 4 ان شاء الله و هاجيب امبليفير و صب ... الصب عشان البيز و الكمبوننت ( اللي هو متكون من سبيكر و تويترات ) عشان توزيع الصوت و النقاوه

**Kazzaz** · 06-01-2011 04:10 PM

ده شكل الميدرانج مع التويتر
[sor2]http://www.carspeakersaudio.com/wp-......./uploads/2010/09/Polk-Audio-DB6501-6-5-Inch-2-Way-Component-System.jpg[/sor2]]

**ahmad‎_luca** · 06-01-2011 05:03 PM

المشاركة الأصلية كتبت بواسطة Kazzaz

ahmad_290
أتمني اني امون افدتك في مشاركنتي اللي فاتت ...

لان اصلا لو قريت كلامي فوق السمعات السبيكر اساسا مش معموله عشان تطلع بيز لا اللي المفروض يطلع بيز هو الصب .. يعني صب و تويتر و سماعات ميدرانج و صب هاتبقي اوفرلك من امبليفير او اغلي شويه او ممكن اقل من انك تجيب اربع سماعات ورا + 4 سماعات تعبانين في الابواب .. انا شايف احسن حاجه في مصر كمبوننت و الوحيده هي السوني

كلامك مظبوط

مليون فى الميه

بس انا جايب السماعات ب 600 ج
و الجى ام ب 500 ج يعنى 1100ج
و الفكره انى جايب على مراحل مكنش معايا ال1100 ج مره واحده

الفكره بقا الاسعار اللى بتتكلم فيها كام !!
عشان كنت بفكر اغير سماعات الابواب

انا فى الاول مكنتش مشجع حوار فك الابواب !! بس اما فتحتها لاقيت السمعات متبرشمه بكلبسات !!

و بعدين اما سالت على الصبات و البوازيك الموضوع دخل فى 700 ج بالصندوق سواء صب او بازوكا و جى ام 500 ج و و سماعات تعبانه ب 200 او 300 ج .. و سمعت عن الكموبونانت بس مفكرتش اسال على السعر

لكن موضوع السماعات هيدك اعلى و انقى صوت بس مش متوزع فى مقابل السعر ..
بردو انا مش خبير ياريت تفيدنى اكتر ويا سلام لو تتكلم على الاسعار تبقى وفرت عليا كتييير

**m7mda7md** · 06-01-2011 09:17 PM

السماعات السوني دي عندي في الابواب الاماميه وصوتها ممتاز بإستثناء البيز متوسط.....جايز عشان مش موصلها ب جي إم و جايز عشان متركبه في الابواب ف مفيش مساحه تدي بيز....سعرها ف بي تك 350 جنيه

**beetleMOSH** · 06-01-2011 11:30 PM

كاسيت بايونيير ( اى نوع انت تحبه )
انا عن نفسى ارشحلك 5250 او 7250
اوبشن جامد جدا و الاتنين شاشه جرافيك

سماعات سونى كومبوننت قدام

السماعات البيضاوى زى ماتحب و خليك فى طقم واحد ( سماعتين بس يعنى )
انا عن نفسى مركب بايونيير و عامله شغل حلو و السونى برضه كويسه بس مسمعتهاش على جى ام الكينوود حلوه برضه و عندى طقم بس فصلته عشان بحسها لما بعلى بتهييس شويه
و بازوكا JBL ( فاجره و مركبها عندى بتشقلب العربيه )
او سونى ( مسمعتهاش بس فى ناس بتقول جامد برضه )
او صب بايونيير ( جامد جدا ) و لو جبت منه 2 يبقى شقلبه بجد

الجى امات بقى هاتبقى

جى ام 350 للكومبونانت
و واحد 720 كينوود مثلا 4 تشانل للبازوكا و السماعات اللى ورا

او ممكن بايونيير 800 4 تشانل برضه
بس ده السماعات لازم تكون اعلى من 80 rms

الفرق بينه و بين الكينوود
50 RMS للصب ( فى قوه البريدجيد يعنى )
الكينوود 150
البايونيير 200

**ahmad--ezzat** · 06-01-2011 11:41 PM

يا جماعه...ليه الناس بتقول كومبوننت هى فلوس على الفاضى؟

سماعات كينوود مقاس 16 او بايونير افضل من وجهه نظرى

وبعدين مش مطلوب بيز قدام خالص عشان نجيب كومبوننت

وبالنسبه لماركه سونى فهى كويسه جدا بس مش احسن من بايونير...اقل فى الكفائه

بصراحه شفت ال البايونير ال 460 وات

احسن من 1000 سونى (440 وات) فى النقاء والتقفيل وحتى الخامات

فالسونى ماركه كويسه للعايز يعمل ساوند سيستم كويس جدا وبسعر حنين

انما البايونير والكلاريون والكينوود والالبين ماركات اعلى من السونى فى صوتيات السيارات

**Kazzaz** · 07-01-2011 12:26 AM

يا باشا كلامك صح و لكن اللي عايز كمبوننت في مصر مش هايلاقي غير السوني و يا باشا كمبوننت مع صب احسن بكثير من سناعات بيضاوي ورا و خلاص و لكل واحد رايه

**beetleMOSH** · 07-01-2011 01:09 AM

صوتها احسن من المدور و كمان هاتقدر توصلها على الجى ام فى وجهه نظرى برضه
و فعلا السونى ماركه كويسه للعايز يعمل ساوند سيستم كويس جدا وبسعر حنين

**ramyworm** · 07-01-2011 10:16 AM

بص يا باشا السوند سيستم مش بس جهاز و سماعاتو دماغ كمان ... لازم تشغل مخك لان ممكن واحد يجيب عده و نظام بفلوس قد كده و الصوت مايبقاش حلو عشان مش موفق الاجهززه ببعض و مركبها في اماكن بتبوظ الصوت
و ممكن واحد تاني بمبلغ بسيط يعمل سوند سيستم عالمي ..
ده غير ان الصوت مش بس بيز .. يعني انا واحد مش بحكم بجوده الصوت بقد ايه البيز عالي .. لا بنقاوه و توزيع الصوت و لو حضرتك مركب سماعتين بس ورا اتحداك لو كان في اي توزيع في الصوت .. و النقاوه مش هاتبقي قد كده هابقي كل الظاهر بيز جايي من ورا ..
اهم حاجه في السوند سيسيتم توزيع الصوت صح

على فكرة انا مش قصدي ان انا الساوند سيستم عندي حلو ولا بنصحه يعمل كدة لو حضرتك قريت كويس انا قصدي من الكلام ده حاجتين مش اكتر :
1 - الراجل بيسأل على السوني وانا بقوله ان السماعات السوني صوتها حلو جدا ونقي وبيزها عالي جدا جدا وكفاية انها السماعة الوحيدة تقريبا 400 وات و 100 ار ام اس واقلهم في السعر وده اللي انا قولته انها بتديك افضل امكانيات مقابل السعر .
2- كنت عاوز اوصله اهمية الهيد يونيت او الكاسيت في موضوع الساوند سيستم وان الباقي سواء سماعات او صبات او جي ام والكلام ده مش حيتظبط غير على كاسيت حلو وعشان كدة كنت بقول الامثلة بتاعت عربيات اصدقائي .

انما انا اصلا ماعنديش ساوند سيستم عشان اتكلم عليه سواء حلو او وحش انا كل اللي عندي سماعتين ( كنت بحاول اوصل معلومة انهم مش وحشين زي ما الناس بتقول ) وكاسيت ( وده اللي كنت عاوز اوضح اهميته )
وشكرا على اهتمامك يا باشا

**Ali_mehrem** · 07-01-2011 10:19 AM

فعلا السونى حلوه جدا مقارنة باسعارها انا كنت جايب الصب ال 15 بوصه 1500 وات 450 rms ب600 جنيه فحين كان البايونير و بقية الصبات اعلى حاجه فيها 400 RMS و كانت اسعارها عاليه برضو فى النهاية احب اقول ان السونى حلوه مقارنة باسعار الاخرى فى السوق

الموضوع: الحيرة هتقتلنى من شركة سونى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

للبيع كاسي سونى اكسبلود + سماعات 400 وات سونى اكسبلود

شركة مصر للتأمين ليست مجرد شركة تأمين ولكنها اكبر شركة تأمين فى مصر وشمال أفريقيا

أنا فى قمة الحيرة

ما الافضل ؟ سونى اكسبلود amplifier ام سونى سى دى كاسيت؟

شركة فولكس فاجن تستحوذ على شركة تويوتا لتصبح أكبر شركة صناعة سيارات على مستوى العالم

الكلمات الدلالية لهذا الموضوع

المفضلات

المفضلات

ضوابط المشاركة