فاكرين الايام دي؟

**heshamzaky** · 12-01-2011 12:47 AM

المشاركة الأصلية كتبت بواسطة no comment

ههههههههههههه دى كنت بعملها انا وأخويا فى الشتاء والماسورة برضوا مهى كانت لايف أس لايف هههههههههههههه.

طب فاكر الاستيك كنا بنجيب الاستك و تلفة على صباعين زى النبلة و نجيب علبة دبابيس عادية كانت ب 5 قروش هههههههههه و تثنى الدبوس شوية و تضربة ب الاستك بس ما كانش بيعور عادى بس الالعاب دى مؤذية

**misoalex** · 12-01-2011 04:26 AM

المشاركة الأصلية كتبت بواسطة heshamzaky

طب فاكر الاستيك كنا بنجيب الاستك و تلفة على صباعين زى النبلة و نجيب علبة دبابيس عادية كانت ب 5 قروش هههههههههه و تثنى الدبوس شوية و تضربة ب الاستك بس ما كانش بيعور عادى بس الالعاب دى مؤذية

كنت بعملها بورقه واقطعها والفها حته صغيره بدل الدبابس
والعيال المتشرده بتاعه الشارع كانو بيعملوها بالسبارس بتاعه السجاير
وكنا بنجيب حته عصايه وندق فيها مسمار ونربط فيه الاستك ونحط من الناحيه التانيه دبوس غسيل (الخشب) وتبقى نبله او بندقيه حسب خيالنا ساعتها

وحوار الانبوبه بتاع القلم البك والبرتقال دى ياااااااااما عملتها

**heshamzaky** · 12-01-2011 04:34 AM

المشاركة الأصلية كتبت بواسطة misoalex

كنت بعملها بورقه واقطعها والفها حته صغيره بدل الدبابس
والعيال المتشرده بتاعه الشارع كانو بيعملوها بالسبارس بتاعه السجاير
وكنا بنجيب حته عصايه وندق فيها مسمار ونربط فيه الاستك ونحط من الناحيه التانيه دبوس غسيل (الخشب) وتبقى نبله او بندقيه حسب خيالنا ساعتها

وحوار الانبوبه بتاع القلم البك والبرتقال دى ياااااااااما عملتها

ههههههههههه على فكرة العصاية الى كان بتتعمل ب مشبك غسيل عارفها و عملتها بس ما رضيتش اقولها هههههههههههه والدى لما شافنى عاملها بهدلنى جامد لان الحركة دى العيال فى الشارع الى كانو بيعملوها . و طبعا كان فية الهوس بتاع بروس لى و المنشاكو كنا بنقص عصاية المقشة و نشبكها بسلسلة و طبعا بتفلت لانها مش محكمة و علقة لاننا كنا بنكسر عصاية المقشة بالعمد علشان نقطعها و نعمل مونشاكو هههههههههههههههه

**pro_samir** · 12-01-2011 05:02 AM

فكرتوني بحاجه ..

كان في مسدس زمان اسود وشكله معفن كده وفيه حتت حديده من الجنب تشدها علشان تعمره ، ومن قدام حتة فله أو بلاستيكه مربوطه فيه بفتله علشان متضيعش تعمره وتحط البتاعه دي وتضرب تطير علي حسب طول الفتله ! ..

كان دايما في العيد اتنين قرايبي بيشتروه وكنت بتغاظ منه جدا علشان كان شكله غبي ومقرف والسوسته بتاعته تقيله جدا علينا كأطفال (المفروض) وغير كده ملوش أي لازمه من وجهة نظري كطفل يعني علشان اضرب واحد لازم اروح اقف جنبه هههه .. الحمد لله إنه انقرض

حد فاكره ؟

هو كان الميزه فيه انك تحط ظلطه صغيره في الماسوره و زوووو

**heshamzaky** · 12-01-2011 05:13 AM

المشاركة الأصلية كتبت بواسطة pro_samir

فكرتوني بحاجه ..

كان في مسدس زمان اسود وشكله معفن كده وفيه حتت حديده من الجنب تشدها علشان تعمره ، ومن قدام حتة فله أو بلاستيكه مربوطه فيه بفتله علشان متضيعش تعمره وتحط البتاعه دي وتضرب تطير علي حسب طول الفتله ! ..

كان دايما في العيد اتنين قرايبي بيشتروه وكنت بتغاظ منه جدا علشان كان شكله غبي ومقرف والسوسته بتاعته تقيله جدا علينا كأطفال (المفروض) وغير كده ملوش أي لازمه من وجهة نظري كطفل يعني علشان اضرب واحد لازم اروح اقف جنبه هههه .. الحمد لله إنه انقرض

حد فاكره ؟

هو كان الميزه فيه انك تحط ظلطه صغيره في الماسوره و زوووو

ايوة طبعا بس دة كان بندقية مش مسدس و الفتلة كان لونها دايما أحمر بالامارة ههههههههه و كان فية المسدس الى ب السهام البلاستيك و أخرها كاوتشة سوداء بتلزق فى الزجاج أنا بقى كنت بفك الكاوتشة دى و بجيب دبوس ابرة و أسخنة على النار و امسكة ب الزرطية (( النسة يعنى ))) و أدخل الدبوس و هو ساخن بعد ما اكون قطمت راس الدبوس طبعا فى البلاستيك بتاع السهم علشان لما اضرب على حاجة خشب يرشق فيها

**pro_samir** · 12-01-2011 05:44 AM

المشاركة الأصلية كتبت بواسطة heshamzaky

ايوة طبعا بس دة كان بندقية مش مسدس و الفتلة كان لونها دايما أحمر بالامارة ههههههههه و كان فية المسدس الى ب السهام البلاستيك و أخرها كاوتشة سوداء بتلزق فى الزجاج أنا بقى كنت بفك الكاوتشة دى و بجيب دبوس ابرة و أسخنة على النار و امسكة ب الزرطية (( النسة يعنى ))) و أدخل الدبوس و هو ساخن بعد ما اكون قطمت راس الدبوس طبعا فى البلاستيك بتاع السهم علشان لما اضرب على حاجة خشب يرشق فيها

ماهو كان في منها مسدس .. وبتاع السهام البلاستيك ده كنت بخلع منه الكاوتشه علشان يسخدم في الأغراض المؤذيه .. والدبوس برضو كنا ساعات بنعمله ونرسم دواير علي لوح فوم وننشن عليه .. مكانوش لسه اخترعو المسدسات الخرز

ولا الكاميرا السودا برضو اللي بترش ميه .. نظام تعالي اما اصورك فسس فسسس تطلع ميه .. مع ان العيال كلها عارفه انها بترش ميه بس كانو بيقفو برضو هههههه

**shaddadfalcon1** · 12-01-2011 06:25 AM

المشاركة الأصلية كتبت بواسطة pro_samir

فكرتوني بحاجه ..

كان في مسدس زمان اسود وشكله معفن كده وفيه حتت حديده من الجنب تشدها علشان تعمره ، ومن قدام حتة فله أو بلاستيكه مربوطه فيه بفتله علشان متضيعش تعمره وتحط البتاعه دي وتضرب تطير علي حسب طول الفتله ! ..

كان دايما في العيد اتنين قرايبي بيشتروه وكنت بتغاظ منه جدا علشان كان شكله غبي ومقرف والسوسته بتاعته تقيله جدا علينا كأطفال (المفروض) وغير كده ملوش أي لازمه من وجهة نظري كطفل يعني علشان اضرب واحد لازم اروح اقف جنبه هههه .. الحمد لله إنه انقرض

حد فاكره ؟

هو كان الميزه فيه انك تحط ظلطه صغيره في الماسوره و زوووو

فاكره بغباوته بشكله العكر
ده كان اساسي في العيد

طيب فاكر بدلة الظابط اللي كانت دايما تييجي مع الناس اللي جايه من الحج؟

انا كان لازم يجيلي بدلة الظابط دي وابقي محدش زيي بقي لما البسها

**shaddadfalcon1** · 12-01-2011 10:12 AM

المشاركة الأصلية كتبت بواسطة nonetta

ايه دة ايه دة
دة الموضوع دة طلع كل المستخبي كله
واضح ان مكانش فيه طفل هادي ابدا
وبنزعق لعيالنا دلوقتي
دول ملايكة جنبكوا

انا فاكر وانا صغير كان يبقي الناس كلها في عز الصيف الظهريه كده قعده في بيوتها وانا اللي عمال الف في السكك زي اللي ملوش اهل
وكل ماابويا يقولي تعالي نام شويه زي كل البني ادميم اقوله لا واخد اللي فيه النصيب

دلوقتي اخويا الصغير 9 سنين بيعمل كل اللي انا كنت بعمله وكتيير اضربه وازعقله عشان يقعد في البيت بس لما بفتكر نفسي بضحك واسيبه

**No Comment** · 12-01-2011 10:16 AM

وكان فيه كمان المسدس الرول ( البكرة ) ده الأسود اللى كان بيتحطله دائرة بلاستك فيها بارود لونها أحمر كدة .... وكنا احنا بنخترع بفى ونسد الفتحة بتاعت الفوهة بتاعته علشان لما يفرقع الشريط يضرب معاه كل السدة والحاجات اللى حطيناها قبل السدة أو الفلة دى .
بعدها أخترعوا المسدس الخرز.

-

الموضوع: فاكرين الايام دي؟

LinkBack

أدوات الموضوع

عرض

-

-

-

-

المواضيع المتشابهه

فاكرين الاغانى دى؟؟

الايام البيض ....!!

يا ترى لسه فاكرين

فاكرين الاغنية دى

الكلمات الدلالية لهذا الموضوع

المفضلات

المفضلات

ضوابط المشاركة