الموضوع: كاوتش العربية تعبان و عايز يتغير

انا جربت البريللي لفترة قصيرة ..والبريدجستون ناشف وغبي .. الكومهو حلو .. مركب حاليا يابانى تويو toyo
بصراحة مريح جداَ وطري وفى المية جميل مش بيتزحلق.. انا جايب مقاس 175 على 70 على 13 رمز السرعة h يعنى يتحمل لحد 210 ك / س
.. كان اعلى سعراَ فى قائمة اليابانى لدى محل الكاوتش .. جبت الفردة بالمقاس السابق لسيارتى اللى هى مش لانوس :) 300 ج بعد الخصم ليا
سعرها ف السوق 350 ج .. وسألت عليها برة ف جسر السويس لقيتها 400 ج !!!!! ... اياَ كان نوع الكاوتش اللى حضرتك هتركبة
اسأل كذا مرة عند اكتر من واحد لان فية تفاوت فى الاسعار حسب الكمية والوكيل اللى بيتعامل معة محل الكوتشوك . حبيت انصحك بالتويو واليابانى عموما
لتجربتى معة .. مع اختلاف نوع السيارات .. وانتظر رأي السادة الاعضاء باردو .