الموضوع: تغير السيور فى الافيو

الاول الف مبروك صيانة ال 50000
ثانى حاجة
نتكلم على الصيانة دى تحديدا انا كنت فى نفس حيرتك
و رحت للميكانيكى القديم بتاعى و عرضت علية الموضوع لانة عشرة سنين طويلة
و كان راية ان الصيانة دى بالزات لازم تتعمل فى التوكيل و القطع تيجى من التوكيل لية ؟
لانها كلها قطع حساسة زى سير الكتينة مثلا لو جبت نوع و طلع مضروب بيكون اثار قطعة مش كويسة و لو اتركب غلط ( لان لية علامات لو ما كنش حد متمرس فى تركيبة بايلغبط الدنيا
و بالفعل رحت عملتها فى التوكيل
و قالوا لي فعلا هاتتكلف فى حدود ال 3000 ولكن الحمد لله اتكلفت حوالى 2000 ج
و دى تفاصيل الصيانة للاوبترا فى التوكيل
صيانة 500 144.00
مصنعية تغير شداد سير محرك 96.00
مصنعية تغير شداد سير كاتينة 88.00
مصنعية تغير طلملة المياة 169.00
سيل طلمبة مياة 1.44
طامبة مياة 270.00
سير دينامو 92.59
شداد سير دينامو 226.36
شداد سير كاتينة 226.36
بلية كاتينا 112.73
سير كاتينة 249.09
كيس بلاستيك 1.95؟؟؟
دواسة ارضية 1.03؟؟؟؟
الاجمالى شامل الضريبة 1845.31

ماكنش موجود فى الفرع ترموستات فاشترتها وركبتها فى فرع ثانى فى نفس اليوم
ترموستات 121.03 شامل الضريبة
تركيب 26.40 شامل الضريبة

يعنى النصيحة ليك التوكيل فى الصيانة دى تحديدا
ويا سيدى دى صيانة كل 55000 كم يعنى كل فين و فين بتشترى بيها العربية
بالتوفيق فى القرار السليم

الله يبارك فيك يا ايمن
انا بردة نزلت سالت الميكانيكى و سالت على قطع الغيار
و النتيجة انها هتتكلف برة حوالى 800 جنية من 3000 كتير جدا
انا فعلا محتار و مش عارف اخد قرار

هاتتكلف 800 ج
اكيد قطع الغيار مش استيراد الوكيل
و هاتكون عند ميكانيكى عادى
على العموم نصيحتى ليك انها تكون فى التوكيل بقطع غيار اصلية
بالتوفيق فى القرار السليم

هو فعلا مش استيراد الوكيل , منصور محتكر على قطع الغيار دية لنفسة علشان كدة مغلى براحتة
تقريبا هتوكل على الله و اعملها فى منصور ,,,,, حرامى حرامى
عارف يا ايمن العربيات المنافسة فى التوكيلات العملية دية بتتكلف فى حدود من 600 الى 1000 جنية

طيب التكلفة من 600 الى 1000 فى انهى عربيات ؟
و خلى بالك ان 2000 ج الى انا دفعتهم فيهم حوالى 450 ج مصنعيات
و دى كانت للاوبترا يعنى الافيو اكيد ارخص شوية

من 600 ل 1000 دية فى الهيونداى

نفس السعر فى الافيو هو الاوبترا انا بصراحة يا ايمن بحب الافيو و الاوبترا بس منصور وقع العربيات
عندك الكروز المفروض تبفى الاولى فى فئتها فين دلوقى الكروز عربية نادرة

انا كنت من اكثر الناس المحزرين من منصور
بس الحمد لله عملنا كقسم علاقات جيدة علشان نساعد اعضاء القسم و لو تلاحظ ان فية طفرة فى حل المشاكل من طرف منصور و ربنا يديم هذا